នគរបាលប្រឆាំងបទល្មើសសេដ្ឋកិច្ច ខេត្តបន្ទាយមានជ័យ បង្រ្កាបរថយន្ត១គ្រឿងដឹកជញ្ជូននាំផលិតផលគ្រឿងក្នុងជ្រូកជាងកន្លះតោន​...!!! ខេត្តបន្ទាយមានជ័យ៖ គ្រឿងក្នុងជ្រូកជាងកន្លះតោនដែលដឹកក ពីប្រទេសថៃចូលមកកម្ពុជាខូចគុណភាពខុសច្បាប់ផ្ទុកតាមរថយន្តតួរីស១គ្រឿងនាំពីប្រទេសថៃចូលមកកម្ពុជា ខូចគុណភាពត្រូវបានកម្លាំងនគរបាលការិយាល័យបរឆាំងបទល្មើសសេដ្ឋកិច្ច ខេត្តបន្ទាយមានជ័យ បង្រ្កាបនិងឃាត់ខ្លួនអ្នកបើករថយន្ត១នាក់បញ្ជូនមកកាន់ស្នងការដ្ឋានគរបាល ខេត្តបន្ទាយមានជ័យ ដើម្បីត្រួតពិនិត្យនិងចាត់ការតាមផ្លូវច្បាប់។ បង្រ្កាបរថយន្តដឹកផលិតផលគ្រឿងជ្រូកខូចគុណភាពធ្វើឡើងនៅលើកំណាត់ផ្លូវជាតិលេខ៥ វេលាម៉ោង៤និង៣០ នាទីរសៀលថ្ងៃទី២០ ខែមិថុនា ឆ្នាំ២០១៩ ស្ថិតនៅក្នុងភូមិណាកាឆាយ ឃុំកូប ស្រុកអូរជ្រៅ ក្រោមការដឹកនាំកម្លាំងបង្រ្កាបផ្ទាល់ដោយស្នងការរងទទួលផែនការងារប្រឆាំងបទល្មើសសេដ្ឋកិច្ចនៃស្នងការដ្ឋាននគរបាល ខេត្តបន្ទាយមានជ័យ លោកឧត្តមសេនីយ៍ត្រី ចាប សុផាប្ញទ្ធិ និងមានការសម្របសម្រួលនីតិវិធីពីព្រះរាជអាជ្ញាអមសាលា ដំបូងខេត្តបន្ទាយមានជ័យ លោក មាស ច័ន្ទពិសិដ្ឋ។ លោកស្នងការរងទទួលផែនការងារប្រឆាំងបទល្មើសសេដ្ឋកិច្ចលោកឧត្តមសេនីយ៍ត្រី ចាប សុផាប្ញទ្ធិ ប្រាប់ឱ្យដឹងថា ការបង្រ្កាបរថយន្តម៉ាកtoyota alphard ពណ៌ស ពាក់ស្លាកលេខ បន្ទាយមានជ័យ ២B ៦៧៧៩ អនុវត្តតាមបទបញ្ជាផ្ទាល់ពីលោក ឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យដើម្បីទប់ស្កាត់នៃការនាំចូលផលិតផលម្ហូបអាហារខូចគុណភាពខុសច្បាប់ បង្កគ្រោះថ្នាក់សុខភាពប្រជាពលរដ្ឋខ្មែរ។ ក្រោយពីមានប្រជាពលរដ្ឋ ប្តឹងរាយការណ៍មកថាមានរថយន្ត១គ្រឿង បានលួចដឹកផ្ទុកផលិតផលគ្រឿងក្នុងជ្រូកខូចគុណភាពចេញពី ក្រុងប៉ោយប៉ែត ដើម្បីឆ្ពោះទៅរាជធានីភ្នំពេញ។ លោកស្នងការរងប្រាប់អោយដឹងទៀតថា៖ ការត្រួតពិនិត្យជាក់ស្តែងការនាំចូលផលិតផលគ្រឿងក្នុងជ្រូកទាំងនោះគ្មានច្បាប់លិខិត អនុញ្ញាតអោយនាំចូល និងគ្មានការត្រួតពិនិត្យត្រឹមត្រូវពីមន្រ្តីជំនាញនោះឡើយ។ ផលិតផលគ្រឿងក្នុងជ្រូកសរុប១២កេស ស្មើនិង៥៧២គីឡូក្រាម។ ក្នុងនោះមានពោះជ្រូក២០០គីឡូក្រាម,ត្រចៀកជ្រូក១៨០ គីឡូក្រាម,បេះដូងជ្រូក១៥០គីឡូក្រាម, ឆ្អឹងជំនីជ្រូក២២គីឡូក្រាម និងពោះវៀនធំ២០គីឡូក្រាម។ លោកស្នងការរងទទួលផែនការងារប្រឆាំងបទល្មើសសេដ្ឋកិច្ចលោកឧត្តមសេនីយ៍ត្រី ចាប សុផាប្ញទ្ធិ ប្រាប់អោយដឹងទៀតថា៖ បើតាមចម្លើយសារភាពពីអ្នកបើកបររថយន្តឈ្មោះ គូ លាងចិន ភេទប្រុស អាយុ២៨ឆ្នាំ រស់នៅភូមិ២ សង្កាត់កំពង់ស្វាយ ក្រុងសិរីសោភ័ណ ប្រាប់សមត្តកិច្ចថា រូបគេប្រកប មុខរបរអ្នករត់តាក់ស៊ី ទើបតែស៊ីឈ្នួលដឹកផលិតផលគ្រឿក្នុងជ្រូកលើកទី១ អោយថៅកែនៅភ្នំពេញស៊ីឈ្នួលដឹក១កេស២៥០០០រៀល ដោយមិនដឹងថាផលិតផលគ្រឿងក្នុងជ្រូកមានច្បាប់រឺអត់ច្បាប់នោះទេ។ លោកស្នងការរងបញ្ជាក់អោយដឹងទៀតថា៖ផលិតផលគ្រឿងក្នុងជ្រូកជាងកន្លះតោនរងចាំប្រគលអោយមន្រ្តីជំនាញកាំកុងត្រូលចុះមកធ្វើតេស្ថពិនិត្យក្រែងមានការលាយផ្សំនូវសារធាតុគីមី និងសុំគោលការណ៍ពីលោកព្រះរាជអាជ្ញាអមសាលាដំបូងខេត្តបន្ទាយមានជ័យ ដើម្បីយកទៅដុតកំទេចចោល៕ ដោយៈលោក ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com