ខេត្តឧត្ដរមានជ័យ៖ នៅថ្ងៃទី២១ ខែឧសភា ឆ្នាំ២០១៩ មានសេចក្ដីរាយការមកថា៖ សមទ្ធិផលដែលកសាងដោយអតីត:ទីបញ្ជាការវរ:សេនាតូចលេខ៣៣ ចំណុះកងពល លេខ៤៣ និងអាគារទីបញ្ជាការវរ:លេខ៣៣ មួយខ្នង ត្រូវបានបំផ្លាញចោលបំបាត់ភស្ដុតាង​ និងផ្លូវចូលបន្ទាយត្រូវបានធ្វើរបងបិទ និងដីខ្ទង់រាប់សិបហិតា ត្រូវបានដាំស្វាយចន្ទី ធ្វើជាកម្មសិទ្ធ របស់ឯកឧត្ដម នាង ឃិម និងជំទាវ រួត អស់ទៅហើយ ពិតជាមិនធម្មតាម៉ែន។ ដី ដែលមានទីតាំងស្ថិតនៅចំណុចត្រពាំងរបើក ភូមិរំចេក ព្រំប្រទល់ឃុំលំទង និងឃុំអន្លង់វែង ស្រុកអន្លង់វែង ខេត្តឧត្ដរមានជ័យ។ ហើយបើយោងតាមសេចក្តីរាយការណ៍ បានអោយដឹងទៀតថា៖ ដីរាប់សិបហិតាទាំងនោះ អាជ្ញាធរភូមិ/ឃុំ/ស្រុកអន្លង់វែង​ និងលោកអភិបាលខេត្តឧត្ដរមានជ័យ លោកនៅមិនទាន់ជ្រាបពីរឿងនេះទេមើលទៅនោះ រឺមួយលោកជ្រាបហើយ លោកធ្វើជាមិនដឹង សូមលោក ប៉ែន កុសល្យ អភិបាលនៃគណៈអភិបាលខេត្តឧត្តរមានជ័យ មេត្តាស្រាវជ្រាវ និងដាក់ការ ស៊ើបអង្កេតទៅលើឯកឧត្ដម នាង ឃិន និងជំទាវ រួត អោយបានស៊ីជម្រៅក្នុងរឿងនេះផងបាទ។ ជំុវិញករណីខាងលើនេះ ខាងសារព័ត៌មានយើងខ្ញុំ នៅមិនទាន់សុំការបំភ្លឺពីលោកឧត្ដមនាង ឃិម និងលោក​ជំទាវ រួត បាននៅឡើយ​ទេ ព្រោះមិនមានលេខទូសព្ទ័ធ្វើការទំនាក់ ទំនងទៅលោកបានទេ ហើយអង្គភាពយើងខ្ញុំចុះផ្សាយទៅនេះមិនបានបង្អាប់បង្អោន ឬជាន់ពន្លេចបុគ្គលណាមួយឡើយ អង្គភាពយើងចុះផ្សាយទៅនេះ រិះគុណក្នុងន័យស្ថាបនា កែតម្រូវតែប៉ុណ្ណោះ ហើយអង្គភាពយើងខ្ញុំស្វាគមន៍ រងចាំការបកស្រាយបំភ្លឺពីសារមីរៀងរាល់ម៉ោងធ្វើការ៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com