រាជធានីភ្នំ​ពេញ ៖ ក្រោយពីមានប្រភពព័ត៌មានមួយចំនួនបានផូសនៅលើបណ្តាញសង្គម ចោទប្រកាន់ថា៖ លោក កង វង បានដោះដៃចុះចោលប្រពន្ធកូន នាពេលថ្មីៗនេះ ដោយមិនទទួលខុសត្រូវ។ លោក កង វង ចៅសង្កាត់ចោមចៅទី១ បានថ្លែងបំភ្លឺអោយសារព័ត៌មាន គេហទំព័រ ប៉ោយប៉ែតប៉ុស្តិ៍ ដឹងនៅរសៀលនេះថា៖ រឿងរ៉ាវនេះ មិនដូចអ្វីដែលគេផូសនៅលើបណ្តាញសង្គមនោះទេ លោកបានអោយដឹងយ៉ាងច្បាស់ថា៖ រឿងរ៉ាវប្តីប្រពន្ធរបស់លោកកំពុងដោះស្រាយគ្នាតាមផ្លូវតុលាការហើយដែល។ ​លោក កង វង បានបញ្ជាក់ថា៖ លោក និង ​លោកស្រី យ៉ើ​​ ស្រីលក្ខ ពិតជាបានរួមរស់នៅជាមួយគ្នាក្រោមដំបូលផ្ទះតែមួយ ក្នុងនាមជាប្តីប្រពន្ធឥតខាន់ស្លា (អនីតិសង្វាស ឬមិនទាន់ចុះសំបុត្រអាពាហ៍ពិពាហ៍) ពិតប្រាកដមែន ក្នុងរយៈពេលជាង២ឆ្នាំមកនេះ នៃចំណងស្នេហារវាងលោក និងប្រពន្ធ ឈ្មោះ​ យ៉ើ​ ស្រីលក្ខ ពួកលោកទទួលបានចំណងដៃ កូនស្រីម្នាក់ ឈ្មោះ វង​ សុដា​វត្តី ដែលមានវ័យជាង១០ខែម្នាក់។ លោក កង វង បានអះអាងទៀតថា៖ កូនស្រីរបស់លោកជាមួយលោកស្រី យ៉ើ​ ស្រីលក្ខ មានសំបុត្រកំណើតបញ្ជាក់ថែមទៀតផង គឺលោកជាឪពុករបស់ក្មេងស្រីតាមផ្លូវច្បាប់ទៀតផង។ គួរបញ្ជាក់ផងដែរថា៖ លោក កង វង បានទំលាយរឿងស្នេហាដំបូងជាមួយនិងលោកស្រី យ៉ើ ស្រីលក្ខ លោកថាខ្លួនលោកនៅកំលោះ ចំណែកលោកស្រី ជាស្រ្តីមេម៉ាយ ហើយកាលណោះលោកស្រី បានកុហក់លោកថា៖ លោកស្រី ជាមួយប្តីលោកស្រីបានលេងលះគ្នាដាច់ស្រេចហើយ ទើបរូបលោកបង្កើតចំស្នេហានិងគ្នា ហើយក៏បានរួមរស់ជាមួយដូចដែលបានរៀបរាប់ខាងលើ។ លោក កង វង បានថ្លែងអោយដឹងទៀតថា៖ កាលពីពេលថ្មីៗនេះ ប្តីប្រពន្ធរបស់លោក មានរឿងរ៉ាវរកាំរកូសនោះ គឺដោយសាររូបលោកដឹងរឿងលោកស្រី យ៉ើ ស្រីលក្ខ នៅមិនទាន់លេងលះដាច់ស្រេចពីប្តីដើមរបស់លោកស្រីនោះទេ ទើបបានកើតមានរឿងដល់ថ្នាក់ប្តីប្រពន្ធលោកបានសម្រេចចិត្តបែកបាក់គ្នាទៅ ទើបរូបលោកព្រមតាម និង ជួយដោះ ស្រាយជាប្រាក់ចំនួន ៤០០០ ដុល្លារ ដើម្បី អោយលោកស្រីបង្កើតមុខរបររកស៊ី ក្រៅពីនោះ លោកក៏បានឧបត្ថម្ភអាហារកម្មដល់កូនស្រីក្នុង១ខែចំនួន ១០០ ដុល្លារ រហូតកូនមានអាយុ១៨ឆ្នាំ លោកបានបញ្ជាក់អោយដឹងច្បាស់ថា៖ មានលិខិតកិច្ចសន្យាបានព្រមព្រៀងគ្នារួចជាស្រេចហើយផងដែល។ លោក កង វង បានរៀបរាប់រឿងរ៉ាវអោយសារព័ត៌មាន គេហទំព័រ ប៉ោយប៉ែតប៉ុស្តិ៍ តាមទូរស័ព្ទ និយាយទាំងក្តុកក្តួលក្នុងចិត្តថា៖ "ឪពុករូបណាចង់បែកពីកូនជាទីស្រលាញ់? ខ្ញុំចង់រស់នៅជួបជុំគ្នាវិញល្អជាង"ហើយរូបលោកបន្តថា៖ ទោះជាមានរឿងបែបនេះក៏ដោយ បើពួកគាត់ចង់ត្រឡប់មកវិញ ផ្ទះខ្ញុំបើកទ្វារង់​ចាំជានិច្ច» ហើយខ្ញុំ មិនដែលមានស្រីញីបោះបង់ បណ្តេញកូនប្រពន្ធចេញពីផ្ទះដូចលោកស្រី យ៉ើ ស្រីលក្ខ ចោទប្រកាន់នោះទេ ខ្ញុំក៏មានបេះដូង ខ្ញុំក៏ចេះស្រលាញ់កូនប្រពន្ធ របស់ខ្ញុំដែរ»។  លោក កង វង ចៅសង្កាត់ចោមចៅទី១ បានថ្លែងបំភ្លឺនៅរសៀលនេះបន្ថែមថា៖ ដើម្បីបញ្ចប់ការងឿងឆ្ងល់របស់មហាជន លោកបានរៀបរាប់ដូចដែលខាងដើមចឹង សូមពុកម៉ែបងប្អូនចូលចិត្តតាមដាននៅបណ្តាញសង្គមព័ត៌មាន សូមកុំអោយមានការយល់ច្រឡំមកលើរូបលោកតទៅទៀត។ លោកបានបញ្ជាក់អោយដឹងទៀតថា៖ បន្ទាប់ពីមានរឿងរ៉ាវចោតប្រកាន់មកលើរូបលោកថា៖ បោះបង់ប្រពន្ធកូនចោល ទៅមានស្រីថ្មីដោយមិនទទួលខុសត្រូវរួចមក លោកបានដាក់ពាក្យបណ្តឹងទៅតុលាការ ហើយនៅថ្ងៃទី២ ខែ ក្រោយឆ្នាំ២០១៩ ខាងមុខនេះ ខាងតុលាការ និងកោះហៅពួកលោកទាំងពីនាក់ទៅជុំរុងជុំរះដើម្បីសួរនាំលោកស្រីថា៖ ហេតុអ្វីបានជាលោកស្រីធ្វើដូច្នេះ ព្រោះរឿងនេះ ក្នុងកិច្ចសន្យាបានព្រមព្រៀងគ្នារួចរាល់ និងលោកស្រីបានទទួលយកថវិការួចអស់ហើយដែល ដោយមិនប្រកែកតវ៉ាអ្វីទាំងអស់៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com