យោងតាមការចុះផ្សាយរបស់ទីភ្នាក់ងារ ព័ត៌មាន China Daily នៅថ្ងៃទី២៦ ខែកក្កដា ឆ្នាំ២០១៩ នេះ បានអោយដឹងថា៖ ប្រទេសរុស្ស៊ី បានបញ្ចប់ការដឹកជញ្ជូនប្រព័ន្ធមីស៊ីល ការពារដែនអាកាស S-400 លើកទីមួយទៅកាន់ប្រទេសតួកគីហើយ។ បច្ចុប្បន្នៈ ប្រទេសទាំងពីរកំពុងចរចាដើម្បីបន្តកិច្ចសហប្រតិបត្តិការលើបញ្ហានេះរួមទាំងការបង្កើតការផលិតគ្រឿងបរិក្ខារដែលមានអាជ្ញាប័ណ្ណនៃប្រព័ន្ធ S-400 នៅក្នុងប្រទេសតួកគី។ លោក Alexander Mikheev អគ្គនាយកប្រតិបត្តិក្រុមហ៊ុននាំចេញអាវុធរបស់រុស្ស៊ី ត្រូវបានគេដកស្រង់សម្តីដែលនិយាយថា "ការផ្គត់ផ្គង់ S-400 មិនត្រឹមតែពង្រឹងបណ្តាញការពារដែនអាកាសទេ ថែមទាំងជាដៃគូយុទ្ធសាស្ត្ររបស់ប្រទេសយើងទៀតផង" ។ យោងតាមក្រសួងការពារជាតិតួកគីបានអោយដឹងថា៖ ការដាក់ពង្រាយប្រព័ន្ធ S-400 ទំនងជានឹងចាប់ផ្តើមនៅក្នុងខែតុលា។ គួរបញ្ជាក់ផងដែរថា៖ នៅឆ្នាំ២០១៧ រុស្ស៊ី និងតួកគី បានចុះហត្ថលេខាលើកិច្ចព្រមព្រៀងដែលមានតម្លៃ ២,៥ ពាន់លានដុល្លារអាមេរិកសម្រាប់ប្រព័ន្ធមីស៊ីល S-400 ដែលត្រូវបានចាត់ទុកថាជាប្រភេទមីស៊ីលដ៏ទំនើបបំផុតនៅក្នុងប្រទេសរុស្ស៊ី ដែលអាចបំផ្លាញគោលដៅនៅ ចម្ងាយរហូតដល់ទៅ ៤០០ គីឡូម៉ែត្រ និងកម្ពស់រហូតដល់៣០ គីឡូម៉ែត្រ៕ បកប្រែដោយៈ (សសអក) ចេញផ្សាយដោយៈ គេហទំព័រ ប៉ោយប៉ែតប៉ុស្តិ៍ www.piopetpostnews.com
ព័ត៌មានគួរចាប់អារម្មណ៍
ពិធីសំណេះសំណាលជាមួយមន្ត្រីនគរបាលជាតិ ប្រចាំប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត.!!! (ប៉ោយប៉ែតប៉ុស្តិ៍)
លោកឧត្តមសេនីយ៍ទោ សិទ្ធិ ឡោះអញ្ជើញចូលរួមកិច្ចប្រជុំការងារការពារសន្តិសុខ សណ្តាប់ធ្នាប់ ព្រះរាជពិធីបួងសួងសុំសេចក្តីសុខ ជូនដល់ព្រះរាជាណាចក្រកម្ពុជា នៅ ខេត្តសៀមរាប (ប៉ោយប៉ែតប៉ុស្តិ៍)
លោកវរសេនីយ៍ទោ ព្រហ្ម ពិសិដ្ឋ អធិការនៃអធិការដ្ឋាននគរបាលក្រុងប៉ោយប៉ែត បានដឹកនាំកម្លាំងនៃអធិការដ្ឋាននគរបាលក្រុង ប្រជុំដាក់ផែនការ ការពាររក្សា សន្តិសុខ សុវត្ថិភាព ជូនថ្នាក់ដឹកនាំ និងដាក់ទិសដៅបន្តរក្សាសន្តិសុខសណ្ដាប់ធ្នាប់ ជូនបងប្អូន ដែររស់នៅក្នុងក្រុងប៉ោយប៉ែត នាឱកាសបុណ្យចូលឆ្នាំថ្មីប្រពៃណីជាតិខ្មែរខាងមុខនេះ.. (ប៉ោយប៉ែតប៉ុស្តិ៍)
ការរៀបចំសំណង់ និងការតុបតែងផ្សេងៗនៃព្រឹត្តិការណ៍អង្គរសង្ក្រាន្ត នៅបរិវេណមុខប្រាសាទអង្គរវត្តបានចាប់ផ្តើមបង្ហាញសម្រស់ហើយ (ប៉ោយប៉ែតប៉ុស្តិ៍)
លោកឪពុកអ្នកម្តាយ លោក សុខ វុទ្ធី និងភរិយា គឺ អ្នកស្រី តាំង សុខមុំ ព្រមទាំងក្រុមការងារបានបន្តនាំយក សម្ភារៈសិក្សា និងថវិកា ចែកជូនដល់សិស្សានុសិស្ស ៤៥៨ នាក់ (ប៉ោយប៉ែតប៉ុស្តិ៍)
វីដែអូ
ចំនួនអ្នកទស្សនា