ភ្នំពេញ៖ គ្រោះថ្នាក់ចរាចរណ៍ដ៏រន្ធត់ រវាងរថយន្តកូរ៉េឃ្លប់ដឹកទឹកសុទ្ធក្រុមហ៊ុន ជីង ឡុង បើកបោះពួយល្បឿនលឿន ជ្រុលទៅបុកពីទទឹងរថយន្តកូរ៉េសណ្តោងទ្រុងបែនដឹកដី កំពុងបើកឆ្លងផ្លូវ បណ្តាលអោយរថយន្តដឹកទឹកសុទ្ធ ខ្ទេចរួញកាប៊ីន គៀបជាប់មនុស្ស២នាក់ អ្នកបើកបរស្លាប់ម្នាក់ អ្នករួមដំណើររងរបួសធ្ងន់ កាលពីវេលាម៉ោង៦និង ៥០នាទីព្រឹក ថ្ងៃទី១៥ ខែកក្កដា ឆ្នាំ២០១៩ តាមមហាវិថី ឈ្នះ ឈ្នះ ភូមស្រែតេជៈ សង្កាត់សំរោងក្រោម ខណ្ឌពោធិសែនជ័យ ។ តាមប្រភពនៅកន្លែងកើតហេតុបានអោយដឹងថា៖ មុនកើតហេតុគេឃើញ រថយន្តកូរ៉េ ឃ្លប់ ម៉ាកហុីយ៉ាន់ដាយ ពណ៌ស ពាក់ស្លាកលេខ ភ្នំពេញ 3E-4116 ដឹកទឹកសុទ្ធ នៅសង្កាត់ឃ្មួញ ខណ្ឌសែនសុខ ជិះគ្នា២នាក់ បើកបរដោយយុវជនម្នាក់ ជាអ្នកបម្រើការការងារ ក្រុមហ៊ុនទឹកសុទ្ធ បានស្លាប់គៀបជាប់ក្នុងកាប៊ីន រួមអ្នកដំណើរដោយឈ្មោះ ឡេង សុវណ្ណតុង ភេទប្រុស អាយុ១៩ឆ្នាំ មុខរបរ ក្រុមហ៊ុនទឹកសុទ្ធ ជីង ឡុង មានទីលំនៅ ភូមិបន្លាស្អិត សង្កាត់ឃ្មួញ ខណ្ឌសែនសុខ រងរបួសជើងឆ្វេងធ្ងន់ ។ រថយន្តខាងលើ បើកក្នុងល្បឿនលឿនពីជើងទៅត្បូង លុដល់ចំណុចកើតហេតុ បានបុកពីទទឹងរថយន្ត កូរ៉េ ម៉ាកហុីយ៉ាន់ដាយ ពណ៌ស ពាក់ស្លាកលេខ ភ្នំពេញ 3E-6687 សណ្តោងទ្រុងបែនដឹកដី អ្នកបើកបររថយន្ត រត់គេចបាត់ក្រោយកើតហតុភ្លាមៗ ដែលបើកចេញពីផ្លូវបេតុងវត្តភ្នៀត ឆ្លងកាត់ទទឹងមហាវិថីឈ្នះ ឈ្នះ បណ្តាលអោយបុកជាមួយរថយន្តដឹកទឹកសុទ្ធ ខ្ទេចរួញកាប៊ីន ក្រោយពេលកើតហេតុភ្លាមៗ ត្រូវបានក្រុមសង្គ្រោះរបស់អង្គភាព ៧១១ កងពលតូចលេខ៧០ បញ្ជូនរថយន្ត សម្ភារៈ ឧបករណ៍ កាត់ វះ ទាញយកជនរងគ្រោះចេញ ដឹកបញ្ជូនទៅមន្ទីរពេទ្យព្រះកុសុមៈ និងទាញយកសាកសពជនរងគ្រោះម្នាក់ទៀត ដើម្បីប្រគល់ជូនសមត្ថកិច្ច បន្តការងារពិនិត្យតាមនីតិវិធី ។ ក្រោយពីការវាស់វែងរួច ត្រូវបានសមត្ថកិច្ចយករថយន្តទៅរក្សាទុកនៅការិយាល័យចរាចរណ៍ជើងគោក ស្នងការក្រុង ដើម្បីអោយម្ចាស់ចូលខ្លួនមកសស្រាយគ្នានៅពេលក្រោយ ៕ រាយការណ៍ដោយៈ អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com