រាជធានីភ្នំពេញ ​៖ កម្លាំងនគរបាលព្រហ្មទណ្ឌខណ្ឌសែនសុខ បានបញ្ជូនខ្លួនជនសង្ស័យឈ្មោះ ហេង សុវណ្ណារ៉ា ដែលជានាយរងការិយាល័យប្រឆាំគ្រឿងញៀន(ក៤)ទៅសាលាដំបូងរាជធានីភ្នំពេញ ដើម្បីចាត់ការតាមច្បាប់ ពាក់ព័ន្ធនិងករណីបាញ់រះលើផ្ទះពលរដ្ឋ នៅសង្កាត់ទឹកថ្លា កាលពីវេលាម៉ោង០៩ព្រឹក ថ្ងៃទី២៦ ខែមិថុនា ឆ្នាំ២០១៩ នេះ។ សមត្ថកិច្ចបានអោយថា៖ ជនសង្ស័យមានឈ្មោះ ហេង សុវណ្ណារ៉ា ភេទប្រុស អាយុ ៤៧ឆ្នាំ មុខរបរ នគរបាល មានតួនាទីជា នាយរងការិយាល័យប្រឆាំងគ្រឿងញៀន (ក៤) ក្រសួងមហាផ្ទៃ ត្រូវបាននគរបាលខណ្ឌសែនសុខ ឃាត់ខ្លួនទាំកណ្តាលយប់ ថ្ងៃទី២៤ ខែមិថុនា ឆ្នាំ២០១៩។ ​ជនរងគ្រោះឈ្មោះ សុង សូណា ភេទស្រី អាយុ៣៥ឆ្នាំ ជន​ជាតិខ្មែរ មុខរ​បរ បោកអ៊ុតខោអាវ ស្នាក់នៅផ្ទះជួលលេខ១០ ផ្លូវបេតុង ភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ។ ដែលហេតុការណ៍បាញ់បោះបង្កឡើងដោយជនសង្ស័យឈ្មោះ ហេង សុវណ្ណារ៉ា បានបង្កឡើង នៅវេលាម៉ោង ម៉ោង១០ និង​៣០នាទីយប់ ថ្ងៃទី២៤ ខែមិថុនា ឆ្នាំ២០១៩ នៅចំណុចផ្ទះបោកអ៊ុតស៊េរីទំនើប ផ្លូវបេតុង ក្រោយ មន្ទីរពេទ្យរ៉ូយ៉ាល់ភ្នំពេញ ភូមិទឹកថ្លា សង្កាត់ថ្លា ខណ្ឌសែនសុខ រាជធានីភ្នំពេញ។ នៅមុនពេលកើតហេតុ ជនសង្ស័យ ត្រូវបានគេឃើញបើករថយន្តម៉ាក ហ៊ីយ៉ាន់ស្តារ៉ិច ព័ណ៌ស០១គ្រឿង ពាក់ស្លាកលេខ ភ្នំពេញ 2AX-9509 ទៅឈប់មុខផ្ទះកើតហេតុ មើលទៅទំនងជាស្រវឹងផង បន្តិចក្រោយមក ជនសង្ស័យ ក៏បានដកកាំភ្លើង ម៉ាក AK ស្វាយបត់ បាញ់រះសំដៅផ្ទះរបស់ជនរងគ្រោះចំនួន១១គ្រាប់ ប៉ុន្តែសំណាងល្អដែលមិនបង្កអោយមានអ្នករងរបួស។ ក្រោយពីធ្វើសកម្មភាពរួច ជនសង្ស័យ បានព្យាយាមបើករថយន្តរត់គេចចេញពីកន្លែងខ្លួនបង្កហេតុ តែត្រូវសមត្ថកិច្ចជំនាញតាមចាប់ខ្លួនបាន និងដកហូតវត្ថុតាងបានភ្លាមៗ បន្ទាប់ពីមានសេចក្តីរាយការណ៍របស់ប្រជាពលរដ្ឋ។ បច្ចុប្បន្ន៖ ត្រូវបានកម្លាំងនគរបាលព្រហ្មទណ្ឌខណ្ឌសែនសុខ បានបញ្ជូនខ្លួនជនសង្ស័យឈ្មោះ ហេង សុវណ្ណារ៉ា ទៅតុលាការ ដើម្បីចាត់ការបន្តតាមនីតិវិធី៕ ដោយៈ សេង រត្ន័ និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com