ក្រុងប៉ោយប៉ែត៖ នៅថ្ងៃសុក្រ ១៤រោច ខែចេត្រ ឆ្នាំកុរ ឯកស័ក ព.ស ២៥៦២ ត្រូវនឹងថ្ងៃទី០៣ ខែឧសភា ឆ្នាំ២០១៩ វេលាម៉ោង១១ និង៣០នាទី ដោយមានប្រជាពលរដ្ឋរស់នៅភូមិប្រជាធម្ម បានរាយការមកខាងសមត្ថកិច្ចអធិការនិងរដ្ឋាននគរបាលក្រុងប៉ោយប៉ែតថា៖មានករណីជួញដូរគ្រឿងញៀននៅចំណុចបរិវេណសាលារៀនប្រជាធម្ម ស្ថិតក្នុងភូមិប្រជាធម្មកើត សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។ ក្រោយពីទទួលបានពត៍មាននេះហើយ កំលាំង នគរបាលប៉ុស្តិ៍ ផ្សារកណ្តាល បានចុះដល់ចំណុចទីតាំងខាងលើ ធ្វើការត្រួតពិនិត្យទៅលើជនសង្ស័យឈ្មោះ កែ លីថូ ភេទប្រុស អាយុ២៧ឆ្នាំ រស់នៅមណ្ឌល់៤ ភូមិប្រជាធម្មលិច សង្កាត់ផ្សារកណ្តាល កម្លាំងសមត្ថកិច្ចរកឃើញវត្ថុតាងថ្នាំក្រាមពណ៍សចំនួន០១ថង់តូច ។ ចំណែកពាក់ពួកចំនួន០២នាក់ទៀតបានរត់គេចខ្លួនបាត់អស់ ជនសង្ស័យត្រូវបាននាំមកប៉ុស្តិ៍ ដើម្បីធ្វើការសាកសួរបំភ្លឺ និងតាមចម្លើយជនសង្ស័យថា៖ ខ្លួនមានថ្នាំនៅក្នុងបន្ទប់ដេកទៀត លុះដល់ម៉ោង១២ និង២០នាទី ក៏នាំខ្លួនជនសង្ស័យទៅពិនិត្យកន្លែងបន្ទប់ដេក ឆេកឆេររកឃើញថ្នាំក្រាមពណ៍ស ០១ថង់ធំល្មម ម្សៅពណ៌ស ម៉ត់០១ថង់តូច យកចេញពីហោប៉ៅអាវផ្កាពាក់លើស្នួរខោអាវ ក្នុងកាបូបតូចពណ៍ខ្មៅ។ កាំបិតសាម៉ូរ៉ៃ០១,កាំបិតប៉ាំងតោ០២,កាំបិតខ្វែវ០១,ពូថៅ០១,ដែកស្រួចមុខបីជ្រុង០១,បំពង់សំរាប់ប្រើប្រាស់ថ្នាំ១ថង់, ដែកកេះ១,កែវសម្រាប់ជក់០១។ នៅក្នុងកិច្ចចុះប្រតិបត្តិការនោះដែល សមត្ថកិច្ចបានឃាត់ខ្លួនជនសង្ស័យចំនួន០២នាក់ទៀត ឈ្មោះ ងិន ប៉ក់ ភេទប្រុស អាយុ១៧ឆ្នាំ រស់នៅមណ្ឌល់៥ ភូមិប្រជាធម្មលិច(ជាអ្នកធ្នាប់យកថ្នាំពីឈ្មោះ អោយគេដែរ) និងឈ្មោះខន សុខា ភេទប្រុស អាយុ២២ឆ្នាំ រស់នៅមណ្ឌល់៧ ភូមិប្រជាធម្មកើត (ជាអ្នកប្រើប្រាស់គ្រឿងញៀន)។ បច្ចុប្បន្នជនសង្ស័យ រួមនិងវត្ថុតាង សមត្ថកិច្ចកំពុងកសាងឯកសារបញ្ជូនតាមនីតិវិធី៕ ដោយៈ ជួង វិសដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com