ក្រុងប៉ោយប៉ែត៖ អបអសាទរ ពិធីប្រគល់រថយន្តសង្គ្រោះ អំណោយទី ៣៦ របស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តំណាងដ៏ខ្ពង់ខ្ពស់តាមរយៈ ឯកឧត្តម ឧកញ៉ាបណ្ឌិត ជា រតនា និងលោកជំទាវ លី ហៀក រតនា ជូនអធិការដ្ឋាននគរបាលក្រុងប៉ោយប៉ែត ថ្ងៃច័ន្ទ ៨កើត ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនិងថ្ងៃទី១០ ខែមិថុនា ឆ្នាំ២០១៩។ ក្នុងពិធីប្រគល់រថយន្តសង្គ្រោះ០១គ្រឿង ជូនលោកវិរៈសេនីយ៍ឯក ធិន សុិនដេត អធិការដ្ឋាននគរបាលក្រុងប៉ោយប៉ែត នៅព្រឹកនេះផងដែរ ឯកឧត្ដម ឧកញ៉ា បណ្ឌិត ជា រតនា និង លោកជំទាវ លីហៀក រតនា ឆ្លៀតក្នុងឱកាសនេះ ឯកឧត្តម ឧកញ៉ា បណ្ឌិត ជា រតនា សូមថ្លែងអំណរអរគុណ ដល់សម្ដេចតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលលោកទាំងពីរតែងតែយកចិត្ត ជួយជាអំណោយ រថយន្តសង្គ្រោះ០១ គ្រឿង លើកទី៣៦។ ជូនដល់កងកម្លាំងអធិការដ្ឋានក្រុងប៉ោយប៉ែត សម្រាប់ទុកធ្វើជាមធ្យោបាយរួម ដើម្បីងាយស្រួលក្នុងការសង្រ្គោះបន្ទាន់ នូវហេតុការគ្រោះថ្នាក់ចរាចរណ៍ ជាយថាហេតុ ប្រការណាមួយ និងជាប្រយោជន៍រួមដល់ប្រជាពលរដ្ឋ រស់នៅក្នុងទីក្រុងប៉ោយប៉ែតទាំងអស់គ្នាផងដែល ដោយមិនប្រកាន់ទិនាការណ៍បក្សនយោបាយណាមួយឡើយ។ ឆ្លៀតក្នុងឱកាស ប្រគល់រថយន្តសង្គ្រោះ០១ គ្រឿង នៅព្រឹកនេះផងដែរ ឯកឧត្តម ឧកញ៉ា បណ្ឌិត ជា រតនា បានមានប្រសាសន៍ផ្តាំផ្ញើដល់កងកម្លាំងអធិការរដ្ឋាននគរបាលក្រុងប៉ោយប៉ែតថា៖ សូមយករត់យន្តសង្គ្រោះ០១ គ្រឿងនេះ ដែលជាអំណោយដ៏ថ្លៃថ្លារបស់សម្ដេចតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន សូមយកទៅធ្វើអ្វីដែលល្អសម្រាប់បម្រើប្រជាពលរដ្ឋ។ ឯកឧត្តមបណ្ឌិតឧកញ៉ាបានបន្តថា៖ សូមកុំយករថយន្តសង្គ្រោះនេះធ្វើជាមធ្យោបាយផ្ទាល់ខ្លួន ឬក៏ដឹកទំនិញផ្សេងៗ សូមកុំធ្វើឱ្យម្ចាសអំណោយសម្ដេចតេជោហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន លោកទាំងពីរអស់សង្ឃឹម ចំពោះកងកម្លាំងអធិការរដ្ឋាននគរបាលក្រុងប៉ោយប៉ែត។ ដែលកន្លងមក កងកម្លាំងប្រដាប់អាវុធទាំងបីប្រភេទ ធ្លាប់យករថយន្តសង្គ្រោះបំពាក់សារ៉ែន ដែលជាអំណោយ យកទៅដឹកអ្វីផ្សេងខុសគោលការផងដែរ។ ជាកិច្ចបញ្ចប់ៈ ឯកឧត្តម ឧកញ៉ា បណ្ឌិត ជា រតនា បានជូនអំណោយ ភួយចំនួន ១០០ ជូនដល់ ប្រធានបន្ទីរពេទ្យមណ្ឌលសុខភាពប៉ោយប៉ែតពី សម្រាប់ប្រើប្រាស់ក្នុងមន្ទីរពេទ្យ។ និងជូនគ្រឿងឧបភោគ បរិភោគ ដល់អ្នកជំងឺ ដែលកំពុងសម្រាកព្យាបាល នៅមន្ទីរពេទ្យមណ្ឌលសុខភាពប៉ោយប៉ែតពី ក្នុងម្នាកៗទទួលបានគ្រឿងបរិភោគ០១ឆ្ពក ថវិកា ៥ម៉ឺនរៀលផងដែរ៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com