ខេត្តក្រចេះ៖ នៅព្រឹកថ្ងែទី០៧ ខែកក្កដា ឆ្នាំ២០១៩ នេះ គេបានឃើញពិធីសម្ពោធជប់លៀងមួយ ដែលមានការអញ្ជើញចូលរួមពីបងប្អូនប្រជាពលរដ្ឋមួយចំនួន ក្នុងនោះក៏មានក្រុមអ្នកសារព័ត៌មានជាច្រើនអង្គភាពបានអញ្ជើញចូលរួមផងដែរ ហើយកម្មវិធីនេះប្រារព្ធធ្វើឡើងនៅបរិវេនភូមិគ្រឹះ ឯសណ្ឋាគារកសិករអភិវឌ្ឍន៍ ដែលជាកម្មសិទ្ធិរបស់លោកឧកញ៉ា គង់ ក្រឹង និងលោកជំទាវ ម៉ាន សារ៉ស់។ ដែលមានទីតាំងស្ថិតនៅភូមិច្រាបថ្មី ឃុំ២ធ្នូ ស្រុកស្នួល ខេត្តក្រចេះ។ក្នុងកម្មវិធីសម្ពោធនិងជប់លៀងនោះផងដែរលោកឧកញ៉ា គង់ ក្រឹង និងលោកជំទាវ ម៉ាន សារ៉ស់ បានថ្លែងប្រាប់សារព័ត៌មាន គេហទំព័រ ប៉ោយប៉ែតប៉ុស្តិ៍ យើងយ៉ាងច្បាស់ថា៖ ក្រៅពីប្រកបមុខរបរ បើកកសិដ្ឋានចិញ្ចឹម គោ និង ក្របី ដែលមានចំនួន រហូតដល់ជាងប្រាំពាន់ក្បាលឯណោះ ហើយក៏មានដីស្រែចំការកៅស៊ូ រាប់រយហិកតារទៀតផងដែរ។ រហូតមកទល់នឹងពេលនេះលោកឧកញ៉ាក៏បានបង្កើតមុខរបរធំមួយបន្ថែមទៀតនៅក្នុងទឹកដីនៃភូមិគ្រឹះសណ្ឋាគារកសិករអភិវឌ្ឍន៍ ក្នុងនោះរួមមានៈ ទី១-កន្លែងកំសាន្តដូចជាអាងហែលទឹក។ទី២-កន្លែងអាហារដ្ឋានពេលព្រឹក។ទី៣-បើក ហ្វីត្រា ម៉ាត ជាកន្លែងលក់ភេសជ្ផៈនិងផលិតផលគ្រប់មុខ។ទី៤-មានកន្លែង ស្ទីម ស៊ូណា និងទី៥-មានបន្ទប់ជួលស្នាក់នៅជាច្រើនបន្ទប់ និងមានតម្លៃសមរម្យចាប់ពី១៥ទៅ៣៥ដុល្លារ ហើយក្នុងតំលៃ៣៥ដុល្លារនោះ ក៏មានព្រីអាហារមួយពេលផងដែរ។រាល់នៃការផ្សព្វផ្សាយទាំងនេះគឺលោកទាំងពីរមានគោលបំណង ជូនដំណឹងដល់សម្តេច ទ្រង់ ឯកឧត្តមលោកជំទាវព្រមទាំងភ្ញៀវទេសចរជាតិនិងអន្តរជាតិ ឲ្យបានជ្រាបជាពត៌មានតែប៉ុណ្ណោះនោះទេ។ ហើយលោកក៏បានបន្ថែមទៀតថា៖ សណ្ឋាគារកសិករអភិវឌ្ឍន៍លំដាប់ផ្កាយរបស់លោកដោយលោកបានបើកតម្រូវការរបស់ភ្ញៀវ ដូចបានរៀបរាប់ខាងលើតែប៉ុណ្ណោះនោះទេ។ ជុំពេញបញ្ហានៃការបង្កើតមុខរបរបន្ថែមរបស់លោកឧកញ៉ា គង់ ក្រឹង និងលោកជំទាវ ម៉ាន សារ៉ស់ ព្រមទាំងក្រុមគ្រួសារនេះផងដែរ លោកឧកញ៉ាក៏បានបន្តទៀតថា៖ លោកពុំមានបំណងអ្វីផ្សេង ក្រៅពីការខិតខំប្រឹងប្រែងរកប្រាក់ចំណូលដើម្បីជួយ ផ្គត់ផ្គង់និងឧបត្ថម្ភដល់កុមារកំព្រានិងចាស់ជរាគ្មានទីពឹង ព្រមទាំងទូរគតជនផ្សេងៗទៀតផងនោះដែលកំពុងតែជួបបញ្ហានៃការខ្វះខាតនោះ។ ជុំវិញនៃការជួយឧបត្ថម្ភ ទៅលើបុគ្គលទាំងនោះផងដែរ គឺលោកជួយទៅតាមតែលទ្ធភាពដែលលោកអាចធ្វើទៅបាននោះទេ។ជាចុងក្រោយលោកក៏បានបញ្ជាក់យ៉ាងច្បាស់ថា៖ ជុំវិញបញ្ហានៃការសាងសង់ និងការអភិវឌ្ឍន៍ទាំងនេះផងដែរ គឺមិនមែនបានមកដោយសារលោកតែម្នាក់ឯងប៉ុណ្ណោះទេ គឺដោយសារបានមកពីការជ្រកក្រោមដំបូលសុខសន្តិភាពរបស់ប្រមុខនៃថ្នាក់ដឹកនាំ ជាពិសេសនោះគឺសម្ដេចអគ្គមហាសេនាបតីតេជោ ហ៊ុនសែន ដែលជានាយករដ្ឋមន្ត្រីនៃព្រះរាជាណាច ក្រកម្ពុជា យ៉ាងពិតប្រាកដណាស់់ ទើបលោកមានឱកាសក្នុងការប្រឹងប្រែងចូលរួមកសាងអភិវឌ្ឍន៍មកទល់នឹងសព្វថ្ងៃនេះ។ ម្យ៉ាងវិញទៀតលោកក៏បានបន្តទៀតថា៖ នាពេលកន្លងមកលោកក៏បានចូលរួមឧបត្ថម្ភគាំទ្រ ការកសាងសមិទ្ធផលផ្សេងៗក្នុងសង្គមជាច្រើនដូចជា ផ្លូវថ្នល់ស្ពានសាលារៀនមន្ទីរពេទ្យវត្តអារាមអណ្ដូងទឹកជាដើម ស្ទើរតែគ្រប់ទីកន្លែងនៅទឹកដីនៃខេត្តក្រចេះយើងនេះ និងនៅតាមបណ្ដាខេត្តផ្សេងៗមួយចំនួនទៀតផងដែលនោះ៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com