បេីកបរស្កាវ៉ាទ័រសំអាតដីចម្ការសុខៗ កិនលេីមីនតោន ផ្ទុះដុះដាច់កង់មួយចំហៀងរងការខូចខាតយ៉ាងដំណំ..!!!
ខេត្តឧត្ដរមានជ័យ ៖ បើកបរអេស្កាវ៉ាទ័រសំអាតដីចម្ការសុខៗ ជាន់មីនតោន ផ្ទុះដាច់កង់មួយចំហៀង សំណាងល្អតៃកុងរួច ផុតពីគ្រោះថ្នាក់ហេតុការណ៍នេះ ដែលហេតុការណ៍នេះបានកើតឡើងកាលពីវេលាម៉ោង១៥និង ៣០នាទីល្ងាច ថ្ងៃទី០៣ ខែកក្កដា ឆ្នាំ២០១៩ នៅចំណុចអូរហាសិប ស្ថិតក្នុងភូមិប្រាសាទក្រហមសែនជ័យ ឃុំព្រះប្រឡាយ ស្រុកត្រពាំងប្រាសាទ ខេត្តឧត្ដរមានជ័យ។
ប្រភពពីសមត្ថកិច្ចបានអោយដឹងថា៖ ករណីផ្ទុះមីនតោនខាងលើ បណ្តាលមកពីអេស្កាវ៉ាទ័រ ០១គ្រឿង បើកបរដោយឈ្មោះ ទុយ តុលា ភេទ ប្រុស អាយុ៣០ឆ្នាំ មានទីលំនៅ ភូមិក្រសាំងថ្មី ឃុំជប់បូរ ស្រុកព្រះនេត្រព្រះ ខេត្តបន្ទាយមានជ័យ បានបើកទៅកាយព្រៃសំអាតដីក្នុងចម្ការ ខណៈកំពុងកាយរ៉ោះព្រៃ ស្រាប់តែបើកកិនចំពីលើមីនតោនបណ្តាលអោយផ្ទុះតែម្ដង និងបានបង្កការខូចខាតអេស្កាវ៉ាទ័រ ដាច់ច្រវាក់ផ្នែកខាងឆ្វេង ចំណែកតៃកុងពុំមានរងរបួសនោះឡើយ។
ក្រោយកើតហេតុភ្លាមៗនោះ កម្លាំងប៉ុស្តិ៍នគរបាលរដ្ឋបាលឃុំព្រះប្រឡាយ បានចុះទៅពិនិត្យដល់កន្លែងកើតហេតុ និងបានបញ្ជាក់អោយដឹងថា ពិនជសមីនតោនម៉ែន ដែលគ្រប់យុទ្ធភណ្ឌកប់ក្រោមដី នាសម័យសង្គ្រាមពិតប្រាកដ៕
រាយការណ៍ដោយៈ អ្នកយកព័ត៌មាន
គេហទំព័រ ប៉ោយប៉ែតប៉ុស្តិ៍
www.poipetpostnews.com
