បេីកម៉ូតូមិនប្រយត្ន័ ជ្រុលទៅបុកគោយន្តកន្ត្រៃពីខាងក្រោយ បណ្ដាលអោយមនុស្ស៣នាក់រងរបួសធ្ងន់ស្រាល...!!!
ខេត្តឧត្តរមានជ័យ៖ គ្រោះថ្នាក់ចរាចរណ៍រវាងម៉ូតូ និងគោយន្តកន្ត្រៃ បណ្ដាលអោយមនុស្ស៣នាក់ រងរបួសធ្ងន់ស្រាល ក្នុងនោះមានមន្ត្រីនគរបាលផងដែល នៅផ្លូវលេខ២៦៨៦ ចន្លោះបង្គោលគីឡូម៉ែត្រលេខ១៥-១៦ ដែលហេតុការណ៍នេះបានកើតឡើងកាលពីវេលាម៉ោង១៦និង០០នាទីល្ងាច ថ្ងៃទី២៣ ខែមិថុនា ឆ្នាំ២០១៩ ស្ថិតនៅក្នុងភូមិឈូកមាស សង្កាត់កូនគ្រៀល ក្រុងសំរោង ខេត្តឧត្តរមានជ័យ បណ្តាលអោយរបួសចំនួន ២នាក់ ធធ្ងន់១ម្នាក់ និងស្រាល១ម្នាក់។
ប្រភពពីសមត្ថកិច្ចបានអោយដឹងថា៖ អ្នកបើកបរមម៉ូតូ YAMAHA EXCITER ពណ៌ខៀវ គ្មានពាក់ស្លាកលេខ បើកដោយឈ្មោះ ស៊ីវ សុផេង ភេទប្រុស អាយុ២១ឆ្នាំ មុខរបរមន្ត្រីនគរបាល កំពុងតែរៀននៅសាលាភូមិភាគ៤ ខេត្តព្រះវិហារ រស់នៅភូមិបន្ទាយចាស់ ឃុំចុងកាល់ ស្រុកចុងកាល់ ខេត្តឧត្តរមានជ័យ របួសធ្ងន់បាក់ដៃខាងស្តាំ និងជើងខាងស្ដាំដោយធ្វេីដំណេីរពីលិចទៅកើត និងអ្នករួមដំណីេរម្នាក់ឈ្មោះ ឡា ឡឹង ភេទប្រុស អាយុ២៤ឆ្នាំ មុខរបរមន្ត្រីនគរបាល កំពុងតែរៀននៅសាលាភូមិភាគ៤ ខេត្តព្រះវិហារ រស់នៅភូមិត្នោត សង្កាត់បន្សាយរាក់ ក្រុងសំរោង ខេត្តឧត្តរមានជ័យ របួសស្រាល បានបើកបរម៉ូតូ បើក្នុងល្បឿនលឿន គ្មានការប្រុងប្រយ័ត្ន ជ្រុលទៅបុកគោយន្តកន្ត្រៃពីខាងក្រោយផ្នែកខាងឆ្វេង ចំណែករីឯអ្នកបើកបរគោយន្តកន្ត្រៃ ឈ្មោះ ឡាត់ រដ្ឋា ភេទប្រុស មុខរបរកសិករ រស់នៅភូមិឈូកមាស សង្កាត់កូនគ្រៀល ក្រុងសំរោង ខេត្តឧត្តរមានជ័យ បានរត់គេចខ្លួនបាត់ ក្នុងសភាពបើកបរស្របទិសគ្នាពីលិចទៅកើត។
ក្រោយពេលកើតហេតុកម្លាំងប៉ុស្តិ៍ សហការជាមួយកម្លាំងចរាចរណ៍ក្រុង បានចុះទៅដល់កន្លែងកើតហេតុ បញ្ជូនអ្នករងគ្រោះទៅកាន់មន្ទីរពេទ្យខេត្ត និងធ្វើការវាស់វែងកន្លែងកើតហេតុ ចំណែកមធ្យោបាយទាំងពីរ កម្លាំងនគរបាលចរាចរណ៍ក្រុង បានយកទៅរក្សាទុកនៅអធិការដ្ឋានក្រុងសំរោង ដើម្បីរៀបចំនីតិវិធីបន្ត៕
ដោយៈ លោក ហ៊ីម ឯល និពន្ធនាយករង
គេហទំព័រ ប៉ោយប៉ែតប៉ុស្តិ៍
www.poipetpostnews.com
