ខេត្តឧត្ដរមានជ័យ៖ បើយោងតាមវេបសាយកាសែតក្នុងស្រុកជាច្រើនស្ថាប័នបានចុះផ្សាយថ្មីៗនេះថា៖ កក្រើកសារជាថ្មី! មេឈ្មួញឧក្រិដ្ឋកម្មល្បីរន្ទឺខាងរកស៊ីមុខជំនួញបទ ល្មើសឈើប្រណិតឆ្លងដែន ដែលឈ្មោះ អាំង មករា និងមេឈ្មួញឈ្មោះ ខ្វៀង ធីម៉ៃ (ហៅយាយម៉ាយ) កំពុងដើរប្រមូលទិញឈើប្រណិតពីពលករ យកទៅលក់ឆ្លងដែនយ៉ាងរំភើយ ប៉ុន្តែ.!គ្មានមន្រ្តីអាជ្ញាធរមានសម្ថតកិច្ចរូបណាហ៊នធ្វើការចុះបង្រ្កាប ពលរដ្ឋបានដាក់សង្ស័យថា៖ មន្ត្រីជំនាញខាងលើអាចមានការពាក់ព័ន្ធ ទើបមេឈ្មួញឧក្រិដ្ឋកម្មឈ្មោះ អាំង មករា និងមេឈ្មួញឈ្មោះ ខ្វៀង ធីម៉ៃ (ហៅយាយម៉ាយ) ដឹកឈើប្រណិត ចេញពីខេត្តឧត្តរមានជ័យ ដឹកឈើឆ្លងកាត់ជាច្រើនខេត្ត ឆ្លងដែនចូលប្រទេសវៀតណាម លក់បានយ៉ាងរំភើយបែបនេះ។ តាមប្រភពៈពីមេការឈើម្នាក់ បានបង្ហើបអោយដឹងថា៖ មេឈ្មួញឈ្មោះ អាំង មករា និងឈ្មោះ ខ្វៀង ធីម៉ៃ (ហៅយាយម៉ាយ) បានចាប់ដៃគ្នារកស៊ីមុខជំនួញបទល្មើសឈើប្រណិត ឆ្លងដែនរួមគ្នាដោយមេឈ្មួញឈ្មោះ(យាយម៉ាយ)ជាអ្នកដើរប្រមូលទិញឈើប្រណិតពីពលករ នៅតាមខ្សែរបន្ទាត់ព្រំដែន និង នៅតាមច្រកនានា មួយចំនួនដូចជាច្រកអូរស្វាយ ច្រកអន្ទុងអាំង ពើយចេក និងចក្រប្រទាលជ្រុំ ចំណែកមេឈ្មួញឈ្មោះ អាំង មករា វិញ គឺប្រមូលទិញឈើនៅច្រកគាមរមាស និងទៅយកឈើពីមេឈ្មួញឈ្មោះ ខ្វៀង ធីម៉ៃ (ហៅយាយម៉ាយ)។ ប្រភពៈបន្តថា៖ មេឈ្មួញ ឈ្មោះ អាំង មករា និងឈ្មោះ (យ៉ាយម៉ាយ) សព្វថ្ងៃកំពុងឡើងកូដយ៉ាងខ្លាំង បន្ទាបពីមុខជំនួញឈើប្រណិតនៅ ប្រទេសវៀតណាម ប្រមូលទិញឈើក្នុងតម្លៃថ្លៃ។ មិនតែប៉ុណ្ណោះល្បីទៀតថា៖ មេឈ្មួញឈ្មោះ អាំង មករា ជោគជ័យក្នុងមុខជំនួញ បទល្មើសឈើប្រណិតឆ្លងដែនទាំងនេះ ក៏ដោយសារតែមានមន្រ្តីអាជ្ញាធរមាន សម្ថតកិច្ចក្នុងមូលដ្ឋាន និងមន្រ្តីពាក់ពន្ធ័ជុំវិញស្រុកខេត្ត ជាអ្នកបើកផ្លូវអោយចរាចរអោយមេឈ្មួញដឹកឈើបានដោយរលូន ហើយទើបគេជោគជ័យក្នុងមុខជំនួញបទល្មើសឈើប្រណិតបែបនេះ។ ពាក់ព័ន្ធករណីខាងលើ មហាជនក៏ដូចជាអ្នកសារព័ត៌មានក្នុងស្រុកជាច្រើនស្ថាប័នរងចាំមើលថា៖ តើឯកឧត្ដម ប៉ែន កុសល្យ អភិបាលខេត្តឧត្តរមានជ័យ លោកគិតយ៉ាងណាចំពោះបទល្មើសឈើប្រណិតរបស់មេឈ្មួញឈ្មោះ អាំង មករា និងឈ្មោះ ខ្វៀង ធីម៉ៃ (ហៅយាយម៉ាយ) ដែលល្បីរកស៊ីខុសច្បាប់ជិតមួយទស្សវត្សនោះ នាពេលកន្លងមកហើយ ក៏ត្រូវបានសមត្ថកិច្ចធ្វើការបង្ក្រាប និងឃាត់ខ្លួនជាច្រើនខែ រួចក៏ដោះ លែងវិញ។ តែនៅពេលថ្មីៗនេះស្រាប់តែ លេចមុខមេឈ្មួញរកស៊ីឈើប្រណិតដុះស្លែពីរូបខាងលើ បានកក្រើកឡើងវិញសាជាថ្មី ល្បីរន្ទឺពេញខេត្តឧត្តរមានជ័យ តែបែជាមិនមានមន្រ្តីអាជ្ញាធររូបណា ចុះទៅបង្រ្កាបនោះទេ។ ហើយតើឯកឧត្ដមអភិបាលខេត្តសុខចិត្តបណ្ដែរបណ្ដោយអោយក្រុមឈ្មួញទាំងពីនាក់នេះ ធ្វើព្យុះធ្វើភ្លៀង និងប្រព្រឹត្តបទល្មើសឈើប្រណិតខុសច្បាប់បន្តទៀត ឬយ៉ាងណាទាន។ ជុំវិញករណីខាងលើនេះ សារព័ត៌មានយើងខ្ញុំ មិនអាចសុំការបំភ្លឺពីឯកឧត្តម ប៉ែន កុសល្យ អភិបាលនៃគណៈអភិបាលខេត្តឧត្តរមានជ័យ បានទេ ដោយលេខទូរសព្ទ័ 📞.Tell.012 666 111 របស់ឯកឧត្តម ចុចចូល នៅក្រៅតំបន់សេវា ហើយសារព័ត៌មានយើងខ្ញុំចុះផ្សាយទៅនេះ ក្នុងនាមជាព្រាបនាំសារ ជូនដល់ថ្នាក់ដឹកនាំបានជ្រាបជាព័ត៌មាន ចុះផ្សាយរិះគន់ក្នុងន័យស្ថាបនា កែតម្រូវតែប៉ុណ្ណោះ មិនបានបង្អាប់បង្អោន ឬជាន់ពន្លិចឈ្មោះបុគ្គលណាមួយឡើយ ហើយអង្គភាពយើងខ្ញុំស្វាគមន៍ រង់ចាំសាមី បកស្រាយបំភ្លឺឡើងវិញរៀងរាល់ម៉ោងធ្វើការ ការិយាល័យនិពន្ធ៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
ពិធីសំណេះសំណាលជាមួយមន្ត្រីនគរបាលជាតិ ប្រចាំប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត.!!! (ប៉ោយប៉ែតប៉ុស្តិ៍)
លោកឧត្តមសេនីយ៍ទោ សិទ្ធិ ឡោះអញ្ជើញចូលរួមកិច្ចប្រជុំការងារការពារសន្តិសុខ សណ្តាប់ធ្នាប់ ព្រះរាជពិធីបួងសួងសុំសេចក្តីសុខ ជូនដល់ព្រះរាជាណាចក្រកម្ពុជា នៅ ខេត្តសៀមរាប (ប៉ោយប៉ែតប៉ុស្តិ៍)
លោកវរសេនីយ៍ទោ ព្រហ្ម ពិសិដ្ឋ អធិការនៃអធិការដ្ឋាននគរបាលក្រុងប៉ោយប៉ែត បានដឹកនាំកម្លាំងនៃអធិការដ្ឋាននគរបាលក្រុង ប្រជុំដាក់ផែនការ ការពាររក្សា សន្តិសុខ សុវត្ថិភាព ជូនថ្នាក់ដឹកនាំ និងដាក់ទិសដៅបន្តរក្សាសន្តិសុខសណ្ដាប់ធ្នាប់ ជូនបងប្អូន ដែររស់នៅក្នុងក្រុងប៉ោយប៉ែត នាឱកាសបុណ្យចូលឆ្នាំថ្មីប្រពៃណីជាតិខ្មែរខាងមុខនេះ.. (ប៉ោយប៉ែតប៉ុស្តិ៍)
ការរៀបចំសំណង់ និងការតុបតែងផ្សេងៗនៃព្រឹត្តិការណ៍អង្គរសង្ក្រាន្ត នៅបរិវេណមុខប្រាសាទអង្គរវត្តបានចាប់ផ្តើមបង្ហាញសម្រស់ហើយ (ប៉ោយប៉ែតប៉ុស្តិ៍)
លោកឪពុកអ្នកម្តាយ លោក សុខ វុទ្ធី និងភរិយា គឺ អ្នកស្រី តាំង សុខមុំ ព្រមទាំងក្រុមការងារបានបន្តនាំយក សម្ភារៈសិក្សា និងថវិកា ចែកជូនដល់សិស្សានុសិស្ស ៤៥៨ នាក់ (ប៉ោយប៉ែតប៉ុស្តិ៍)
វីដែអូ
ចំនួនអ្នកទស្សនា