រាជធានីភ្នំពេញ៖ សមត្ថកិច្ចប៉ុស្តិ៍រដ្ឋបាលឃ្មួញ បានធ្វើការឃាត់ខ្លួនជនសង្ស័យចំនួន០៥នាក់ ពាក់ព័ន្ធករណីជួញដូរដោយខុសច្បាប់នូវសារធាតុញៀន នៅចំណុចតាមផ្លូវលំ ភូមិសែនសុខ២ សង្កាត់ឃ្មួញ ខណ្ឌសែនសុខ នៅថ្ងៃទី២០ ខែមិថុនា២០១៩ វេលាម៉ោង១៧ និង៣០នាទីយប់  ។ ប្រភពពីសមត្ថកិច្ចបានអោយដឹងថា៖ជនសង្ស័យចំនួន០៥នាក់ រួមមានៈ ទី១-ឈ្មោះ ផ្លុង ថុល ភេទប្រុស អាយុ៣៤ឆ្នាំ ជនជាតិខ្មែរ មុខរបរកម្មកររោងចក្រ ស្នាក់នៅភូមិសំរោងសង្កាត់ឃ្មួញ ខណ្ឌសែនសុខ ។ ទី២-ឈ្មោះ គួយ សុឃុន ភេទប្រុស អាយុ២៣ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួល ភូមិសំរោង សង្កាត់ឃ្មួញ ខណ្ឌសែនសុខ ។ ទី៣-ឈ្មោះ ស៊ុន សារិទ្ធ ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ ស្នាក់ភូមិសែនសុខ៥សង្កាត់ឃ្មួញ ខណ្ឌសែនសុខ ។ ទី៤-ឈ្មោះ អេង សុខងីម ភេទប្រុស អាយុ២៦ឆ្នាំ ជនជាតិខ្មែរ មុខរបរមិនពិតប្រាកដ ស្នាក់ភូមិសែនសុខ២សង្កាត់ឃ្មួញ ខណ្ឌសែនសុខ ។ ទី៥-ឈ្មោះ នាង សុខលី ភេទប្រុស អាយុ២៣ឆ្នាំ ជនជាតិខ្មែរ មុខរបរមិនពិតប្រាកដ ស្នាក់ភូមិឃ្មួញ សង្កាត់ឃ្មួញ ខណ្ឌសែនសុខ ។ សម្ភារៈវត្ថុតាងសមត្ថកិច្ចដកហូតបានរួមមានក្រាមសថ្លា០៨កូនថង់តូច,ទូរសព្ទ័ដៃ០២គ្រឿង និងម៉ូតូ០១គ្រឿង ម៉ាកវីវ់ា ពណ៌ខ្មៅ ពាក់ស្លាកលេខភ្នំពេញ1J-7412 ​។ ប្រភពដ៏ដែលបានបន្ដថា៖ នៅមុនពេលចុះបង្រាប សមត្ថកិច្ចប៉ុស្តិ៍រដ្ឋបាលឃ្មួញ បានទទួលព័ត៌មានពីប្រជាពលរដ្ឋថា៖ នៅចំណុចតាមផ្លូវលំ ភូមិសែនសុខ២ សង្កាត់ឃ្មួញ ខណ្ឌសែនសុខ មានមនុស្សមួយក្រុមកំពុងនាំគ្នាជក់គ្រឿងញៀន។ ក្រោយពីទទួលព័ត៌មានបាន សមត្ថកិច្ចយើងចុះទៅដល់ចំណុចធ្វើការឆែកឆេររកឃើញវត្ថុតាងខាងលើ រួចនាំខ្លួនជនសង្ស័យទាំង០៥នាក់ មកធ្វើការសាកសួរ នៅអធិការដ្ឋាននគរបាលខណ្ឌសែនសុខ ។ បច្ចុប្បន្នៈ ជនសង្ស័យទាំង០៥នាក់ កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តបន្តតាមនិតិវិធី ៕ រាយការណ៍ដោយៈ អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com