ពិធីប្រកាសផ្ទេភារកិច្ច តែងតាំងមុខតំណែង ឯកឧត្តម អ៊ុំ រាត្រី ចូលកាន់តំណែងជាអភិ បាលនៃគណ:អភិបាលខេត្តបន្ទាយមានជ័យ ជំនួសឯកឧត្តម សួន បវរ អភិបាលខេត្តចាស់...
ខេត្តបន្ទាយមានជ័យ៖ នៅថ្ងៃសុក្រ ៧កើត ខែពិសាខ ឆ្នាំកុរ ឯកស័ក ព.ស ២៥៦២ ត្រូវនិងថ្ងៃទី១០ ខែឧសភា ឆ្នាំ២០១៩ ឯកឧត្តម អ៊ុំ រាត្រី ត្រូវបានប្រកាសចូលកាន់តំណែងជាអភិបាលនៃគណ:អភិបាលខេត្តបន្ទាយមាន ជ័យ ជាស្ថាពរ។ ដោយឡែកឯកឧត្តម សួន បវរ អភិបាលខេត្តចាស់ត្រូវបាន ព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ទ្រង់បានត្រាស់បង្គាប់ អោយទៅបម្រើការងារថ្មីនៅក្រសួងមហាផ្ទៃ។
កម្មពិធីនេះបានរៀបចំឡើងនៅក្នុងរដ្ឋបាលខេត្តបន្ទាយមានជ័យ ក្រោមអធិបតីភាពដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និង ឯកឧត្តម កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិ ប្រយុទ្ធ ប្រឆាំងគ្រឿងញៀន និងមានការចូលរួមពីមន្រ្តីរាជការជាន់ខ្ពស់ និង សមត្ថកិច្ច នគរបាល ព្រមទាំងស្ថាប័នពាក់ព័ន្ធគ្រប់លំដាប់ថ្នាក់ក្នុងមូលដ្ឋាន បានចូលរួមក្នុងពិធីនេះផងដែល។
ក្នុងពិធីនេះផងដែល ឯកឧត្តម អ៊ុំ រាត្រី ដែលជាអភិបាលខេត្តទើបតែទទួលតំណែងថ្មី បានបាជ្ញាចិត្ត និង ខិតខំយកចិត្តទុកដាក់ក្នុងការកសាង អភិវឌ្ឍន៍ ខេត្តបន្ទាយមានជ័យ អោយរីកចំរើនទៅមុខបន្ថែមទៀត និងយកចិត្តទុកដាក់ក្នុងការ បង្ការ បង្ក្រាប ទប់ស្កាត់ រាល់បទល្មើសគ្រប់ប្រភេទក្នុងមូលដ្ឋានគ្រប់គ្រង និងដើម្បីជាការឆ្លើយតប ជូនប្រជាពលរដ្ឋក្នុងការរកដំណោះស្រាយ ដែលប្រជាពលរដ្ឋ កំពុងប្រឈមរាល់បញ្ហាផ្សេងៗ៕
ដោយៈ ជួង វិសិដ្ឋ និពន្ធនាយក
គេហទំព័រ ប៉ោយប៉ែតប៉ុស្តិ៍
www.poipetpostnews.com
