ខេត្តព្រះវិហារ៖ អាជ្ញាធរចម្រុះស្រុកជាំក្សាន្ត បានចុះបិទទីតាំងលក់ដូរថ្នាំ និងចាក់ថ្នាំខុសច្បាប់ចំនួន៤ទីតាំង ដោយដកហូតឱសថផុតសុពលភាពបានចំនួន៤៦មុខ សកម្មភាពនេះ បានធ្វើឡើងនៅថ្ងៃទី១៦ ខែកក្កដា ឆ្នាំ២០១៩។ លោក ជា គីមសេង អភិបាលស្រុកជាំក្សាន្ត បានប្រាប់បណ្តាញព័ត៌មានច្រើនស្ថាប័នអោយដឹងថា៖ ក្រុមការងារចម្រុះលោកបានចុះពិនិត្យ និងបិទបញ្ឈប់ការលក់ដូរថ្នាំ និងចាក់ថ្នាំខុសច្បាប់ ស្ថិតនៅមូលដ្ឋានឃុំកន្តួត និងឃុំស្រលើម បានចំនួន៦ករណី។ ក្នុងនោះបានបិទនិងបញ្ឈប់នៅឃុំស្រលើម ចំនួន៤ករណី ដែលមានម្ចាស់ទីតាំងឈ្មោះ ស៊ុ ថាវី, ប៊ុល សាវី, គាបូរី, និងប៊ូ សីលា។ ចំណែកនៅឃុំកន្តួតបាន២ករណី ដែលមានម្ចាស់ទីតាំងមឈ្មោះ ស៊ុ ម៉ាប់ និង ព្រំ សិទ្ធសុគន្ធ។ លោក ជា គីមេង បានបន្តថា៖ ក្នុងការចុះបិទឱសថក្លែងក្លាយនោះ ក្រុមការងារក៏បានដកហូតឱសថ ហួសសុពលភាពប្រើប្រាស់ ចំនួន៤៦មុខផងដែរ ដើម្បីយកមករក្សាទុក នៅមន្ទីរពេទ្យបង្អែកស្រុកជាំក្សាន្ត។ ក្រុមការងារចម្រុះអាជ្ញាធរស្រុកជាំក្សាន្ត ក៏កំពុងដំណើការបិទកន្លែងលក់ថ្នាំព្យាបាល ដោយគ្មានកាអនុញ្ញាត ក្នុងស្រុកជាំក្សាន្តជាង ២០កន្លែងទៀតផងដែល។ ជាមួយគ្នានេះដែរ លោកក៏បាននាំយកថវិកា សប្បុរសជន និងថវិកាលោកផ្ទាល់ចំនួន ២លានរៀល ជូនដល់យុវសិស្សក្រីក្ររងគ្រោះដោយសារប្រើថ្នាំហូសឌើទ្បេ ដែលមានម្តាយទីទាល់ក្រ។ ក្នុងករណីខាងលើ គេសង្កេតឃើញថា៖ ចំណាត់ការរបស់អាជ្ញាធរស្រុកជាំក្សាន្ត បានធ្វើឡើងភ្លាមៗ ជាការឆ្លើយតបទៅនិងហេតុការណ៍យុវជនម្នាក់ស្លាប់ ដោយសារតែគ្រូពេទ្យបានប្រើថ្នាំហួសកាលបរិច្ចេទ៕ ដោយៈ សេង រ័ត្ន និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com