ខេត្តឧត្ដរមានជ័យ៖ តើលោកនាយឧត្ដមសេនីយ៍ គៀត ចាន់ថារឹទ្ធ អគ្គនិយកដ្ឋានអន្តោប្រវេសន៍ គិតយ៉ាងណា? ចំពោះមន្រ្ដីក្រោមឱវាទ ប្ដីសក្ក័បី ប្រពន្ធសក្ក័៥ បែបនេះ រឺទុកអោយបង្ហូរឈាមគ្នាទើបមានវិធានការដោះស្រាយ។ បែកធ្លាយរឿងកាន់តែក្ដៅទៅៗ ពីមួយថ្ងៃទៅមួយថ្ងៃ រឿងរបស់លោកអនុសេនីយ៍ឯក ប៉ែន សុភា មន្រ្ដីនគរបាលអន្តោប្តវេសន៍ ច្រកទ្វាអន្តរជាតិអូរស្មាច់​ ក្រុងសំរោងខេត្តឧត្ដរមានជ័យ យកចញ្ចើមផ្លូវរដ្ឋជាប់ព្រំដែនកម្ពុជា-ថៃ ជួលអោយពលរដ្ឋលក់ក្រោមឆត្រ័សោះ តំលៃ បួនម៉ឺនបាត (៤០០០០បាត)ក្នុងមួយខែ ថ្លៃកប់ពពកលើសផ្សារទំនើបទៀត។ កាលពីយប់ថ្ងៃទី៣០ ខែមិថុនា ឆ្នាំ២០១៩ មានសេចក្ដីរាយការណ៍មកថា៖ ប្រពន្ធលោកអនុសេនីយ៍ឯក ប៉ែន សុភា និងបក្សពួកជាច្រើននាក់ នាំគ្នាទៅបង្ករហឹង្សា និងបោកទូសព្ទ័ដៃបុរសម្នាក់ ដែលបានជួលកន្លែងលក់ពីប្ដីរបស់ខ្លួន ហើយគំរាមបង្ខំអោយពួកគាត់រើអីវ៉ាន់ចេញទាំងពាក់កណ្ដាលយប់។ បុរស់ម្នាក់ឈ្មោះ អឿ សូវឿត ភេទប្រុសអាយុ៣៩ឆ្នាំ រស់នៅសង្កាត់អូស្មាច់ ក្រុងសំរោង ខេត្តឧត្ដរមានជ័យ ដែលជាអ្នកជួលកន្លែងលក់ពីលោកអនុសេនីយ៍ឯក ប៉ែន សុភា​ មន្រ្ដីនគរបាលអន្តោប្រវេសន៍​អូរស្មាច់។ បុរសឈ្មោះ អឿ សូវឿត បានបញ្ជាក់ថា៖ នៅវាលាម៉ោង១០និង៣០នាទី យប់មិញនេះ ប្រពន្ធលោក ប៉ែន សុភា បានមកបង្ករហឹង្សា ចាប់យកទូសព្ទ័ដៃបោកកំទេចចោល ហើយគំរាមនិងបង្ខំអោយពួកគាត់រើអីវ៉ាន់ចេញទាំងពាក់ កណ្ដាលយប់ ទាំងប្ដីរបស់ខ្លួនមកយកប្រាក់ជួលកន្លែងជារៀងរាល់ខែ ក្នុងមួយខែ៤ម៉ឺនបាត យកពីឈ្មោះ អឿ សូវឿត។ បុរសខាងលើបានបន្តថា ក្រោយបង្ករហឹង្សា សមត្ថកិច្ចក៏បានហៅទៅសម្របសម្រួលនៅប៉ុស្ដិ៍នគរបាលអូស្មាចទាំងយប់ ដោយបង្ខំអោយរូបគាត់ផ្ដិតមេដៃលើកិច្ចសន្យា អោយគាត់លក់បន្តររយៈពេលបីខែនិងបង់ប្រាក់១១ម៉ឺនបាត។ ហើយរូបគាត់ឡាយវីដេអូរផ្ទាល់ជាសាធារណ: សូមអោយសុំទោស​លោក ប៉ែន សុភា តែបុរសខាងលើគាត់បដិសេធន៍ព្រោះថា៖ វាជារឿងពិតមានរឿងអីត្រូវសុំទោស។ លោក​ ជ័យ វាស្នា មេប៉ុស្ដិ៍នគរបាលអូស្មាច់បានអោយអ្នកយកព័ត៌មានយើងខ្ញុំដឹងថា៖ នៅពេលមានបញ្ហាឈ្លួសប្រកែកគ្នានៅច្រកទ្វារអូរស្មាច់ លោកក៏បានហៅទៅសម្រប សម្រួល គ្នា កុំអោយឈ្លួសប្រកែកគ្នានាំអោយខ្មាស់គេ លោកបញ្ជាក់ថា៖ មានតែការសម្របសម្រួលគ្នាទេ ទើបអាចបញ្ចប់រឿងបាន៕ រាយការណ៍ដោយៈ អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com