ខេត្តឧត្ដរមានជ័យ៖ បើយោងពីបណ្តាញព័ត៌មានក្នុងស្រុក បានចុះផ្សាយព្រោងព្រាត រឿងលោក ជៀល សុផល នាយសង្កាត់រដ្ឋបាលព្រៃឈើស្រុកត្រពាំងប្រាសាទ និងឈ្មោះ អុឹម ហួត មន្រ្តីអង្គការក្រៅរដ្ឋាភិបាល ជំរិតទាប្រាក់ ៥០មុឺនរៀល ពីពលរដ្ឋដឹកឈើតាមគោយន្តកន្រ្តៃមួយគ្រឿងផ្ទុកឈើជាងពីម៉ែត្រគូប ជាថ្នូមិនបង្រ្កាប កាលពីនៅថ្ងៃទី១១ ខែកក្កដា ឆ្នាំ២០១៩ ថ្មីៗនេះ។ ដោយឃើញព័ត៌មានក្នុងស្រុកបានចុះផ្សាយថា៖ លោក ជៀល សុផល និង ឈ្មោះ អុឹម ហួត ជាមន្រ្តីអង្គការក្រៅរដ្ឋាភិបាល បានធ្វើសកម្មភាពស្ទាក់ចាប់គោយន្តកន្រ្តៃ មួយគ្រឿង ដែលដឹកឈើស្ពង់ផ្ទុកជាងពីរម៉ែតគូប នៅចំណុចផ្លូវយុទ្ធសាស្រ្តស្ថិតនៅភូមិ១០៥ ឃុំផ្អាវ ស្រុកត្រពាំងប្រាសាទ ខេត្តឧត្ដរមានជ័យ និងបានទាមទាអោយម្ចាស់គោយន្តកន្រ្តៃដែលដឹកឈើនោះ បង់ប្រាក់អោយបក្សពួករបស់ខ្លួនចំនួន៥០មុឺនរៀល ជាថ្នូរមិនបង្រ្កាបនិងមិនបញ្ជូនទៅសង្កាត់រដ្ឋបាលព្រៃឈើសោះ។ ប្រជាពលរដ្ឋនៅក្នុងហេតុការខាងលើសម្ដែងការហួសចិត្តយ៉ាងខ្លាំងចំពោះលោក ជៀល សុផល នាយសង្កាត់រដ្ឋបាលព្រៃឈើ និងបក្សពួករបស់លោក មិនគួរណាជម្រឹតទាលុយពីពួកគាត់ច្រើនដលម្លឹង ថែមទាំងគំរាមកំហែងទៀតផង។ ជុំវិញករណីចោទខាងនេះលោក ជៀល សុផល បានអោយអ្នកសារព័ត៌មានក្នុងស្រុកដឹងថា៖ រូបលោកមិនបានពាក់ពន្ធ័ក្នុងការជំរិតទាប្រាក់ពីពលរដ្ឋដឹកឈើនោះទេ ព្រោះលោកអត់ដឹងរឿងនេះទេ។ រីឯ ឈ្មោះ អឹុម ហួត​ មន្រ្តីអង្គការក្រៅរដ្ឋាភិបាលវិញ បានអះអាងថា៖ ខ្លួនមុននិងស្ទាក់ចាប់ លោកក៏បានរាយការទៅលោក ជៀល សុផល បន្ទាប់មកលោក ជៀល សុផល បានតបមកវិញថា៖ បើមិនព្រមបង់អោយទេ លោកនិងចាប់យកទាំងគោយន្តព្រមទាំងឈើនេះទៅទុកកន្លែង។ ដោយឡែកលោក អុឹម ហួត បន្តថា៖ ចំពោះការពាក់ពន្ធ័រឿងលុយកាក់ គឺលោកមិនទាន់បានម៉ារៀលពីម្ចាស់គោយន្តនៅឡើយនោះទេ ។ ទោះបីជាមានការបកស្រាយយ៉ាងនេះក្តី មហាជនជាច្រើនក៏នៅតែអំពាវនាវដល់ស្ថាប័នពាក់ព័ន្ធជាពិសេសរនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានអង្គភាពប្រឆាំងបទ ល្មើសព្រៃឈើ ព្រមទាំង ឯកឧត្តម ឱម យិនទៀង ប្រធានអង្គភាពប្រឆាំងអំពើពុក រលួយ គួរតែបើកការស៊ើបអង្កេតអោយបានសុីជម្រៅទៅលើសកម្មភាព និងភាពមិនប្រក្រតីរបស់លោក ជៀល សុផល នាយសង្កាត់រដ្ឋបាលព្រៃឈើស្រុកត្រពាំងប្រាសាទ និង ឈ្មោះ អុឹម ហួតមន្រ្តីអង្គការក្រៅរដ្ឋាភិបាល ជម្រឹតទារលុយពីប្រជាពលរដ្ឋដឹកឈើតាមគោយន្តកន្រ្តៃចំនួន៥០មុឺនរៀល ជាថ្នូមិនបង្រ្កាបនេះផងបាទ៕ ដោយៈ គេហទំព័រ ប៉ោយប៉ែតប៉ុស្តិ៍ www.poipetpostnews.com