ស្រុកមោងឬស្សី៖ គ្រាន់តែម្ចាស់ម៉ូតូ ទុកម៉ូតូនៅលើចញ្ចើមផ្លូវតែមួយភ្លែតសោះ ស្រាប់តែលោកចោរចូលមកលួចភ្លាម តែត្រូវបានជាប់ខ្នោះបោះសម្ថកិច្ច កាលពីវេលា០៣ និង៥០ នាទី ទៀបភ្លឺ ថ្ងៃទី​១៤ ខែសីហា ឆ្នាំ២០១៩ នៅចំនុចក្រុមទី២១ ភូមិចុងសំណាយ ឃុំជ្រៃ ស្រុកមោងឬស្សី ខេត្តបាត់ដំបង។ ប្រភពពីសម្ថកិច្ចនគរបាលស្រុកមោងឬស្សី បានអោយដឹងថា៖ យោងទៅតាមពាក្យបណ្តឹងរបស់ម្ចាស់ម៉ូតូដែលមានទីតាំងនៅចំណុចបាត់ម៉ូតូខាងលើ រហូតឈានដល់ការឃាត់ខ្លួនជនសង្ស័យ១នាក់ ឈ្មោះ សៀង ឃីម ភេទប្រុស អាយុ១៧ឆ្នាំ មុខរបរមិនពិតប្រាកដ រស់នៅភូមិរ៉ា ឃុំមោង ស្រុកមោងឬស្សី ខេត្តបាត់ដំបង។ ដោយជាប់ពាក់ព័ន្ធ ករណីអំពើលួច ម៉ូតូ ម៉ាកហុងដាទ្រីម១គ្រឿងពណ៌ខ្មៅ សេរី២០០៥ ស្លាកលេខបាត់ដំបង ១F. ១២៤៧ ដែលមានលេខតួម៉ាសុីន 8020213 ជារបស់ឈ្មោះ ហុឹម ចាន់ ភេទប្រុស អាយុ៣០ឆ្នាំ មុខរបរលក់ដូរ មានទីលំនៅភូមិជ្រៃជើង ឃុំជ្រៃ ស្រុកមោងឬស្សី ខេត្តបាត់ដំបង។ ដោយមូលហេតុមុនដំបូង ខណ:ពេលម្ចាស់ទុកម៉ូតូទុកម៉ូតូលើចិញ្ចើមផ្លូវ រួចចុះទៅលាងសណ្តែកបណ្តុះនៅក្នុងស្ទឹងមោងឬស្សី ហើយនៅពេលនោះជនសង្ស័យបានធ្វើសកម្មភាពលួចយកម៉ូតូ យកទៅភ្លាមៗតែម្តង នេះបើតាមការបញ្ជាក់ពីម្ចាស់ម៉ូតូខាងលើនោះ បានអោយដឹងបន្តថា៖ នៅយប់ទាបភ្លែនោះដែរ លោកក៏បានទៅដាក់ពាក្យបណ្តឹងនៅកន្លែងសម្ថកិច្ចអោយជួយរកជនសង្ស័យ ដែលបានលួចយកម៉ូតូគាត់ទៅបាត់ អស់រយះពេលជាច្រើនម៉ោងហើយ លុះមិនបានប៉ុន្មានម៉ោងក្រោយមកក៏ត្រូវបានសម្ថកិច្ចបានរាយការណ៏មកប្រាប់គាត់វិញថា៖ បានឃាត់ជនសង្ស័យនិងម៉ូតូបានមកវិញ។ បច្ចុបន្នៈ សម្ថកិច្ចនគរបាលស្រុកមោងឬស្សីបានប្រគល់ម៉ូតូទៅអោយម្ចាស់វិញហើយ។ចំណែកជនសង្ស័យខាងលើត្រូវបាន សម្ថកិច្ចជំនាញនៃអធិការស្រុកមោងឬស្សី កំពុងសួរនាំនិង កសាងសំណុំរឿង បញ្ជូនទៅកាន់តុលា ការខេត្តបាត់ដំបងចាត់ការបន្តតាមតិវិធី៕ ដោយៈ សុខ បូរី និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com