បែកធ្លាយរឿងលក់ដូរក្រោមឆត្រ័.! នៅតាមព្រំដែនកម្ពុជា-ថៃ លោកអនុសេនីយ៍ឯក ប៉ែន សុភា នគរបាលអន្តោប្រវេសន៍ ប្រចាំនៅច្រកទ្វារអន្តរជាតិអូរស្មាច់ តម្រូវអោយបង់ប្រាក់ក្នុងមួយខែបីម៉ឺនបាត ទើបអាចលក់បាន...!!! (មានវីដេអូ)
ខេត្តឧត្តរមានជ័យ៖ លោកអនុសេនីយ៍ឯក ប៉ែន សុភា មន្រ្ដីនគរបាលអន្តោប្រវេសន៍ ប្រចាំនៅច្រកទ្វារអន្តរជាតិអូរស្មាច់ បានប្រើឈ្មោះថ្នាក់លើអង្គភាពអន្តោប្រវេសន៍ និងអំណាចរបស់ខ្លួន យកដីចំណីផ្លូវរបស់រដ្ឋជាប់របងព្រំដែនច្រកចេញចូលកម្ពុជា-ថៃ ជួលអោយពលរដ្ឋលក់ដូរក្រោមឆ័ត្រ ក្នុងមួយខែបីម៉ឺនបាត ក្នុងមួយកន្លែង ស្មើរនិងជិត (១០០០ដុល្លារ)។
នៅថ្ងៃទី២៩ ខែមិថុនា ឆ្នាំ២០១៩ នេះ មានសេចក្ដីរាយការណ៍ពីច្រកទ្វាអន្តរជាតិអូរស្មាច់ ព្រំដែនកម្ពុជា-ថៃ សង្កាត់អូរស្មាច់ ក្រុងសំរោងខេត្តឧត្ដរមានជ័យ មកថា៖ ប្រជាពលរដ្ឋដែលលក់ដូរភេសជ្ជ:ស្រាបៀរបារី នៅក្រោមឆត្រ័ជាប់របងព្រំដែនកម្ពុជា-ថៃ ក្នុងមួយកន្លែងមន្រ្ដីនគរបាលអន្តោប្រវេសន៍ពាក់សក្ក័បី ឈ្មោះប៉ែន សុភា តម្រូវ និងបង្ខំ អោយពួកគាត់បង់ប្រាក់ក្នុងមួយខែបីម៉ឺនបាត ស្មើជិត (១០០០ដុល្លារ) ទើបអាចលក់បន្តរបាន។
ប្រជាពលរដ្ឋពីរូបជាអ្នកលក់ដូរក្រោមឆត្រ័ នៅលើដីចំណីផ្លូវរបស់រដ្ឋ ជាប់របងព្រំដែនកម្ពុជា-ថៃ ច្រកទ្វារអន្តរជាតិអូរស្មាច់ ឈ្មោះ អឿ សូវៀត ភេទប្រុស អាយុ៣៩ឆ្នាំ និងឈ្មោះ ហោ ស្រីវិច ភេទស្រី រស់នៅសង្កាត់អូស្មាច់ ក្រុងសំរោង ខេត្តឧត្ដរមានជ័យ បានអោយដឹងថា៖ ពួកគាត់បានលក់ដូរនៅជាប់របងព្រំដែន អស់រយៈពេលបីឆ្នាំមកហើយ ដែលបានជួលកន្លែងលក់ និងបង់ប្រាក់ក្នុងម្នាក់បីម៉ឺនបាត ក្នុងមួយខែ អោយទៅមន្រ្ដីនគរបាលអន្តោប្រវេសន៍ម្នាក់ឈ្មោះ ប៉ែន សុភា។ ដោយ មានការបង់ប្រាក់ទុកជាមុនក្នុងរយៈពេលបីខែបង់ម្ដង ក្នុងមួយខែបីម៉ឺនបាត(៣០០០០បាត) ស្មើរនិងជិតមួយពាន់ដុល្លារ(១០០០$) បង់បីខែម្ដង អស់៩ម៉ឺនបាត ក្នុងម្នាក់។
ស្រាប់តែថ្មីៗនេះ លោក ប៉ែន សុភា អាងខ្លួនអំណាច គ្មានហេតុផលសោះ ពួកគាត់ បង់ប្រាក់អោយមុនខែរហូតរយៈពេលបីខែម្ដង នៅមិនសុខចិត្តទៀត បែជាមកអោយពួកគាត់ឈប់លក់ដូរ ហើយអោយរើអីវ៉ាន់ចេញភ្លាមៗ នៅថ្ងៃទី១ ខែកក្កដា ឆ្នាំ២០១៩ ខាងមុខនេះ ដោយគ្មានជូនដំណឹងទុកជាមុន ទាំងឥវ៉ាន់ទិញយកមកលក់នៅពេញតូប។
ពលរដ្ឋខាងលើបានបន្តរថា៖ លោក ប៉ែន សុភា មន្រ្ដីនគរបាលអន្តោប្រវេសន៍អាងខ្លួនមានអំណាច បានទៅគំរាមកំហែង មកលើពួកគាត់គ្រប់បែបយ៉ាង និងបានរំលោភលើពាក្យសន្យាដែលខ្លួនថា៖ ហើយឈប់អោយពួកគាត់លក់ដូរនៅកន្លែងនោះបន្តរទៀត។
ហើយក៏មិនបានជូនដំណឹងមុនអ្វីសោះ កាលពីពួកគាត់លក់ដំបូង លោក ប៉ែន សុភា បានសន្យាជាមួយពួកគាត់ថា៖ បើខាងលោកឈប់អោយលក់ដូរ ខាងលោកនិងជូនដំណឹងដល់ពួកគាត់រយៈពេលបីខែមុន។ តែពេលនេះលោក ប៉ែន សុភា បែជាអោយពួកគាត់រើឥវ៉ាន់ចេញភ្លាមៗ តើអីវ៉ាន់ដែលគាត់បានទិញយកមកលក់ខូចខាតអស់ តើនរណា? ជាអ្នកទទួលខុសត្រូវក្នុងរឿងនេះ ពួកគាត់គ្រាន់តែសុំអង្វរ លោក ប៉ែន សុភា លក់បន្តរបីខែទៀត ដើម្បីអោយអស់អីវ៉ាន់ ដែលទិញមករួចហើយ តែលោក ប៉ែន សុភា មិនព្រម និងមកគំរាមមកលើពួកគាត់រហូតនិងអោយរើអីវ៉ាន់ចេញនៅថ្ងៃទី១ ខែកក្កដាខាងមុខនេះជាដាច់ខាត។
ពលរដ្ឋខាងលើបានបញ្ជាក់បន្ថែមថា៖ ចាប់តាំងពីពួកគាត់បានលក់នៅទីនោះអស់រយៈពេលបីឆ្នាំមកហើយ លោកសក្ក័បី ប៉ែន សុភា បានទៅទាមទាគំរាមអោយពួកគាត់ឡើងថ្លៃឈ្នួលរាល់ខែ ដោយគាត់ប្រាប់ថា៖ថ្នាក់លើរបស់លោកជាអ្នកទាឡើងថ្លៃ តែមិនដឹងថ្នាក់លើម្នាក់ណានោះទេ។
ជុំវិញករណី ខាងលើលោកវរ:សេនីយ៍ឯក ប៉ែន សុភា មន្រ្ដីនគរបាលអន្តោប្រវេសន៍ អូស្មាច់ បានអោយដឹងថា៖ លោកពិតជាបានជួលកន្លែងទីសាធារណ:ខាងលើ អោយទៅពលរដ្ឋទាំងពីនាក់នោះអស់រយ:ពេលបីឆ្នាំពិតប្រាកដម៉ែន ក្នុងតំលៃត្រូវរ៉ូវគ្នាដោយលោកមិនបានបញ្ជាក់អំពីចំនួនទឹកប្រាក់ពិតប្រាកដនោះទេ៕
រាយការណ៍ដោយៈ អ្នកយកព័ត៌មាន
គេហទំព័រ ប៉ោយប៉ែតប៉ុស្តិ៍
www.poipetpostnew.com
