រាជធានីភ្នំពេញ៖ បុរសជនជាតិពីរនាក់ស្រវឹងស្រាឡើងទន់ខ្លួន បើករថយន្តស៊េរីទំនើប ម៉ាករ៉េនរូវើ០១គ្រឿង វាជែងទៅបុកម៉ូតូចំពីមុខពេញទំហឹង ផ្លោងទៅតាមចឹញ្ចើមផ្លូវផ្ងាជើងឡើងលើ បណ្តាលអោយយុវជនពីរនាក់បានស្លាប់បាត់បង់ជីវិតភ្លាមនៅនិងកន្លែងកើតហេតុយ៉ាងអាណោចអាធម៍ កាលពីវេលាម៉ោង១០និង៣០នាទីយប់ ថ្ងៃទី១៤ ខែមិថុនាឆ្នាំ២០១៩ ស្ថិតនៅតាមបណ្តោយផ្លូវ ១៩៦២ កែងនិងផ្លូវប្រឡាយ ភូមិអង្ក្រង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។ បើយោងតាមប្រភពប្រជាពលរដ្ឋនៅនិងកន្លែង កើតហេតុបានអោយដឹងថា៖ មុនកើតហេតុគេឃើញបុរសជនជាតិម្នាក់រួមនិងបុរសជនជាតចិនម្នាក់ទៀត ស្រវឹងស្រាឡើងទន់ខ្លួនបើករថយន្តស៊េរីទំនើប០១គ្រឿង ម៉ាករ៉េនរូវើពណ៌ខ្មៅ ពាក់ស្លាកលេខ ភ្នំពេញ2R-0777 ធ្វើដំណើរទិដដៅពីលិចទៅកើត ក្នុងល្បឿនលឿន លុះមកដល់ចំណុចកើតហេតុខាងលើបានវ៉ាជែងមកខាងឆ្វេងដៃ ជ្រុលបុកម៉ូតូមួយគ្រឿងម៉ាកហុងដាឌ្រីមសង់ ស៊េរី២០១៩ ពណ៌ខ្មៅ ពាក់ស្លាកលេខ ភ្នំពេញ1HI-0788 ជិះដោយបុរសពីរនាក់ បញ្ច្រាស់ទិសដៅគ្នា.ពីកើតទៅលិច បានបុកចំពីមុខពេញទំហឹងបណ្តាលអោយបុរសបើកម៉ូតូ ពីនាកស្លាប់ភ្លាមៗនៅនិងកន្លែងកើតហេតុតែម្តង។ សមត្ថកិច្ចបានអោយដឹងថា៖ ជនជាតិចិនបើករថយន្តបង្កទាំងពីរនាក់ត្រូវបានសមត្ថកិច្ចឃាត់ខ្លួនបញ្ជូនមកប៉ុស្តិ៍នគរបាលរដ្ឋបាលក្រាំងធ្នង់ភ្លាមៗ។ ជនរងគ្រោះទី១.មានឈ្មោះ យឹម សំណាង ភេទប្រុស អាយុ២៤ មុខរបរជាងដែកនៅម្តុំផ្សារត្រពាំងថ្លឹង ស្នាក់នៅកន្លែងធ្វើការ មានស្រុកកំណើត ភូមិសំរោងទាវ សង្កាត់ក្រាំងធ្នង់ ខណ្ឌសែនសុខ។ ជនរងគ្រោះទី២.មិនស្គាល់អត្តសញ្ញាណនោះ ទេ សមត្ថកិច្ចកំពុងធ្វើស្រាវជ្រាវបន្ត។ ក្រោយកើតហេតុ សមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញ ចុះមកធ្វើការវាស់វែងយករថយន្តនិងម៉ូតូទៅរក្សាទុកនៅការិយាល័យចរាចរណ៍ផ្លូវគោក ស្នងការរាជធានីភ្នំពេញ រងចាំដោះស្រាយគ្នាទៅតាមនៅពេលក្រោយ។ ចំណែកសពជនរងគ្រោះសមត្ថកិច្ចធ្វើកំណត់ហេតុរួច ប្រគលជូនសាច់ញាត្តិយកទៅស្រុកកំណើតធ្វើបុណ្យតាមប្រពៃណី៕ រាយការណ៍ដោយៈ អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com