ខេត្តបាត់ដំបង៖ មានការភ្ញាក់ផ្អើលមើលឈូរឆរ នៅចំណុចក្រុម១ ភូមិចំការអូរ ឃុំកន្ទឺ២ ស្រុកបាណន់ ដោយឃាតករជាប្តីបានយកកាំបិតផ្គាក់កាប់ និងអារក ប្រពន្ធ ដាច់ពីក្បាលបណ្តាមលឱ្យស្លាប់យ៉ាងអាណោចអាធ័ម នៅបរិវេណ លំនៅដ្ឋានខាងលើ កាលពីវេលាម៉ោង ០៦និង៥០នាទីព្រឹកព្រលឹម ថ្ងៃទី២១ ខែឧសភា ឆ្នាំ២០១៩ នេះ ។ សមត្ថកិច្ចបានអោយដឹងថា៖ ក្រោយពីទទួលបានព័ត៌មានខាងលើ លោកឧត្តមសេនីយ៍ត្រី ជេត វណ្ណនី ស្នងការរងផែនការងារព្រហ្មទ័ណ្ឌនៃស្នងការដ្ឋាននគរបាលខេត្តបាត់ដំបង សហការណ៍ជា​មួយ​​កម្លាំងលោកវរសេនីយ៍ឯក ប៉ាន់ វណ្ណនី អធិការនគរបាលស្រុកបាណន់ អនុវត្តតាមបទបញ្ជារបស់ឯកឧត្តម ឧត្តមសេនីយ៍​ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង ចុះប្រតិបត្តិការបង្រ្កាប ឈានដល់ការឃាត់ខ្លួនឃាតករម្នាក់ឈ្មោះ យឿត រឿត អាយុ៣៣ឆ្នាំ (ត្រូវជាប្តី) រស់នៅភូមិចំការអូរ ឃុំកន្ទឺរ ២ ស្រុកបាណន់ ខេត្តបាត់ដំបង។ សមត្ថកិច្ចបានឲ្យដឹងទៀតថា៖ មូលហេតុដែលប្តីធ្វើសកម្មភាពយកកាំបិតភ្គាក់កាប់និងអារកដាច់ក្បាល ទៅលើជនរងគ្រោះជាប្រពន្ធឈ្មោះ ម៉ាន់ សុភា អាយុ៣៧ឆ្នាំ រស់នៅខេត្តកំពង់ស្ពឺ មកស្នាក់នៅផ្ទះឪពុក ម្តាយខាងប្តីនៅភូមិ ឃុំ កើតហេតុខាងលើ ដោយសារជននេះជាមនុស្សញៀនថ្នាំក្លាយជាមនុស្ស សរសៃ ប្រសាទ ហើយពេលបែកថ្នាំ ក៏កាប់ និងអារកប្រពន្ធស្លាប់តែម្តង។ ក្រោយពីសមត្ថកិច្ចធ្វើ កោសលវិច័្ចយ និងស្រាវជ្រាវ ឯកសា សាកសពជនរងគ្រោះរួច បានប្រគល់ជូនក្រុមគ្រួសារនៃសព ធ្វើបុណ្យតាមប្រពៃណី។ ចំណែក ឯឃាតករប្តីចិត្តអប្រិយ ត្រូវបាននគរបាលស្រុកបាណន់ ឃាត់ខ្នួនកសាងសំណុំរឿង ចាត់ការបន្តតាមនិតិវិធី៕ ដោយៈ លោក សុខ បូរី និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com