ក្រុងប៉ោយប៉ែត៖ នៅរសៀលថ្ងៃទី៣១ ខែឧសភា ឆ្នាំ២០១៩ គណ:កម្មការដឹកនាំ និងរៀមចំកម្មពិធីប្រគល់ពានរង្វាន់អន្តរជាតិ ប្រចាំ២០១៩ (International School Award 2019) បានអោយដឹងថា៖ មានស្ថាប័នអប់រំរដ្ឋ និង ឯកជនសរុបចំនួន ៩,៦៧៣ អង្គភាព មកពីបណ្តាប្រទេសជាច្រើនលើសកលលោក បានដាក់ពាក្យស្នើសុំយកពានរង្វាន់អន្តរជាតិ សម្រាប់ឆ្នាំ២០១៩។ ដែលបានប្រារព្ធធ្វើនៅទីក្រុង Chandigarh ប្រទេសឥណ្ឌា។ ជាលទ្ធផល គណ:កម្មការសម្រេចជ្រើសរើសស្ថាប័នអប់រំ និង ឯកជនចំនួន២៦០ អង្គភាព មកពីបណ្តា ៥១ ប្រទេស ដើម្បីប្រគល់ពានរង្វាន់អន្តរជាតិ នៅទីក្រុង Chandigarh ប្រទេសឥណ្ឌា កាលពីថ្ងៃទី២៤ និង ២៥ ខែឧសភា ឆ្នាំ២០១៩ កន្លងទៅ ។  សូមជម្រាបជូនផងដែរថា៖ ក្នុងចំណោមស្ថាប័នទាំង២៦០ មានសាលាអន្តរជាតិជាតិ ប៊ី អាយ អេស ដែលមានទីតាំងស្ថិតនៅក្បែរផ្សារអគ្គ:ថ្មី  ក្រុងប៉ោយប៉ែត ខេត្តបន្ទាយមានជ័យ និង ជាសាលាតែមួយគត់តំណាងអោយព្រះរាជាណាចក្រកម្ពុជា ទៅទទួលពានរង្វាន់អន្តរជាតិ នៅប្រទេសឥណ្ឌា។ សូមបញ្ជាក់ផងដែលថា៖ ពានរង្វាន់អន្តរជាតិដែលសាលាអន្តរជាតិ ប៊ី អាយ អេស ទទួលបានមានឈ្មោះជាភាសាអង់គ្លេស “Best School Promoting Extra Curricular Activity Award” ដោយប្រែជាភាសាខ្មែរថា៖ សាលាឆ្នើមលើការអនុវត្តសកម្មភាពក្រៅកម្មវិធីសិក្សា។ លោក ខឹម ប៊ុណ្ណាវឌ្ឍន៍ បានបន្តអោយដឹងថា៖ សាលាអន្តរជាតិជាតិ ប៊ី អាយ អេស ត្រូវបានកសាងឡើងកាលពីថ្ងៃទី១០ ខែមករា ឆ្នាំ២០១៨។ ដោយមានតែលោក ខឹម ប៊ុណ្ណាវឌ្ឍន៍ ជានាយកសាលា ហើយបច្ចុប្បន្នចំនួនសិស្សដែលកំពុងសិក្សានៅសាលាមួយនេះមានចំនួន១២៣ នាក់ ។ ក្នុងកម្មវិធីសន្និសិទ្ធសារព័ត៌មាន ស្តីពី សាលាឆ្នើម លើការអនុវត្តសកម្មភាពក្រៅកម្មវិធីសិក្សា លោក ខឹម ប៊ុណ្ណាវឌ្ឍន៍ បានមានប្រសាសន៍ថា៖ សាលារបស់លោក គឺមានការបង្រៀន និង ការប្រលងស្របតាមស្តង់ដាជាតិ និង អន្តរជាតិ ជាពិសេសពេលប្រលងគឺសិស្សទាំងអស់មិនអាចលួចចំលងគ្នាបាននោះទេ ប្រសិនរកឃើញថា សិស្សណាម្នាក់ ធ្វើខុសពីបទបញ្ជាផ្ទៃក្នុងរបស់សាលា សិស្សនោះ គឺមិនអាចទទួលសញ្ញាប័ត្រពីសាលា ប៊ី  អាយ អេស បានឡើយ។ លោក ខឹម ប៊ុណ្ណាវឌ្ឍន៍ បានមានប្រសាសន៍បន្តទៀយថា៖ នៅឆ្នាំក្រោយឆ្នាំ២០២០ និង ឆ្នាំបន្តបន្ទាប់ទៀតលោក និងព្យាមយាមដណ្តើមយកពានអន្តរជាតិ សំរាប់សាលាឆ្នើម អោយបានបន្តទៀត ដើម្បីជាមុខមាត់សាលា និង ចង់បង្ហាញប្រទេសកម្ពុជា អោយសកលលោកបានដឹង និងបានស្គាល់ពីភាពអស្ចារ្យ និង សមត្ថភាពរបស់កូនខ្មែរយើង។ ជាកិច្ចបញ្ចប់ សូមសរសើរដល់លោកគ្រូអ្នកគ្រូសាលាអន្តរជាតិ ប៊ី អាយ អេស ដែលបានខិតខំបញ្ចេញស្នាដៃ និង ដណ្តើមយកពានសាលាឆ្នើម របស់អន្តរជាតិជាតិ ប្រចាំឆ្នាំ ២០១៩ ដើម្បីជាកិត្តិយស និង មុខមាត់ប្រទេសកម្ពុជា៕ ដោយៈ លោក ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostbews.com