ខេត្តឧត្តរមានជ័យ៖ យោងតាមប្រសាសន៍ លោកឧត្តមសេនីយ៍ទោ ម៉ែន លី បានអោយភ្នាក់ងារសារព័ត៌មានយើងដឹងថា៖ អំពើឃាតកម្មសម្លាប់បុរសម្នាក់ កាលពីថ្ងៃទី១៤ ខែសីហា ឆ្នាំ២០១៩ ថ្មីៗនេះ ត្រូវបានវែកមុខរកឃាតករឃើញហើយ តាមពិតគឺជានព្រះសង្ឃចៅអធិការគង់នៅវត្តដីថ្មីសោះ គឺដោយសារជនរងគ្រោះខាងដឹងរឿងព្រះសង្ឃច្រើនពេកហើយ លោកឧត្តមសេនីយ៍ទោបានអោយដឹងថា៖ ការឃាត់ខ្លួនព្រះសង្ឃចៅអធិការមួយអង្គ នៅវេលាយប់ថ្ងៃទី១៦ ខែសីហា ឆ្នាំ២០១៩ នេះ ដោយយោងតាមការស្រាវជ្រាវដឹងមុខសញ្ញា កម្លាំងសមត្ថកិច្ចទើបឈានទៅធ្វើការឃាត់ខ្លួនជនដៃដល់តែម្ដង (គឺជាចៅអធិការវត្តដីថ្មី)សោះ។ បើតាមការបញ្ជាក់ពីសមត្ថកិច្ចថា៖ ពីមូល ហេតុ ដែលនាំអោយកើតមានអំពើឃាតកម្មនេះ គឺបណ្ដាលមកពីព្រះសង្ឃអង្គនោះ បានខឹងជនរងគ្រោះ ដែលជាអ្នករត់ម៉ូតូឌុប ដែលដឹងរឿង ថាខ្លួនលួចមានស្រីស្នេហ៍ ដែលជាទង្វើខុសនិងវិន័យរបស់ព្រះពុទ្ធសាសនាចំណែកប្រភពផ្សេងទៀតថា៖ មកពីរឿងព្រះសង្ឃចៅអធិការវត្តដីថ្មីុ ដែលជាឃាតកដៃឆៅរូបនេះ ធ្លាប់បានខ្ចីលុយជនរងគ្រោះជាង(៤០០០ដុល្លារ) ប៉ុន្ដែ គ្មានលុយសងក៏គិតខ្លីយ៉ាងហ្នឹងទៅ បន្ទាប់ពីការស្រាវជ្រាវ នៅថ្ងៃទី១៦ ខែសីហា ឆ្នាំ២០១៩ នេះ កម្លាំងនគរបាលជំនាញផែនព្រហ្មទណ្ឌ ក៏បាននាំខ្លួនព្រះសង្ឃដែលជាឃាតក ដ៏ឃោឃៅនេះទៅចង្អុលបង្ហាញ ពីទីតាំងដែលខ្លួនបានយកសពទៅបោះចោល ដែលមានចម្ងាយប្រហែល០៣គីឡូម៉ែត្រ ខាងលិចស្ពានទីរួមស្រុកអន្លង់វែង ខេត្តឧត្តរមានជ័យ បច្ចុប្បន្នៈ កំលាំងសមត្ថកិច្ចនគរបាលជំនាញផែនព្រហ្មទណ្ឌ កំពុងសួរនាំ និងចាត់ការបន្តទៅតុលាខេត្តដើម្បីចាត់ការតាមនិតិវិធី៕ ដោយៈ លោក ស៊ុយ វុទ្ធី និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com