ក្រុងប៉ោយប៉ែត៖ យុវជន០២នាក់ ជើងខ្លាំងខាងបង្ហោះម៉ូតូ រ៉េចង្កូតទៅកេតរថយន្តមួយបន្តទៅបុករថយន្ត០១គ្រឿងទៀត បង្កអោយស្លាប់ខ្លួនទាំង០២នាក់ និងបង្កអោយបុរសជិះម៉ូតូតាមក្រោយម្នាក់ រងរបួសស្រាល ដែលហេតុការកើតឡើងនៅវេលាម៉ោង១៤និង០៨. ៣៣ នាទី រសៀល ត្រង់ចំណុចមុខ (សាលារៀនខ្មែរ ចិន ក្រុងប៉ោយប៉ែត) លើដង់ផ្លូវជាតិលេខ ៥ ស្ថិតក្នុងភូមិកីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។ ដោយយោងតាមកាមេរ៉ាសុវត្ថិភាព៖ ក្នុងករណីគ្រោះថ្នាក់ដ៏ស្រាវស្រាញឆ្អឹងខ្នងដូចរឿង"ចិនហុងកុង"បង្កឡើងដោយយុវជន០២នាក់ បើកម៉ូតូ០១គ្រឿង ម៉ាកហុងដាឌ្រីម សេ125 ពណ៌ខ្មៅ (ពុំមានពាក់ស្លាកលេខ) (ជិះគ្នា០២នាក់) បើកបរពីកើតទៅលិច ដល់ចំណុចកើតហេតុ យុវជនបានបើកបង្ហោះម៉ូតូ បង្អួតគេឯងបែបយុវវ័យ ក៏រ៉េចង្កូតទៅកេតរថយន្ត០១គ្រឿង ផ្នែកជំហៀងខាងឆ្វេង រថយន្តម៉ាក តូយូតា ហាវ៉ាន់ស្សា ពណ៌ខ្មៅ ពាក់ស្លាកលេខ បន្ទាយមានជ័យ 2A-6104 ដែលបើកពីទិសខាងលិចទៅកើត (បញ្ច្រាសទិសគ្នា)ដោយម៉ូតូមិនទាន់អស់ល្បឿនបន្តទៅបុករថយន្ត០១គ្រឿងទៀត ម៉ាកតូ យូតា ហាយឡែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2Y-0996 បើកពីលិចទៅកើត បុកបន្ថែមចំពេញទំហឹងពីមុខ (បញ្ច្រាសទិសគ្នា) មួយរំពេចនោះក៏មានម៉ូតូ០១គ្រឿងទៀត ម៉ាកហុងដាទ្រីមសេ១២៥ ពណ៌ខ្មៅ ពាក់ស្លាកលេខ បន្ទាយមានជ័យ 1T-1777 ដែលបើកមកពីក្រោយម៉ូតូខាងលើ បើកបុកម៉ូតូបង្កដែលដួលខ្ទាតនោះបន្ថែមទៀត បណ្តាលអោយរងរបួសស្រាល ចំណែកយុវជន០២នាក់ជើងខ្លាំងខាងបង្ហោះម៉ូតូនោះ បានស្លាប់នៅកន្លែងកើតម្នាក់ និងម្នាក់ទៀតដាច់ខ្យល់ស្លាប់នៅមន្ទីរពេទ្យបង្អែកពីប៉ោយប៉ែត ក្រោយពេលក្រុមសង្គ្រោះដឹកយកទៅសង្គ្រោះ។ យោងតាមប្រភពពីអ្នកស្គាល់យុវជន០២នាក ដែលបើកម៉ូតូបង្កហេតុខាងលើមានឈ្មោះ ដូចខាងក្រោមៈទី១-ឈ្មោះ វិមាន សង្ហា អាយុ១៨ឆ្នាំ រស់នៅភូមិ គីឡូូម៉ែត្រលេខ៤ សង្កាត់ផ្សារកណ្ដាល ក្រុងប៉ោយប៉ែត(ជាអ្នកបើកបរម៉ូតូ អត់ស្លាកលេខ ស្លាប់នៅកន្លែង កើតហេតុ) ។ ទី២-ឈ្មោះ សួស ចាន់រ៉ូស្សា អាយុ១៦ឆ្នាំ  រស់នៅភូមិ គីឡូម៉ែត្រលេខ៤ សង្កាត់ ផ្សារកណ្ដាល ជាអ្នករួមដំណើរ(ស្លាប់នៅមន្ទីរពេទ្យ)។ ទី៣-បុរសបើកបរម៉ូតូម្នាក់ឯង ពីក្រោយមិនស្គាល់អត្តសញ្ញាណ រងរបួសស្រាល (ម៉ូតូខូចខាតបន្តិចបន្តួច)។ ក្រោយពេលកើតហេតុ គេឃើញរថយន្តហាយឡែនឌ័រ បើករត់គេចបាត់ទៅ មុនពេលសមត្ថកិច្ចទទួលបន្ទុកផ្នែកចរាចរណ៍ក្រុងប៉ោយប៉ែត បានចុះមកដល់ទីតាំងគ្រោះថ្នាក់់ចរាចរណ៍មួយនេះ។ សមត្ថកិច្ចផ្នែកចរាចរណ៍ ក៏បានជួយ សម្រួលធ្វើចរាចរណ៍ និងធ្វើការវាស់វែង ក្នុងករណីគ្រោះថ្នាក់ខាងលើ ចំណែកមធ្យោបាយទាំង០៣ខាងលើ ត្រូវបានសមត្ថកិច្ចយកទៅរក្សាទុកនៅអធិការដ្ឋានក្រុងប៉ោយប៉ែត ដើម្បីកសាងសំណុំរឿងបន្តតាមនីតិវិធី៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com