ខេត្តពង់ឆ្នាំង៖ ករណីប្លន់យកម៉ូតូ០១គ្រឿងគួរអោយស្រៀវឆ្អេងខ្នង ចោរប្លន់អារកសម្លាប់យកម៉ូតូ បណ្ដាលអោយម្ចាស់ម៉ូតូរងរបួសធ្ងន់ធ្ងរ រួចយកម៉ូតូទៅបាត់ដោយសុវត្ថិភាពដែលហេតុការណ៍នេះបានកើតឡើងនៅវេលាម៉ោងប្រហែល ០៩ព្រឹក ថ្ងៃទី០៤ ខែកក្កដា ឆ្នាំ២០១៩នេះ នៅត្រង់ចំណុចភូមិក្រាំងតាមុំ ឃុំតាំងក្រសាំង ស្រុកទឹកផុស ខេត្តកំពង់ឆ្នាំង ។ ជនរងគ្រោះមានឈ្មោះ លាស់ យ៉ាន អាយុ ៦៣ឆ្នាំ ជនជាតិខ្មែរឥស្លាម មានទីលំនៅភូមិទី៤ សង្កាត់ខ្សាម ក្រុងកំពង់ឆ្នាំង រងរបួសធ្ងន់ផ្នែកក និងរបួសក្បាលជាច្រើនកន្លែង ត្រូវបានដឹកយកទៅសង្គ្រោះនៅមន្ទីរពេទ្យបង្អែកខេត្តកំពង់ឆ្នាំង។ ប្រភពពីកន្លែងកេីតហេតុបានអោយដឹងថា៖នៅមុនពេលកើតហេតុបុរសរងគ្រោះ បានចេញពីផ្ទះទៅរត់ម៉ូតូឌុប ដោយជិះម៉ូតូម៉ាកហុងដា សេ125 ស៊េរី 011 ស្លាកលេខ បាត់ដំបង 1K-6043 មកឈរចាំនៅចំណុចកំពុងដរចម្លងទទឹង ភូមិចុងកោះ ដូចសព្វដងពេលនោះ ក៏មានជនសង្ស័យម្នាក់អាយុប្រមាណជាង ២០ឆ្នាំ បានហៅម៉ូតូឌុបជនរងគ្រោះខាងលើ ជិះពីកំពុងផែឆ្ពោះទៅផ្សារមាស លុះពេលទៅដល់ចំណុចកើតហេតុ បានអោយជនរងគ្រោះឈប់ម៉ូតូហើយ ក៏ធ្វើសកម្មភាពចាប់អាករប្លន់យកម៉ូតូ ប៉ុន្តែពេលនោះជនរងគ្រោះបានប្រតាយប្រតប់ រួចជនដៃដល់ក៏យកកាំបិតចាក់ជនរងគ្រោះ ត្រូវក្បាលជាច្រើនកន្លែង បន្ទាប់មកជនដៃដល់ក៏បានធាក់ជនរងគ្រោះ បណ្ដាលអោយដួលសន្លប់ ហើយក៏យកម៉ូតូជិះគេចខ្លួនបាត់ស្រមោលទៅ។ ក្រោយពេលកើតហេតុប្រជាពលរដ្ឋប្រទះឃើញ ហើយបានរាយការណ៍ប្រាប់សមត្ថកិច្ច​ ចុះដល់ទីតាំងរកឃើញកាំបិត ចិតបន្លែដងខ្មៅ មួយ ប្រឡាក់សុទ្ធតែឈាម ក្រុមកម្លាំងជំនាញបានសន្និដ្ឋានថា៖ ជារបស់ជនដៃដល់ ហេីយករណីខាងលើនេះ សមត្ថកិច្ចកំពុងតែស្រាវជ្រាវរកមុខជនបង្កដើម្បីឃាត់ខ្លួនយកផ្ដន្ទាទោសតាមផ្លូវច្បាប់៕ ដោយៈ លោក ហ៊ីម ឯក និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com