ខេត្តព្រះវិហារ៖ នៅថ្ងៃទី៤ ខែកក្កដា ឆ្នាំ២០១៩ នេះ លោកឧត្ដមសេនីយ៍ទោ ច័ន្ទ ណារឿន បានចេញមុខបកស្រាយបដិសេធន៍ចំពោះបណ្តាញផ្សព្វផ្សាយមួយ ផ្សាយពត៌មាន មិនពិតនោះទេ ដែលបានចុះផ្សាយកាលពីថ្ងៃទី២៩ ខែមិថុនា ឆ្នាំ២០១៩ កន្លងទៅថ្មីៗនេះ "ដែលមានចំណងជើងថា៖ អុញ! នោះលោក ប្រាក់ សុវណ្ណ អភិបាលខេត្តព្រះវិហារ ឡើងថ្មី មានចំណាត់ការយ៉ាងណា ចំពោះក្រុមឈ្មួញអ្នកមានលុយ និង អ្នកមានអំណាច មួយក្តាប់តូចឃុបឃិតគ្នាជាប្រព័ន្ធ លួចឈូសឆាយដីព្រៃរដ្ឋ យកធ្វើជាកម្មសិទ្ធ ដោយខុសច្បាប់នោះ"។ លោកឧត្តមសេនីយ៍ទោ ច័ន្ទ ណារឿន សូមបញ្ជាក់ថា៖ ទីតាំងដី ដែលបានចោទប្រកាន់មកលើរូបលោក ឈូសឆាយដីព្រៃរបស់រដ្ឋ លក់អោយឈ្មួញ ដែលស្ថិតនៅភូមិត្រពាំងសង្កែខាងលិច ឃុំកន្ទួត ស្រុកជាំក្សាន្ត នោះ វាមិនម៉ែនជារឿងពិតនោះទេ វាជាការភណ្ឌ័ច្រឡំ ព្រោះទីតាំងដីខាងលើ ស្ថិតក្នុងគំរោង អភិវឌ្ឍន៍គ្រួសារកងទ័ពដែលមាន អនុក្រឹត្យលេខ៦៣ ក្រោយមកក៏ដោះដូរជូន ពលរដ្ឋចំនួនជាង២០គ្រួសារ ដែលរងផលប៉ះពាល់ដីធ្លី នៅភូមិស្រអែម ឃុំកន្ទួត ស្រុកជាំក្សាន្ត ដោយមានការសម្របសម្រួល ពីលោកមេបញ្ជារការកងពលធំ និង យោងតាមអនុសាស្ត្រដ៏ថ្លៃថ្លា របស់សម្តេចអគ្គមហាសេនាបតីតេជោ ហ៊ុន សែន ទើបសម្រេចកាត់ដីអនុក្រឹត្យលេខ៦៣ ខាងលើ អោយទៅពលរដ្ឋវិញ។ លោក ចាប ឈុតត្រា ជាតំណាងពលរដ្ឋ រងផលប៉ះពាល់ដីធ្លី បានបញ្ជាក់បន្ថែមថា៖រូបលោក និង ប្រជាពលរដ្ឋចំនួនជាង២០ គ្រួសារ បានកាន់កាប់ដីចំការ និងអាស្រ័យផល ចំនួន៨៧ហិកតា ស្ថិតអតីតភូមិស្រអែម (ភូមិត្រពាំងសង្កែខាងលិចពេលបច្ចុប្បន្ន) ឃុំកន្ទួត នៅអំឡុងឆ្នាំ២០០៧ និង មានលិខិតកាន់កាប់ទទួលស្គាល់ ពីអាជ្ញាធរផងដែល តែក្រោយមកឆ្នាំ២០០៩ ដីនោះរដ្ឋត្រូវការយកទៅ អភិវឌ្ឍន៍គ្រួសារយោធា ក៏កាត់ដីអនុក្រឹត្យខាងលើ ដោះដូរជូនពួកគាត់វិញ។ តែមកដល់បច្ចុប្បន្ន ដីដោះដូរ ត្រូវបានជន ខិលខូចមួយក្តាប់តូច ចេះតែទន្ទ្រានយកម្តងបន្តិចៗ ជាហេតុធ្វើអោយពួកគាត់រងគ្រោះម្តងហើយម្តងទៀត។ អាស្រ័យហេតុនេះ លោកឧត្តសេនីយ៍ទោ ច័ន្ទ ណារឿន សូមបញ្ជាក់ និងជម្រាបជូន សូម បដិសេធន៍ថា៖ រឿងការចោទប្រកាន់ ពីសំណាក់បណ្តាញផ្សព្វផ្សាយកន្លងមកវាមិន មែនជាការពិតនោះទេ វាជាការភ័ណ្ឌច្រឡំ៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com