ជនសង្ស័យចំនួន០៣នាក់ ត្រូវបានសមត្ថកិច្ចខ័ណ្ឌសែនសុខឃាត់ខ្លួន ពីបទប្រើប្រាស់ដោយខុសច្បាប់នូវសារធាតុញៀន...!!!
រាជធានីភ្នំពេញ៖ ប៉ុស្តិ៍រដ្ឋបាលភ្នំពេញថ្មី បានធ្វើការឃាត់ខ្លួនជនសង្ស័យចំនួន០៣នាក់ ពីបទប្រើប្រាស់ដោយខុសច្បាប់នូវសារធាតុញៀន នៅតាមផ្លូវ១៩៨៣ ភូមិភ្នំពេញថ្មី សង្កាត់ភ្នំពេញថ្មី ខ័ណ្ឌសែនសុខ នៅវេលាម៉ោង០០និង១០ នាទីរំលងអាធ្រាត ឈានចូល ថ្ងៃទី១៣ ខែមិថុនា ឆ្នាំ២០១៩ ។
សមត្ថកិច្ចបានអោយដឹងថា៖ ជនសង្ស័យចំនួន០៣នាក់ មានឈ្មោះដូចខាងក្រោមៈ
ទី១-ឈ្មោះ ពេជ្រ សារ៉ាន់ ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិបឹងសាលាង សង្កាត់ឬស្សីកែវ ខណ្ឌឬស្សីកែវ ។
ទី២-ឈ្មោះ ស៊ឹម សំណាង ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិបឹងសាលាង សង្កាត់ឬស្សីកែវ ខណ្ឌឬស្សីកែវ ។
ទី៣-ឈ្មោះ ហង់ រិទ្ធី ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅក្នុងការដ្ឋានសំណាង់ សង្កាត់អូរឡាំពិក ខណ្ឌចកាមន ។
សម្ភារៈដកហូត ៖ គ្មាន ។
សមត្ថកិច្ចបានបន្ដថា៖ នៅពេលកំលាំងប៉ុស្តិ៍រដ្ឋបាលភ្នំពេញថ្មី បានធ្វើការល្បាតក្នុងភូមិសាស្ត្រ ដល់ចំណុចកើតហេតុខាងលើ ឃើញជនសង្ស័យ០៣នាក់ កំពុងដើរតាមផ្លូវ ដោយមានការសង្ស័យសមត្ថកិច្ចបានហៅ ធ្វើការត្រួតពិនិត្យលើដងខ្លូន រួចនាំខ្លួនជនសង្ស័យមកធ្វើការត្រួតពិនត្យទឹកនោមរកសារធាតុញៀន នៅអធិការដ្ឋាននគរបាលខណ្ឌសែនសុខ ជាលិតផល វិជ្ជមាន។
បច្ចុប្បន្ន៖ ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
ដោយៈ លោក សេង រត្ន័ និពន្ធនាយករង
គេហទំព័រ ប៉ោយប៉ែតប៉ុស្តិ៍
www.poipetpostnews.com