ខេត្តសៀមរាប៖ បើយោងប្រភពពីមន្ត្រីឃ្លាំមើលបទល្មើសព្រៃឈើ បានអោយដឹងថា៖ មានឈ្មួញជាច្រើននៅតែបន្តកាប់ និងដឹក ជញ្ជូនឈើចូលក្នុងខេត្តសៀមរាប បានដោយសេរីដ៏ដែល។ ប្រភពមន្ត្រីឃ្លាំមើលបានបន្តអោយដឹងទៀតថា៖ សមត្ថកិច្ចជំនាញហាក់រក្សាភាពស្ងៀមស្ងាត់មិនចាត់វិធានការអោយមានភាពខ្ពស់ ស៊ីជម្រៅ អោយសម ស្របទៅតាមបទបញ្ជារបស់ថ្នាក់ជាតិដែលកំពុងតែបើកយុទ្ធនាការយ៉ាងក្ដៅកកុក ក្នុងខែសីហា ឆ្នាំ២០១៩នេះ។ ប្រភពបន្តទៀតថា៖ ក្រុមឈ្មួញរកស៊ីឈើទាំងនោះ បានធ្វើការដឹកជញ្ជូនមកពីខេត្តព្រះវិហារ និង ខេត្តឧត្តរមានជ័យ ដោយប្រើរូបភាពដាក់តាម ឡានសាំយ៉ុង ឡានលុចស៊ីស ឡានកាំម៉ារី និង គោយន្តកន្ត្រៃ បន្តធ្វើចរាចរឆ្លងកាត់ស្នាក់ការសមត្ថកិច្ចពាក់ពន្ធ័ តាមដងផ្លូវបានដោយសេរី។ ជាក់ស្ដែងមានមេឈ្មួញឈេីដោះស្លែជាច្រេីននាក់នៅក្នុងស្រុកជីក្រែង បានធ្វើការដឹកជញ្ជូនឈើមូល តាមគោយន្តកន្ត្រៃ ឆ្លងកាត់តាមភូមិខ្វាវស្រុកជីក្រែង ដឹកយកមកស្តុកទុកក្នុងរោងសិប្បកម្មកែច្នៃ និងបន្តយកទៅលក់ចែកចាយក្នុងខេត្តសៀមរាប បានយ៉ាងសុខស្រួល។ គួរបញ្ជាក់ផងដែរថា៖ លោក ទា គឹមសុទ្ធ ប្រធានមន្ទីរកសិកម្មខេត្តសៀមរាប និងលោក ម៉ុង ប៊ុនលីម នាយខណ្ឌរដ្ឋបាលព្រៃឈើ ខេត្តសៀមរាប ព្រមទាំងលោក ស៊ុន គង់ ប្រធានមន្ទីរបរិស្ថានខេត្តសៀមរាប ត្រូវបានប្រជាពលរដ្ឋរិះគន់ចំៗថា៖ ក្នុងខែសីហា ថ្មីៗនេះ នៅតែបណ្ដែតបណ្ដោយអោយបទល្មើសព្រៃឈើកើតឡើងយ៉ាងពេញបន្ទុកដ៏ដែល។ ដូច្នេះហើយទើបមានសេចក្ដីរាយការណ៍មកនិងអំពាវនាវទៅដល់ថ្នាក់ដឹកនាំខេត្ត ក៏ដូចជាគណៈកម្មការបង្ក្រាបបទល្មើសព្រៃឈើថ្នាក់ជាតិ សូមមេត្តាស៊ើបអង្កេត និង ធ្វើការបង្ក្រាបអោយមានភាពស៊ីជម្រៅទៅលើក្រុមឈ្មួញជាច្រើនខាងលើ ដែលកំពុងតែបន្តកាប់ឈើ និង ដឹកជញ្ជូនឈេីចូលក្នុងខេត្តសៀមរាប បានដោយរលូនដូចសព្វថ្ងៃនេះផងបាទ៕ រាយការណ៍ដោយៈ អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
អ្នកអង្គម្ចាស់ ស៊ីសុវត្ថិ សិទ្ធីដែន ឧត្ដមប្រឹក្សាផ្ទាល់ សម្តេចព្រះមហាសង្ឃរាជ នៃព្រះរាជាណាចក្រកម្ពុជាទាំងពីរគណៈយាងចុះសួរសុខទុក្ខប្រជាពលករនៅច្រកទ្វារព្រំដែនអន្តរជាតិដូង ក្នុងស្រុកកំរៀង ខេត្តបាត់ដំបង (គេហទំព័រ ប៉ោយប៉ែត ប៉ុស្តិ៍)
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា