ខេត្តបន្ទាយមានជ័យ៖ សាខាកាកបាទក្រហមកម្ពុជា ខេត្ត​បន្ទាយមានជ័យ បាន​ប្រារព្វពិធី​អបអរសាទរខួប​លើកទី ១៥៦ ទិវាពិភព​លោកកាកបាទក្រហម និងអឌ្ឍចន្ទក្រហម ៨ឧសភា ឆ្នាំ២០១៩ ក្រោមប្រធានបទ“ខ្ញុំស្រឡាញ់កាកបាទក្រហកម្ពុជា“ នៅព្រឹកថ្ងៃច័ន្ទ ៣កើត ខែពិសាខ ឆ្នាំកុរ ឯកស័ក ព.ស២៥៦២ ត្រូវនឹងថ្ងៃទី៦ ខែឧសភា ឆ្នាំ២០១៩ នេះ។ ពិធីអបអរសាទរខួបលើកទី១៥៦ ​ទិវាពិភព​លោកកាក​បាទក្រហមនេះ បានប្រព្រឹត្តទៅនៅសាលប្រជុំធំថ្មី សាលាខេត្តបន្ទាយមានជ័យ ក្រោម​អធិបតីភាព ដ៏ខ្ពង់ខ្ពស់ លោកជំទាវ ឧកញ៉ា ម៉ៅ ម៉ាល័យ កែ គឹមយ៉ាន អនុប្រធានកិត្តិយសគណៈកម្មា ធិការ សាខា​តំណាង​ដ៏ខ្ពង់ខ្ពស់​ឯកឧត្តម កែ គឹមយ៉ាន ឧបនាយករដ្ឋមន្រ្តី ប្រធានក្រុមការងា​រថ្នាក់ជាតិ​ចុះជួយ ខេត្តបន្ទាយមានជ័យ និងមានការចូលរួមពីឯកឧត្តម សួន បវរ អភិបាល នៃគណៈអភិបាល​ខេត្តបន្ទាយមានជ័យ និងជា​ប្រធានកិត្តិយសគណៈកម្មាធិការសាខា ព្រមទាំងព្រះគ្រូមេគុណ ព្រះ​គ្រូអនុគណ ឯកឧត្តមលោក ជំទាវសមាជិកព្រឹទ្ធសភា រដ្ឋសភា ឯកឧត្តមលោកជំទាវ សមាជិក​ក្រុមប្រឹក្សាខេត្ត ឯកឧត្តមលោកជំទាវ លោកឧកញ៉ា សមាជិកគណៈកម្មាធិការសាខា លោក លោកស្រីប្រធាន អនុប្រធានមន្ទីរនានាជុំវិញសាលា ខេត្ត លោក លោកស្រីអភិបាល អភិបាលរង ស្រុក/ក្រុង ទាំង៩ក្នុងខេត្ត កងកំលាំងប្រដាប់អាវុធទាំង៣ប្រភេទ លោក លោកស្រីប្រធានក្រុមហ៊ុន អាជីវករ ពាណិជ្ជករ លោក លោកស្រី តំណាងគ្រឹះស្ថានមីក្រូហិរញវត្ថុ សប្បុរសជន ក្នុងនិងក្រៅខេត្ត ក្រុមប្រតិបត្តិសាខា មន្រ្តីអនុសាខា៩ ស្រុក/ក្រុង អ្នកស្ម័គ្រ ចិត្តកាកបាទក្រហម យុវជនកាកបាទក្រ​ហម​កម្ពុជា យុវជនកាយរិទ្ធ​ចូលរួម សរុបចំនួន៦៥០ អង្គ/​នាក់។ ជាកិច្ចបញ្ចប់ៈ ក្នុងនាមជាគណៈកិត្តិយស គណៈកម្មាធិការសាខា និងក្រុមប្រតិបត្តិសាខា សូមគោរពថ្លែងអំណព្រះគុណ និងអំណគុណដល់ឯកឧត្តម លោកជំទាវ លោកឧកញ៉ា លោក លោកស្រីមន្ត្រីរាជការ កងកម្លាំ​ង ប្រដាប់អាវុធ សប្បុរសជនទាំងអស់ ដែលបានលះបង់ នូវថ​វិកា​ផ្ទាល់ខ្លួន ដើម្បីចូលរួម បរិចាកគាំទ្រដល់សាខាកាកបាទក្រហមកម្ពុជា ខេត្តបន្ទាយមានជ័យ ដើម្បីសាខាមានធន់ធានយកមកបន្តសកម្មភាពមនុស្សធម៌ ជួយដល់ ជនរងគ្រោះ និងងាយរ​ងគ្រោះដែ​លកំពុងរងចាំយើង។ សូមទទួលមាននូវ សុខភាពល្អសំណាងល្អជ័យជំនះគ្រប់ពេលវាលា និងប្រកប់មុខរបរអ្វីចេះតែរីកចំរើនជាលំដាប់តរៀងទៅ សូមអោយបេះដូងមនុស្សធម៌ និងវប្បធម៌ចែករំលែក មានជារៀងរហូតតទៅ៕ ដោយៈ ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com