ខេត្តបន្ទាយមានជ័យ៖ ក្រុងប៉ោយប៉ែត ភ្លៀងមួយមេធំលាយឡំខ្យល់កន្ត្រាក់ បង្កអោយបុរសម្នាក់កំពុងជិះម្នាក់ឯង ត្រូវជណ្ដេីរដួលសង្កត់ចំក្បាលបែកស្លាប់ក្នុងថ្លុកឈាមភ្លាមៗ ទុលមុខ ភែរើមែកស៍ កស៍ងបរិវេណកាសុីណូ ផ្កាយ៥ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ នៅវេលាម៉ោង១២និង២០ នាទី ថ្ងៃទី៥ ខែកក្កដា ឆ្នាំ២០១៩ នេះ។ បើតាមប្រភពពីកន្លែងកើតហេតុបានអោយដឹងថា៖ បុរសម្នាក់ បានជិះម៉ូតូម្នាក់ឯង ពីជើងទៅត្បូង ស្រាប់តែមកដល់ចំនុចកើតហេតុ នៅពេលមេឃកំពុងភ្លៀង និង មានលាយឡំខ្យល់កន្រ្ទាក់បក់បោកយ៉ាងខ្លាំង ស្រាប់តែជណ្តើរដែលដាក់ចល័ត សម្រាប់បុគ្គលិកកាសុីណូ ធ្វើការដើរដាក់តខ្សែភ្លើង រឺ ដាក់សម្រាប់ឡើងដាក់ប៉ាយយីហោផ្សេងៗ ដែលដាក់ផ្អែកទុកចោលនិងសរសរដែកប៉ាយប៉ាន់ណូ ភែរើមែកស៍ PARAMIX នៅទីតាំងខាងលើបានដួលសង្កត់ចំក្បាលបែកស្លាប់ភ្លាមៗតែម្តងក្នុងថ្លុកឈាម បង្កការផ្ញាក់ផ្អើល ដល់ពលរដ្ឋ និងសន្តិសុខ ព្រមទាំងសមត្ថកិច្ចចុះធ្វើអន្តរាគមន៍ភ្លាមៗតែម្តង ។ ប្រភពពីសមត្ថកិច្ចដែលបានទៅដល់កន្លែងកើតហេតុបានអោយដឹងថា៖ ជនរងគ្រោះមានឈ្មោះ សាយ សុភី អាយុ ៣២ឆ្នាំ មានទីលំនៅបច្ចុប្បន្នក្នុងមណ្ឌល១២ ភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ម៉ូតូដែលជនរងគ្រោះបានជិះម៉ាកហុងដាឌ្រីម ពណ៌ខ្មៅ សេរីឆ្នាំ២០១៩ ពាក់ស្លាកលេខ ភ្នំពេញ1HQ.2363 ។ ក្រោយពេលកើតហេតុគេសង្កេតឃើញថា៖ជនរងគ្រោះត្រូវបានសមត្ថកិច្ចក្រុងប៉ោយប៉ែត បញ្ជួនទៅសង្គ្រោះនៅមន្ទីរពេទ្យបង្អែកដីថ្មី តែអកុសលជនរងគ្រោះត្រូវបានស្លាប់បាត់ទៅហើយ៕ ដោយៈលោក ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com