ខេត្តឧត្ដរមានជ័យ៖ នៅព្រឹកថ្ងៃទី០៦ ខែមិថុនា ឆ្នាំ២០១៩ នេះ។ ដោយយោងតាមការបក ស្រាយបំភ្លឺពីលោក ហោ ជិន​ វីរ:យុទ្ធ​ អភិបាល ស្រុកអន្លង់វែង ខេត្តឧត្តរមានជ័យ បានប្រាប់សារព័ត៌មាន (គេហទំព័រ ប៉ោយប៉ែត) យើងខ្ញុំអោយដឹងថា៖ ការកាយដីស្តា(បឹងតាម៉ុក) និងចាក់ដីបន្ថែម ឈូសឆាយលើផ្លូវចាស់ គឺដើម្បីមានភាពងាយស្រួល សម្រាប់រថយន្ដចូលទៅដឹកដីដែលស្តា(បឹងតាម៉ុក)និងយកអាចម៍ដីទៅអភិវឌ្ឍន៍ ធ្វើផ្លូវថ្នល់ ធ្វើសួនច្បារ ដើម្បីលម្អទីរួមស្រុកអន្លង់វែងបន្តទៀត ហើយការកាយនេះ មិនម៉ែនទើបតែធ្វើថ្មីៗនេះទេ គឺមានការកាយស្តា(បឹងតាម៉ុក) ដើម្បីស្តុបទឹក អោយពលរដ្ឋប្រើប្រាស់ ជារៀងរាល់ឆ្នាំផងដែរ។ លោក ហោ ជិន​ វីរ:យុទ្ធ​ អភិបាលស្រុកអន្លង់វែង បានបញ្ជាក់ និងបន្តអោយដឹងទៀតថា៖ សូមបងប្អូនអ្នកសារព័ត៌មានក្នុងស្រុក និងថ្នាក់ដឹកនាំ ស្រុក/ខេត្ត/ក្រុង នៃព្រះរាជាណាចក្រកម្ពុជា សូមមេត្តា សូមកុំយល់ច្រឡំ មកលើរូខ្ញុំបាទ ដូចដែលសារព័ត៌មាន ក្នុងស្រុកមួយចំនួន បានធ្វើការចុះផ្សាយរិះគន់លោកថា៖ អ្នកមានអំណាចមួយក្ដាប់តូចនៅស្រុកអន្លង់វែង ចាក់ដីលប់ (បឹងតាម៉ុក)ទៀតហើយ! ម្នាក់ថា!ចាក់ធ្វើសាលាបក្សឃុំ ម្នាក់ទៀតថា!ធ្វើអាគាកាកបាទក្រហម ក្រោមឡេះអភិវឌ្ឍន៍ទៅវិញ។ លោកសូមបដិសេធ ចំពោះការផ្សាយព័ត៌មាន មិនពិតដូចការចោតប្រកាន់មកលើរូបលោក ធ្វើអោយប៉ះពាល់ដល់ កិត្តិយស ស្អាតស្អំ អាជ្ញាធរស្រុក និងមន្ត្រីអាជ្ញាធរមូលដ្ឋានផ្សេងទៀតផង ក្នុងខេត្តឧត្តរមានជ័យ។ លោក ហោ ជិន​ វីរ:យុទ្ធ​ អភិបាលស្រុកអន្លង់វែង បានបន្តទៀតថា៖ ក្នុងនាមលោកជាអភិបាលស្រុកអន្លង់វែង លោកមិនបានធ្វើអ្វីអោយខុសនិងគោលការរបស់រាជរដ្ឋាភិបាលនោះទេ ព្រោះការកាយស្តាប្រឡាយទឹក,អូរ ស្ទឹង,បឹង, គឺជាកាតព្វកិច្ចអាជ្ញាធរស្រុក/ខេត្ត ក្រុង.ហើយក៏កំពុងនិងអនុវត្តតាមគោលការរបស់រាជរដ្ឋាភិបាលកម្ពុជា យ៉ាងយកចិត្តទុកដាក់ខ្ពស់ផងដែរ គឺក្នុងមួយឆ្នាំធ្វើការស្តាបឹងឡើងវិញមួយដង ដើម្បីស្តុបទឹកស្អាត តាមតម្រូវការរបស់ពលរដ្ឋ យកមកប្រើប្រាស់ ដែលប្រទេសកម្ពុជា សព្វថ្ងៃនេះមានការកើនកំដៅកើនជាលំដាប់ ទើបប្រឡាយ,អូរ,ស្ទឹង,បឹងបួរ, មានទឹករីងហួតហែង បង្កគ្រោះមហន្តរាយ ងាប់សត្វពាហនៈ និងបន្លែ ដំណាំដាំដុះ ភោគផលរបស់ពលរដ្ឋ ធ្វើអោយរងការខូចខាត មិនអំណោយផល ធ្វើអោយពួកគាត់បាត់បង់សេដ្ឋកិច្ចក្នុងគ្រួសារមួយភាគតូចផងដែរ៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com