ខេត្តឧត្ដរមានជ័យ៖ នៅថ្ងៃទី១៥ ខែសីហាឆ្នាំ២០១៩នេះ បែកធ្លាយមកថា៖ លោក គឹម គាវិន ប្រធានមន្ទីសុរិយោដីខេត្តឧត្ដរមានជ័យ បានផ្គើនទៅនិងចំណា របស់ឯកឧត្ដមជាសុផារ៉ា រដ្ឋមន្រ្ដីក្រសួងរៀបចំដែនដី នគរូបនីយកម្ម និងសំណង់។ យោងតាមលិខិតសំណើរមួយច្បាប់ របស់អតីតអភិបាលនៃគណ: អភិបាល ខេត្តឧត្ដរមានជ័យ ឯកឧត្ដម សរ ថាវី ចុះថ្ងៃទី១៤ ខែសីហា ឆ្នាំ២០១៨ ស្ដីពីសំណើរសុំផ្ទេភារកិច្ច និង តែងតាំងមន្រ្ដីការិយាល័យរៀបចំដែនដី នគរូបនីយកម្ម សំណង់និងសូរិយោដីចំនួន២រូប យោងតាមការចាំបាច់របស់រដ្ឋបាលខេត្តឧត្ដរមានជ័យ។ រដ្ឋបាលខេត្តបានធ្វើសំណើរគោរពជូនឯកឧត្ដម ជា សុផារ៉ា រដ្ឋមន្រ្ដី ក្រសួងរៀបចំដែនដី នគរូបនីយកម្ម និងសំណង់ សូរិយោដី ស្នើសុំផ្ទេភារកិច្ចតែងតាំងមន្រ្ដីការិយាល័យ ភូមិបាលស្រុកបន្ទាយអំពិល ចំនួនពីរូបដូចខាងក្រោមៈ ទី១-លោក ម៉ៅ មឿន ប្រធានការិយាល័យភូមិបាលស្រុកបន្ទាយអំពិល ស្នើរសុំផ្ទេភារ:កិច្ចអោយមកបំរើការងារនៅមន្ទីរៀបចំដែនដី នគរូបនីយកម្ម សំណង់និងសូរិយោដីខេត្តឧត្ដរមានជ័យ។ ទី២-លោកជៀក ហាន់ អនុប្រធានការិយាល័យ ភូមិបាលស្រុកបន្ទាយអំពិល ស្នើសុំតែងតាំងជាប្រធានការិយាល័យ ភូមិបាលស្រុកបន្ទាយអំពិល។ ដោយមានចំណារបស់ឯកឧត្ដម ជា សុផារ៉ា រដ្ឋមន្រ្ដីក្រសួងរៀបចំដែនដី នគរូបនីយកម្ម ចុះថ្ងៃទី១៥ ខែសីហា ឆ្នាំ២០១៨ ។ រហូតមកទល់និងពេលនេះគឺរយ:ពេលមួយឆ្នាំពេញហើយ ដែល លោក គឹម គាវិន ប្រធានមន្ទីរសូរិយោដីខេត្តឧត្ដរមានជ័យ។ បានទុកចំណារបស់រដ្ឋមន្រ្ដីក្រសួងរៀបចំដែនដីចោលមិនអនុវត្ដតាមនិតិវិធី ដោយផ្គើនទៅនិងបទបញ្ជាថ្នាក់ដឹកនាំនិយមបក្សពួក។ ការស្នើសុំផ្ទេភារកិច្ចរបស់រដ្ឋបាលខេត្តឧត្ដរមានជ័យ ដោយសង្កេតឃើញថា៖ លោក ម៉ៅ មឿន ប្រធានការិយាល័យភូមិបាលស្រុកបន្ទាយអំពិល អសកម្មការងារ និងមានបញ្ហាជាច្រើនជាមួយប្រជាពលរដ្ឋ និងនាក់ពាក់ពន្ធ័បង្ករឡើងដោយ លោក ម៉ៅ មឿន ប្រធានការិយាល័យភូមិបាលស្រុកបន្ទាយអំពិល ដោយផ្ទាល់។ បែជាលោក គឹមគា វិន ប្រធានមន្ទីរក្សាទុកជាកូនអុកសំរាប់ រកប្រយោជន៍ ទើបលោក គឹម គាវិន ហ៊ានផ្គើននិងចំណារបស់រដ្ឋមន្រ្ដីអង្គភាពសាមី។ លោកគឹម គាវិន ប្រធានមន្ទីសុរិយោដីខេត្តឧត្ដរមានជ័យបានបញ្ជាក់ថា៖ ជារឿងរបស់រដ្ឋបាលខេត្ត ព្រោះលោកធ្វើឯកសារជូនទៅរដ្ឋបាលខេត្តរួចរាល់អស់ហើយ៕ ដោយៈ វ័ន ប៊ុនរើន អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com