ខេត្តបន្ទាយមានជ័យ៖ ច្រករបៀង(ស្តុកស្តោ) ស្ថិតក្នុងភូមិសាមគ្គី ឃុំគោករមៀត ស្រុកថ្មពួក ខេត្តបន្ទាយមានជ័យ គ្រប់គ្រងដោយលោក ម៉ៅ តារា ជាមេប៉ុស្តិ៍នគរបាលនៃវរ:ការពារព្រំដែនគោក ៨០៧ ក្រោមការគ្រប់គ្រងរបស់លោកវរសេនីយ៍ឯក ឡុង សំណាង ជាមេបញ្ជារការវរៈ ៨០៧ ពូកែបើកដៃអោយមេឈ្មួញ នាំសត្វ គោ ក្របី ទំនិញគេចពន្ធផ្សេងៗ ចូលមកកម្ពុជាដោយខុសច្បាប់ មិនតែប៉ុណ្ណោះ បើកដៃអោយមេខ្យល់នាំពលករខ្មែរចូលទៅធ្វើការនៅប្រទេសថៃ ដោយខុសច្បាប់ តាមច្រករបៀង ដែលខ្លួនគ្រប់គ្រង ហើយបើយោងតាមប្រភពច្បាស់ការមួយពីប្រជាពលរដ្ឋដែលរស់នៅក្បែរច្រករបៀងខាងលើ បានបង្ហើបប្រាប់ សារព័ត៌មាន (គេហទំព័រ ប៉ោយប៉ែតប៉ុស្តិ៍)ជាហូហែ។ លោក ឡុង សំណាង អាងខ្លួនជាមេបញ្ជារការវារៈការពារព្រំដែនគោក ៨០៧ កំពុងតែផ្គើនទៅនិងបទបញ្ជាថ្នាក់ដឹកនាំកំពូលៗនៃព្រះរាជាណាចក្រកម្ពុជា យ៉ាងពេញបន្ទុក ដែលកន្លងមកបទបញ្ជាបស់សម្តេចក្រឡាហោម ស ខេង តែងតែផ្តាំផ្ញើដល់កងកំលាំងប្រដាប់អាវុធទាំបីប្រភេទ ត្រូវពង្រឹង បង្ការ ទប់ស្កាត់រាល់បទល្មើសផ្សេងៗតាមក្រវ៉ាត់បន្ទាត់ព្រំដែនកម្ពុជា-ថៃ " តែផ្ទុយទៅវិញ លោក ឡុង សំណាង រឹទ្ធផ្គើនឡើងៗ "នូវប្រសាសន៍សម្តេចក្រឡាហោម បានបញ្ជាអោយបិទច្រករបៀងអោយអស់ តាមបន្ទាត់ព្រំដែនកម្ពុជា-ថៃ ទុកតែច្រកតំបន់ និងច្រកអន្តរជាតិ សម្តេចក្រឡាហោមបានមាន ប្រសាសន៍បន្តទៀតថា៖ ព្រោះច្រករបៀងគ្មាន ការិយាល័យត្រួតពិនិត្យ ដូចច្រកចេញចូលតែមួយនោះទេ។ តាមការជាក់ស្ដែង ក្រោយពីសារព័ត៌មាន យើងបានទទួលសេចក្តីរាយការពីប្រជាពលរដ្ឋរួចមក នៅថ្ងៃទី ២៣ ខែឧសភា ឆ្នាំ២០១៩ ក្រុមការងារយើងបានចុះទៅដល់ទីតាំងច្រករបៀង(ស្តុកស្តោ) ដែលគ្រប់គ្រងដោយនគរបាលការពារព្រំដែនគោក៨០៧ ដែលមានលោក ម៉ៅ តារា ជាមេប៉ុស្តិ៍ ហើយឃើញមានរថយន្តថៃកំពុងដឹកសត្វក្របីជាច្រើន ក្បាលឆ្លងចូលមកកម្ពុជា ដើម្បីយកមកឲ្យឈ្មួញខ្មែរដែលកំពុងរងចាំទទួលនៅក្នុងភូមិសាស្ត្រក្បែច្រកតំបន់បឹងត្រកួនដើម្បីយកទៅចែកចាយបន្ត។ ហើយម្យ៉ាងវិញទៀតក៏មានការបើកដៃឲ្យក្រុមឈ្មួញនាំម៉ូតូក្តៅ ថៃដាវ អត់ពន្ធ ចេញពីប្រទេសថៃ-ចូលមកកម្ពូជា ក្នុង០១ថ្ងៃៗជាច្រើនគ្រឿងផងដែល ដោយមិនខ្វល់ពីការខាតបង់ចំណូលពន្ធរដ្ឋ ដើម្បីតែប្រយោជន៍ផ្ទាល់ខ្លួន ចែកគ្នីគ្នា ធ្វើមានបាន ផងដែរ ហើយបើយោងប្រភពពីពលរដ្ឋរស់នៅទីនោះផ្ទាល់បានអោយដឹងទៀតថា៖ លោក ឡុង សំណាង សព្វថ្ងៃនេះ មានគូកំណាន់ស្រីក្មេងម្នាក់សាច់សខ្ចី ជញ្ចឹមទៀតផង។ ពាក់ព័ន្ធរឿងករណីខាងលើ នៅរសៀលថ្ងៃទី២៣ ខែឧសភា ឆ្នាំ២០១៩ កន្លងទៅនេះ សារព័ត៌មាន(គេហទំព័រ ប៉ោយប៉ែតប៉ុស្តិ៍) នៅមិនអាចធ្វើការទំនាក់ទំនងទៅ លោក ឡុង សំណាង មេបញ្ជាការនគរបាលវរការពារព្រំដែនគោក ៨០៧ បាននោះទេ ព្រោះទូរស័ព្ទខលមិនចូល ហើយអង្គភាពយើងខ្ញុំចុះផ្សាយទៅនេះមិនបានបង្អាប់បង្អោន ឬជាន់ពន្លេចបុគ្គលណាមួយឡើយ អង្គភាពយើងខ្ញុំចុះផ្សាយទៅនេះ រិះគុណក្នុងន័យស្ថាបនា កែតម្រូវតែប៉ុណ្ណោះ ហើយអង្គភាពយើងខ្ញុំស្វាគមន៍ រងចាំការបកស្រាយបំភ្លឺពីសារមីរៀងរាល់ម៉ោងធ្វើការ៕ ដោយៈ លោក ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com