រាជធាភ្នំពេញ៖ ស្រ្តីម្នាក់ត្បានស្លាប់ក្នុងធ្លុកឈាម និងម្នាក់ទៀតរងរបួសធ្ងន់ បន្ទាប់ត្រូវបានរថយន្តមួយគ្រឿងម៉ាកកូរ៉ូឡា បេីកបុកពេញទំហឹង បណ្តាលអោយស្លាប់យ៉ាងអាណោចអាធម៍ទាំងព្រឹក ចំណែកឯម្ចាស់រថយន្ត(រត់គេចខ្លួនបាត់ស្រមោល)ដែលហេតុ ការណ៍នេះ បានកើតឡើងកាលពីវរលាម៉ោង០៥និង១៥នាទី ថ្ងៃទី១២ ខែមិថុនាឆ្នាំ២០១៩ នេះ តាមបណ្តោយផ្លូវព្រះនរោត្តមកែងផ្លូវ២១៤ នៅចំណុចអនុវិទ្យាល័យចតុុមុខស្ថិតនៅក្នុងសង្កាត់ចតុមុខ ខ័ណ្ឌដូនពេញ។ ហើយតាមប្រភពអ្នកនៅកន្លែងកើតហេតុបានអោយដឹងថា៖ គេឃើញមុនពេលកើតហេតុ ជនរងគ្រោះ ប្រុសម្នាក់ស្រីម្នាក់បានជិះម៉ូតូម៉ាក និច ពណ៌ស ពាក់ស្លាកលេខកំពង់ធំ 1l-19 80 ធ្វើដំណើរក្នុងទិសដៅពីលិចទៅកើត លុះមកដល់ចំណុចកើតហេតុ ភ្លើងស្តុបបែកជាបួន ក៏មានរថយន្តកូរ៉ូឡា ពណ៌ឈាមជ្រូក ពាក់ស្លាកលេខភ្នំពេញ 2A-67 06 ធ្វើដំណើរពីត្បូងទៅជើង បើកបរក្នុងល្បឿនលឿន បានជ្រុលទៅបុកម៉ូតូជនរងគ្រោះ បណ្ដាលបណ្តុះបណ្តាលអោយនារីម្នាក់(ស្លាប់)នៅកន្លែងកើតហេតុ និងម្នាក់ទៀត ជាបុរសរងរបួសធ្ងន់ ត្រូវបានបញ្ជូនទៅមន្ទីរពេទ្យសង្គ្រោះភ្លាមៗតែម្ដង ។ ជនរងគ្រោះមានឈ្មោះដូចខាងក្រោមៈ ទី១-ឈ្មោះ នាង លាបភា ភេទស្រី អាយុ២៦ឆ្នាំ មានមុខរបរនៅផ្ទះ ស្នាក់នៅ ម្តុំបាក់ទូក មានស្រុកកំណើតនៅ ខេត្តបាត់ដំបង (ស្លាប់នៅកន្លែងកើតហេតុ)។ ទី២-ឈ្មោះ ណាត់ វិចិត្រ ភេទប្រុស អាយុ២៥ឆ្នាំ ស្នាក់នៅម្តុំបាក់ទូក មានមុខរបរចុងភៅ (រងបួសធ្ងន់)។ ក្រោយពេលកើតហេតុសមត្ថកិច្ចមូលដ្ឋានបានមកធ្វើការវាស់វែងរួច និងទំនាក់ទំនងទៅខាងចរាចរណ៍ជើងគោកមកធ្វើកំណត់ហេតុ ដើម្បីយករថយន្តបង្កនិងម៉ូតូ ជនរងគ្រោះទៅរក្សាទុក រង់ចាំការដោះស្រាយនៅពេលក្រោយ។ ចំណែកសពប្រគល់អោយក្រុមគ្រួសារយកទៅធ្វើបុណ្យតាមប្រពៃណី ៕ ដោយៈ សេង រត្ន័ និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com