ភ្លៀងមួយមេធំ ពេលយប់ លាយលំជាមួយខ្យល់កន្ទ្រាក់ មានសំឡេងផ្ទុះលើអាកាស ធ្វើឲ្យមានការផ្ញាក់ផ្អើលទាំងព្រឹកព្រលឹម និងមានបំណែកអំបែងធ្លាក់រាយពាយ
ខេត្តស្ទឹងត្រែង៖ នៅព្រឹកវេលាម៉ោង៥និង០០ នាទី ថ្ងៃទី២៣ ខែឧសភា ឆ្នាំ២០១៩ ភ្លៀងមួយមេធំ ធ្វើអោយមានការផ្ញាក់ផ្អើលក្នុងខេត្តស្ទឹងត្រែង ដោយមានសំឡេងផ្ទុះពីរលើអាកាស ដោយមានបំណែកអំបែងធ្លាក់រាយប៉ាយ ក្នុងឃុំអូស្វាយ និងឃុំព្រះរំគិល ស្រុកថាឡាបរិវ៉ាត់ ខេត្តស្ទឹងត្រែង ហើយបំណែកដែលធ្លាក់នោះមានលក្ខណៈ ដូចជាមិនប្រាកថាជាបំណែកអ្វីនោះទេ។
តាមការអោយដឹងពីរលោកនាយប៉ុស្តិឃុំអូរស្វាយ លោក ហម សាវ៉ន បានឲ្យដឹងថា៖នៅព្រឹកថ្ងៃទី២៣ ខែឧសភា ឆ្នាំ២០១៩នេះថា នៅវេលាម៉ោង៥និង០០នាទីព្រឹក មានសំឡេងផ្ទុះពីរលើអាកាស មាន៣តង់ លាន់រង្គើដីធ្វើឲ្យមានការផ្ញាក់ផ្អើលទាំងព្រឹក ក្រោយមកក៏មានបំណែកធ្លាក់រាយប៉ាយ ក្នុងឃុំអូស្វាយ នឹងឃុំព្រះរំគិល ជាច្រើនបំណែកតូចធំ នៅតាមភូមិមួយចំនួន។
លោកបន្តថា៖ ក្នុងហេតុការណ៍មានសំឡេងផ្ទុះ ឮឡើងដល់ទៅបីតង់ផ្ទួនៗគ្នា នឹងធ្លាក់បំណែកមកដល់ដីន តែនៅពុំទាន់បានដឹងច្បាស់ថា៖ ជាបំណែកយន្តហោះផ្ទុះ ឬក៏ផ្គាយរណប នឹងជាយាន្តអាវកាសនោះទេ ឬនេះជាបាតុភូត ក្រោយពីមេឃភ្លៀងមួយមេធំ លាយលំជាមួយនឹងខ្យល់កន្ទ្រាក់នឹងរលឹមផងនោះ កាលពីយប់ថ្ងៃទី២២ ខែឧសភា ឆ្នាំ២០១៩ ឬជាការសាកល្បងរបស់អ្នកវិជ្ចាសាសន៍ ហើយហេតុការណ៍នេះ ពុំមានប៉ះពាល់ដល់មនុស្ស ឬសត្វពាហនៈ នឹងខូចខាតទ្រព្យសម្បត្តិ របស់បងប្អូនប្រជាពលរដ្ឋនោះទេ។
ដោយៈ លោក សេង រត្ន័ និពន្ធនាយករង
គេហទំព័រ ប៉ោយប៉ែតប៉ុស្តិ៍
www.poipetpostnews.com
