លោក រស់ សារ៉េត អតីតយុទ្ធជន បានទទួល ផ្ទះ០១ខ្នង ជាអំណោយដ៏ថ្លៃថ្លារបស់សម្ដេចតេជោហ៊ុន សែន ប្រធានសមាគមអតីតយុទ្ធជនកម្ពុជា លើកទី១២៤...
ខេត្តកំពង់ធំ៖ ឯកឧត្តម ឧត្តមសេនីយទោ សោម ស៊ុន ប្រធានសមាគមអតីត យុទ្ធជន កម្ពុជាខេត្តកំពង់ធំ បានដឹកនាំក្រុមការងារសមាគម អមដំណើររួមជាមួយអាជ្ញាធរដែនដី និងប្រជាពលរដ្ឋ បានប្រគល់ផ្ទះ០១ខ្នង ជូនដល់លោក រស់ សារ៉េត អតីត យយុទ្ធជនកម្ពុជា លើកទី១២៤ នេះជា អំណោយដ៏ថ្លៃថ្លារបស់សម្ដេចតេជោ ហ៊ុន សែន ប្រធានសមាគម អតីតយុទ្ធជនកម្ពុជា ធ្វើឡើងនៅព្រឹកថ្ងៃអង្គារ៍ ទី១៦ ខែកក្កដា ឆ្នាំ២០១៩ នេះ។
លោក រស់ សារ៉េត ជាអតីតយុទ្ធជន មានឋានៈ អនុសេនីយ៍ត្រី អាយអាយុ៥៤ឆ្នាំ ចូលបម្រើក្នុង ជួរកងទ័ពនៅថ្ងៃទី០៣ ខែមិនា ឆ្នាំ១៩៨០ នៅអង្គភាពកងពលលេខ២ចាស់ មានមុខងារជាមេបញ្ជាការកងអនុសេនាតូច ឈរជើងនៅតំបន់ដំបូកខ្ពស់ ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ក្រោយមក ក៏បានត្រូវរបួសពិការជេីងខាងស្ដាំ ដោយសារជាន់មីន នៅឆ្នាំ១៩៩៤។
លោកអនុសេនីយ៍ត្រី រស់ សារ៉េត មានភរិយា ឈ្មោះ ណំ ស៊ន អាយុ៥៦ឆ្នាំ មានកូនចំនួន៥ នាក់ បបច្ចុប្បន្នៈរស់នៅភូមិក្តាមហារ ឃុំឈូកខ្សាច់ ស្រុកបារាយណ៍ ខេត្តកំពង់ធំ ដោយប្រកបមុខរបរធ្វើកម្មករដាំដំឡូងមី ដេីម្បីបានប្រាក់បន្ថែមសម្រាប់ចិញ្ចឹមគ្រួសារ ផ្គួបផ្សំនិងប្រាក់បៀវត្សប្រចាំខែដែលរាជរដ្ឋាភិបាលបានផ្ដល់ជូនគាត់ចំនួន ៨៦០,០០០៛ ក្នុងងមួយខែផងដែរ ។
ឯកឧត្តម ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិសឹករងខេត្តកំពង់ធំ បានមានប្រសាសន៍ថា៖ ដោយបានសិក្សា ស្វែងយល់ពីបញ្ហាខ្វះខាតរបស់ក្រុមគ្រួសារ លោក រស់ សារ៉េត ដែលគ្មានលទ្ធភាព សាងសង់លំនូវដ្ឋានបានសមរម្យនិងគេ ក៏បាន ឯកភាពគ្នាជាមួយគណៈកម្មាធិការសមាគម សម្រេចសាងសង់ ផ្ទះ០១ខ្នង ដែលជា អំណោយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។
ឯកឧត្តម ឧត្តមសេនីយ៍ទោ សោម ស៊ុន បានអោយសារព័ត៌យើងខ្ញុំដឹងទៀតថា៖ចំណែកផ្ទះ ថ្មី ដែលបានសាងសង់រួចនេះ និងត្រូវបានប្រគល់ជូនលោក រស់ សារ៉េត មានទំហំ៤ម៉ែត្រx៦ម៉ែត្រ សាងសង់អំពីឈើខ្ពស់ផុតពីដី រនារនាបនិងជញ្ជាំងក្តារឈើ ដំបូលប្រក់ស័ង្កសី ដែលបានចំណាយថវិកា ក្នុងការសាងសង់អស់ទឹកប្រាក់៧,២៥០,០០០ រៀល ក្នុងនោះ ក្រុមការងារបាន ឧបត្ថម្ភជូន គាត់បន្ថែមទៀត មានអង្ករចំនួន៥០គីឡូក្រាម មីយើង ចំនួន២កេស ទឹកត្រី ទឹកសុីអុីវចំនួន ២យួរ មុងជ្រលក់ថ្នាំចំនួន២ ឈេីច្រត់មួយគូ នឹងថវិកាចំនួន៤៥០,០០០ រៀលផងដែល៕
ដោយៈ ព្រីង សំឡត អ្នកយកព័ត៌មាន
គេហទំព័រ ប៉ោយប៉ែតប៉ុស្តិ៍
www.poipetpostnews.com
