អគ្គីភ័យលេបត្របាក់ផ្ទះស្តុបខោអាវជជុះមួយកន្លែង ក្រោយសាលាចិន ទួនហ្វា.!!!
ភ្នំពេញ៖ គ្រោះអគ្គីភ័យឆេះយ៉ាងសន្ធោសន្ធៅ ផ្តើមចេញពីការឆេះឃ្លាំងស្តុបខោអាវជជុះ រាលដាលឆេះដល់ផ្ទះពលររដ្ឋក្បែរខាងអស់ជាច្រើនខ្នង បង្កការភ្ញាក់ផ្អើលអស់អ្នកភូមិនិងសមត្ថកិច្ច ដែលហេតុការណ៍នេះ កើតឡើងនៅជាប់នឹងសាលារៀន ទួនហ្វា តាមបណ្ដោយផ្លូវលេខ១៧៣ ស្ថិតនៅក្នុងសង្កាត់អូឡាំពិក ខណ្ឌបឹងកេងកង រាជធានីភ្នំពេញ កាលពីវេលាម៉ោង១១និង៥០នាទីយប់ ថ្ងៃទី១ ខែកក្កដា ឆ្នាំ២០១៩ រហូតដល់ម៉ោង៦និង៤០នាទីព្រឹក ថ្ងៃទី២ ខែកក្ដដា នេះ នៅមិនទាន់រលត់នៅឡើយទេ ។
យោងតាមប្រភពព័ត៌មាន ពីប្រជាពលរដ្ឋបានឲ្យដឹងថា មុនពេលកើតហេតុ ពួកគាត់បានលឺសម្លេងផ្ទុះ (ដូចជាផ្ទុះហ្គាស់) មួយសន្ទុះក្រោយមក ស្រាប់តែឃើញមានអណ្ដាតភ្លើង ចេញពីក្នុងផ្ទះប្រជាពលរដ្ឋ ដែលស្តុបខោអាវជជុះយ៉ាងខ្លាំង និងរាលដាលដល់ផ្ទះពួកគាត់ ជាប់ៗគ្នាជាបន្តបន្ទាប់ យ៉ាងសន្ធោសន្ធៅតែម្ដង ។
ក្នុងហេតុការណ៍អគ្គីភ័យនេះ កម្លាំងសមត្ថកិច្ច និងជំនាញផ្នែកអន្តរាគមន៍ពន្លត់អគ្គីភ័យ មានការពិបាកក្នុងការជួយពន្លត់យ៉ាងខ្លាំង ព្រោះទីតាំងកើតហេតុ មានច្រកចូលតូចចង្អៀត ទើបមានរាំងស្ទះផងដែល ទើបភ្លើងកាន់តែឆេះខ្លាំងឡើងៗ រហូតអស់ផ្ទះប្រជាពលរដ្ឋជាខ្នងបែបនេះ កក៏ក៏ប៉ុន្តែពុំមានអ្នករងរបួសនោះទេ។
ជុំវិញករណីខាងលើសន្ឋិដ្ឋានថា៖ ជំហ៊ានដំបូងរបស់សមត្ថកិច្ច បានអោយដឹងថា អគ្គីភ័យនេះ បណ្ដាលមកពីឆ្លងចរន្តអគ្គិសនី ហើយខាងកំលាំងអន្តរាគមន៍ពន្លត់អគ្គីភ័យ បានប្រើប្រាស់រថយន្តពន្លត់អគ្គីភ័យ ចំនួន៥០គ្រឿង ហើយការឆេះផ្ទះប្រជាពលរដ្ឋ អស់ជាច្រើនខ្នង ខណៈមកដល់វេលាម៉ោង៦និង៤០នាទីព្រឹក ថ្ងៃទី២ កក្កដា នេះ អអគ្គីភ័យនៅមិនទាន់រលត់នោះទេ"រងចាំតាមដានព័ត៌មានលម្អិតនៅលេខបន្ទាប់ទៀត"៕
ដោយៈលោក សេង រត្ន័ និពន្ធនាយករង
គេហទំព័រ ប៉ោយប៉ែតប៉ុស្តិ៍
www poipetpostnews.con
