ខេត្តស្វាយរៀង៖ កម្លាំងនគរបាលវរការពារព្រំដែន លេខ៦១១ នៃស្នងការដ្ឋាននគរបាលខេត្តស្វាយរៀង បានចុះបង្ក្រាបរឹបអូសគ្រឿងញៀនបានចំនួន ១៧គីឡូក្រាម នៅចន្លោះព្រំដែន កម្ពុជា-វៀតណាម ក្បែរនឹងច្រកអន្តរជាតិបាវិត ប៉ុន្តែ គួរអោយសោកស្តាយ ជនសង្ស័យបានរត់គេចខ្លួនបាត់ម៉ោល នាវេលាម៉ោង០៨ យប់ថ្ងៃទី១៣ ខែមិថុនា ឆ្នាំ២០១៩។ កម្លាំងនគរបាលវរៈការពារព្រំដែនលេខ៦១១ បានអោដឹងថា៖ ពេលចេញល្បាតតាមខ្សែក្រវ៉ាត់ព្រំដែន ត្រង់ចំណុច បង្គោលព្រំដែនលេខ១៧០ ស្លាបខាងឆ្វេង ច្រកទ្វារអន្តរជាតិបាវិត ក៏បានជួបនិងជនសង្ស័យម្នាក់ ដើរកាត់វាលស្រែក្បែរចំការប្រេងខ្យល់ ដោយមានយួរវ៉ាលីស ធំមួយ, ដោយ មានការសង្ស័យ សមត្ថកិច្ចក៏បានហៅអោយឈប់ដើម្បីសួរនាំ តែជនសង្ស័យបានទម្លាក់ វ៉ាលីសនោះចោល ហើយរត់គេចខ្លួនចូលចម្ការប្រេងខ្យល់បាត់ទៅ។ សមត្ថកិច្ចនគរបាលវរៈការពារព្រំដែនលេខ៦១១ បានអោយដឹងទៀតថា៖ ក្រោយធ្វើការត្រួតពិនិត្យឆែកឆេរវ៉ាលីសនោះ សមត្ថកិច្ចបានរកឃើញម្សៅក្រាមពណ៌សថ្លា ដែលសង្ស័យថា៖ ជាគ្រឿងញៀនប្រភេទអំហ្វេតាមីនចំនួន១៧ដុំ ដែលស្មើនឹងប្រមាណ ១៧គីឡូក្រាម។ ក្នុងករណីនេះផងដែល ជនសង្ស័យប្រុងឡូត ឆ័ត្រយកគ្រឿងញៀន ទៅកាន់ប្រទេសវៀតណាម តែនៅពេលសមត្ថកិច្ចហៅឃាត់សួរ ជនសង្ស័យភ័យក៏រត់បាត់ទៅ។ តែយ៉ាងណាក៏ដោយពេលនេះ កំលាំងលោកកំពុងទាក់ទង សហការជាមួយខាងភាគីវៀតណាម ដើម្បីធ្វើការងារលើករណីនេះ និងស្រាវជ្រាវរកមុខសញ្ញាពាក់ព័ន្ធ។ បច្ចុប្បន្នៈ វត្ថុតាងគ្រឿងញៀនទម្ងន់១៧គីឡូ ក្រាម កំពុងត្រូវរក្សាទុកនៅប៉ុស្តិ៍ព្រំដែនធ្លក ដើម្បីរៀបចំតាមនីតិវិធី នាំយកទៅកាន់ស្នងការដ្ឋាននគរបាលខេត្តស្វាយរៀង៕ ដោយៈ លោក សេង រត្ន័ និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com