ខេត្តព្រៃវែង៖ ករណីបុរសម្នាក់ព្រោះតែខឹងប្រពន្ធខ្លាំងពេក ដុតខោអាវចោល បណ្តាលអោយឆេះផ្ទះស្ទើរទាំងស្រុង រួចរត់ទៅចងកសម្លាប់ខ្លួនតាមក្រោយក្នុងបន្ទប់ទឹកបានសម្រេច។ ដែលហេតុការណ៍នេះបង្កការភ្ញាក់ផ្អើលពេញភូមិកាលពីវេលាម៉ោង០៦និង២៥នាទីព្រឹក ថ្ងៃទី០៧ ខែកក្កដា ឆ្នាំ២០១៩នេះ។ សមត្ថកិច្ចបានអោយដឹងថា៖ ករណីប្តីខឹងប្រពន្ធទាំងកម្រោល ដុតខោអាវបង្កអោយផ្ទះឆេះស្ទើរទាំងស្រុងនេះ ស្ថិតនៅ ចំណុចភូមិ ឆ្ពឹស ឃុំថ្មពូន ស្រុកកញ្ជ្រៀច ខេត្តព្រៃវែង បណ្តាលខូចខាតទ្រព្យសប្បត្តិរួមមាន៖ ទី១-ផ្ទះ១ខ្នងឆេះស្ទើរទាំងស្រុង ទំហំ ៦ គុណនឹង១២ម៉ែត សង់ពីឈើ ប្រក់ក្បឿង។ ទី២-ទូដាក់សម្លៀកបំពាក់ មួយចំនួន។  ទី៣-ម៉ាសុីនត្រជាក់ ១ គ្រឿង។ ទី៤-ទូរទ្សន៍ ១គ្រឿង។  សរុបការខូចខាតចំនួន : ៣០,០០០$ (បីម៉ឺនដុល្លារ) បើយោងពីអ្នកនៅកន្លែងកើតហេតុបានអោយដឹងថា៖ ការឆេះផ្ទះនេះបណ្តាលមកពី ឈ្មោះ បុឹង ភេទប្រុស អាយុ៤៨ឆ្នាំ ត្រូវជាកូនប្រសារ និងជាប្តីរបស់ឈ្មោះ សឿន ឡូត រស់នៅភូមិ/ឃុំ/កើតហេតុខាងលើ កាលពីថ្ងៃទី៤/ខែ/ឆ្នាំ ដ៏ដែល គឺដោយមានការឈ្លោះប្រកែកគ្នា លុះដល់ថ្ងៃទី៧ កើតហេតុខាងលើ ក៏ប្រមូលសំលៀកបំពាក់ក្នុងផ្ទះដុតតែម្តង ពេលប្រពន្ធមិននៅផ្ទះចេញក្រៅបាត់ ក្រោយពីដុតឆេះ បុរសជាប្តីបានទៅចងកសម្លាប់ខ្លួនឯងក្នុងបន្ទប់ទឹកបានសម្រេចតែម្តងទៅ។ នៅក្នុងហេតុការណ៍ខាងលើនេះផង គេឃើញមានសមត្ថកិច្ចចម្រុះ បានចុះជួយពន្លត់ភ្លើងឆេះផ្ទះយ៉ាងសន្ធោសន្ធៅ បានទាន់ពេលវេលា មិនបង្ករឆ្លងរាលដាលទៅផ្ទះដ៏ទៃទៀតនោះទេ កម្លាំងចម្រុះចុះជួយ អន្តរាគមន៍ បានប្រើប្រាស់ទឹកអស់ចំនួន៤ឡាន។ បច្ចុប្បន្នៈ សាកសពប្រគល់ជូនក្រុមគ្រួសារនៃសពយកទៅធ្វើបុណ្យតាមប្រពៃណី៕ ដោយៈ ព្រីង សំឡត អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com