កម្លាំងជំនាញព្រហ្មទណ្ឌកម្រិតស្រាលខេត្ត បង្ក្រាបទីតាំង អនឡាញលាក់មុខ ចំនួន០២ ន្លែង ក្នុងបុរី សាន ស៊ានហូ... ក្រុងប៉ោយប៉ែត៖ នៅថ្ងៃទី២២ ខែឧសភា ឆ្នាំ២០១៩ នៅវេលាម៉ោង១០និង០០នាទី ស្ថិតក្នុងភូមិគីឡូមែត្រលេខ៤ សង្កាត់ផ្សារកណ្តាល ក្រុងប៉ោយប៉ែត កម្លាំងជំនាញព្រហ្មទណ្ឌកម្រិតស្រាលខេត្ត បានដឹកនាំកម្លាំង ចុះមកបង្ក្រាបទីតាំងអនឡាញលាក់មុខ ចំនួន០២ ន្លែង ក្នុងបុរី សាន ស៊ានហូ ដោយមានការ សម្របសម្រួល ពីលោក តេង សាម៉ៃ ព្រះរាជអាជ្ញារង អមសាលាដំបូងខេត្តបន្ទាយមានជ័យ ឃាត់ខ្លួនជនជាតិចិនចំនួន០៤នាក់ ដែលហ៊ានលួចបើកអនឡាញខុសច្បាប់ យកមកការិយាល័យជំនាញខេត្ត។ បើយោងតាមជំនាញការិយាល័យ ព្រហ្មទណ្ឌកម្រិតស្រាល បានអោយដឹងថា៖ ក្នុងការចុះបង្រ្កាបទីតាំងខាងលើនេះ គឺខាងកម្លាំងរបស់លោក បានធ្វើការឃាត់ខ្លួន ជនជាតិចិន ចំនួន០៤នាក់ និងបានដកហូត វត្ថុតាងរួមមាន៖ ប៊តកុំព្យូទ័រ ចំនួន៨១គ្រឿង មានខូចខាតខ្លះ និងទូរស័ព្ទចំនួន៩០៦គ្រឿង មានខូចខាតខ្លះ។ លោកបានបន្តទៀតថា៖ លោកកំពុងកសាងសំនុំរឿង បញ្ជូនជនសង្ស័យទាំង០៤នាក់ ទៅតុលាការ អនុវត្តតាមនីតិវិធី៕ ពាក់ព័ន្ធករណីបង្ក្រាបទីតាំងអនឡាញខុសច្បាប់ ក្នុងបុរីសាន ស៊ានហូ នេះផងដែរ ធ្វើអោយមជ្ឈដ្ឋានទូទាំងក្រុងប៉ោយប៉ែត លាន់មាត់លាន់ក រិះគុណសមត្ថកិច្ចថា៖ ឃើញតែបង្ក្រាបបានមួយកន្លែង ពីរកន្លែងដើម្បីរាយការណ៍ជូនថ្នាក់លើយកស្នាដៃ ចំណែកឯ បនល្បែង អនឡាញ នៅមានជាច្រើនកន្លែងទៀត នៅក្នុងក្រុងប៉ោយប៉ែត ចុះហេតុអ្វី.?សមត្ថកិច្ចជំនាញ មិនធ្វើការបង្ក្រាបបន្តទៀត។ យោងតាមប្រភពពីសំណាកប្រជាពលរដ្ឋបានបន្តទៀតថា៖ ដោយសារសមត្ថកិច្ចជំនាញ មិនបង្ក្រាបកន្លែងបនល្បែងអនឡាញផ្សេងៗនោះ គឺដោយសារខ្លាចប៉ះឆ្នាំងបាយរបស់ខ្លួនហើយមើលទៅនោះ.!។ យោងតាមប្រភពពីប្រជាពលរដ្ឋរស់នៅក្រុងប៉ោយប៉ែត បានសម្តែងការព្រួយបារម្ភជាខ្លាំង ខណៈក្រុងប៉ោយប៉ែត ក្នុងអំឡុងប៉ុន្មានខែនេះ សំបូរចោរ ធ្វើសកម្មភាពកាច់សោរ កម៉ូតូ យកទៅបាត់អស់ជាច្រើនគ្រឿងហើយ គឺដោយ សារតែ ទីក្រុងប៉ោយប៉ែត សំបូរទៅដោយបនល្បែងគ្រប់ប្រភេទ ជាពិសេសបនល្បែងលេងផ្នាល់តាមអនឡាញ រីកដុះដាលដូចផ្សិតនៅក្រុងប៉ោយប៉ែតតែម្តង ដែលជាដើមចម កើតមានអំពើចារកម្មផ្សេងៗ និងអំពើហិង្សាក្នុងគ្រួសារ ក៏ព្រោះតែការលេងល្បែងចាញ់អស់ប្រាក់កាក់នេះឯង។ យ៉ាងណាមិញមជ្ឈដ្ឋានទូទាំងក្រុងប៉ោយប៉ែត រងចាំមើលថា៖ តើលោក គាត់ ហ៊ុល អភិបាលនៃគណៈអភិបាលក្រុងប៉ោយប៉ែត និងឯកឧត្តម អ៊ំុ រាត្រី អភិបាលនៃគណៈអភិបាលខេត្តបន្ទាយមានជ័យ ទើបឡើងកាន់តំណែងថ្មីនេះ ឯកឧត្តម មានចំណាត់ការ ទប់ស្កាត់ បង្ការ បង្ក្រាប រាល់បទល្មើសផ្សេងៗ បានដែលឬទេ.?។ គួរបញ្ជាក់ផងដែរថា៖ កន្លងមកសម្ដេចតេជោបានមានប្រសាសន៍ព្រមានមន្ត្រីថ្នាក់ក្រោមថា៖ ថ្នាក់ខេត្តណា មិនបង្ការ ឬទប់ស្កាត់ និងបង្ក្រាប រាល់ពីសកម្មភាពបទល្មើសផ្សេងនោះទេ នៅតែបណ្ដោយអោយបទល្មើសក្នុងខេត្ត/ក្រុង/កើតមានទៀតនោះ អាជ្ញាធរខេត្តនោះ នឹងប្រឈរមុខដកតំណែង។ ហើយសម្ដេចតេជោ បានមានប្រសាសន៍ធ្ងន់ៗថា៖ យើងបានដំណើរមកដល់អភិក្រមទី៥ហើយ មិនទុកមន្ត្រីណា ដែលធ្វើអោយខូចប្រយោជន៍ជាតិ និងប្រជាពលរដ្ឋទៀតបានឡើយ ខ្លាក៏វ៉ៃ រុយក៏វ៉ៃ កន្លាតក៏វ៉ៃ កណ្ដុរក៏វ៉ៃ ឆ្កែក៏វ៉ៃ វ៉ៃទាំងអស់៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com