ខេត្តឧត្ដរមានជ័យ៖ ក្រោយពីមានការ បែកធ្លាយ​រឿងអាស្រូវរបស់លោក អាន់ សំអាត ប្រធានការិយាល័យច្រកចេញចូលតែមួយ​ក្នុងសាលាខេត្តឧត្ដរមានជ័យល្បីថា៖ គៀបយកលុយធ្វើបាបប្រជាពលរដ្ឋក្រីក្រទៅធ្វើពលករស្រុកថៃ និងទៅព្យាបាលជំងឺ ប្រម៉ូលប្រាក់ពុករលួយរាប់ម៉ឺនដុល្លាក្នុងមួយខែៗ។ ដែលមានហត្ថលេខាអភិបាលរងចំនួនពីរូបនៅលើសៀវភៅឆ្លងដែន ដែលគ្មានការត្រួតពិនិត្យឯកសារពាក់​ព័ន្ធ​ឆ្លងកាត់​រដ្ឋបាល​ស្របទៅតាមបទដ្ឋានគតិយុត្តរបស់ក្រសួងមហាផ្ទៃ។ ដោយមានការបែកធ្លាយរឿងនៅក្នុងសាលាខេត្តជាបន្តបន្ទាប់ នៅថ្ងៃទី១២ ខែកក្កដា ឆ្នាំ២០១៩ មានសេចក្ដីរាយការណ៍មកថា៖ ឯកឧត្ដម ឌី រ៉ាដូ អភិបាលរងខេត្តឧត្ដរមានជ័យ នៅតែបន្តឃុបឃិតជាមួយលោក អាន់ សំអាត ប្រធានការិយាល័យច្រកចេញចូលតែមួយដ៏ដែលដោយចុះហត្ថលេខា នៅលើសៀវភៅឆ្លងដែន ដែលគ្មានឯកសារពាក់ព័ន្ធត្រួតពិតនិត្យឆ្លងកាត់រដ្ឋបាល។ ប្រភពបានអោយដឹងថា៖ នៅសង្កាត់អូស្មាច់មានកន្លែង ភក្រ្ដ័ក្ដី ថតរូបជាអ្នកទទួលធ្វើសៀវភៅឆ្លងដែន ក្នុងមួយក្បាលតំលៃ១៥ម៉ឺនរៀល និងមកប្រគល់អោយលោក អាន់ សំអាត ក្នុងមួយក្បាល១០ម៉ឺនរៀល។ ដែលតំលៃពិតប្រាកដក្នុងសៀវភៅបន្ទុករបស់ក្រសួងមហាផ្ទៃចំនួនតែ២ម៉ឺនរៀលប៉ុណ្ណោះ។ ទោះបីជាមានការចេញផ្សាយតាមរយ:សារព័ត៍មានជាច្រើនអង្គភាពក្នុងស្រុកច្រើនលើកច្រើនសារយ៉ាងណាក្ដី តែសកម្មភាពលោក អាន់ សំអាត ប្រធានការិយា ល័យច្រកចេញចូលតែមួយ នៅតែបន្តរក្រេបជញ្ជក់ឈាមពលរដ្ឋក្រីក្របានយ៉ាងរលូនដ៏ដែល។ ការឃុបឃិតគ្នាជាប្រព័ន្ធនេះ​ហើយ ពលរដ្ឋជាច្រើនបានសំណូមពរសូមឯកឧត្ដម ប៉ែន កុសល្យ អភិបាលនៃគណៈអភិបាលខេត្តឧត្ដរមានជ័យ សូមឯកឧត្តម មេត្តាកែទម្រង់និងលុបបំបាត់មន្រ្ដីរថ្នាក់ក្រោមរបស់ខ្លួននៅក្នុងសាលាខេត្តផងបាទ។ បើនៅតែបណ្ដែតបណ្ដោយអោយមន្រ្ដីពីរូបនេះ ធ្វើផ្គរធ្វើភ្លៀង គៀបសង្កត់ប្រមូលប្រាក់ពុករលួយពីប្រជាពលរដ្ឋក្រីក្រដ៍ដែលៗ តើអោយប្រជាពលរដ្ឋរំពឹងទៅលើអ្វី? បានទៀត បើថ្នាក់ដឹកនាំខេត្តមិនមានការកែតម្រង់មន្រ្ដីក្រោមឱវាទរបស់ខ្លួនបែបនេះនោះ។ ជុំវិញករណីខាងលើក្រុមការងារយើងមិនអាចស្វែងរកសុំការបំភ្លឺពីឯកឧត្ដម ឌី រ៉ាដូ អភិបាលរងខេត្តឧត្ដរមានជ័យ បានទេ នៅថ្ងៃទី១២ ខែកក្កដា ឆ្នាំ២០១៩នេះ​ ព្រោះទូសព្ទ័ចូលគ្មានអ្នកទទួល៕ រាយការណ៍ដោយៈ អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com