សមត្ថកិច្ចឃាត់ខ្លួនបុរសម្នាក់.! ក្នុងចំណោមបក្ខពួកជាង១០នាក់ ក្នុងករណីដេញវ៉ៃសង្សារមួយគូ...!!!
រាជធានីភ្នំពេញ៖ សមត្ថកិច្ចឃាត់ខ្លួនបុរសម្នាក់ ក្នុងចំណោមបក្ខពួកជាង១០នាក់ ក្នុងករណីដេញវ៉ៃសង្សារមួយគូ ដែលហេតុការណ៍នេះ បង្កអោយមានការភ្ញាក់ផ្អើលកាលពីវេលាម៉ោង១២ រំលងអធ្រាត្រ ឈាន ចូលថ្ងៃទី ២៧ ខែសីហា ឆ្នាំ២០១៩ ស្ថិតនៅចំណុចសួនវត្តបទុម នៅក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ។
ដោយយោងតាមប្រភពពីកន្លែងកើតហេតុបានអោយដឹងថា៖ មុនពេលកើតហេតុពួកគេទាំងពីរនាក់បានជិះម៉ូតូឌុបគ្នា មកអង្គុយ លេងនៅកន្លែងសួនច្បារមុខវត្តបទុមវត្តី តាំងពីវេលាម៉ោង១១យប់ ដោយមិនមានបញ្ហាជាមួយអ្នកណានោះទេ លុះរហូតមកដល់វេលាម៉ោង១២ រំលង អាធ្រាត្រ ស្រាប់តែមានក្មេងទំនើងប្រុសស្រី១ក្រុម មានគ្នាជាង១០នាក់ កាន់ទាំងមួកការពារ កាន់ទាំងខ្សែក្រវ៉ាត់ រត់ដេញវ៉ៃសង្សាមួយគូ ផ្អើលពេញទីតាំងចំណុចកើតហេតុ រួចបុរសជាសង្សារក៏រត់ទៅហៅសមត្ថកិច្ចអោយជួយមកអន្តរាគមន៍ ធ្វើអោយក្រុមក្មេងទំនើងមួយក្រុមខាងលើ រត់ចែកជើងគ្នា ភ្លាមៗនោះត្រូវបានសមត្ថកិច្ចឃាត់ខ្លួនបានម្នាក់ រួចបញ្ជូនយកមកប៉ុស្តិ៍ ដើម្បីសាកសួរទាំងកណ្តាលយប់តែម្តង។
សមត្ថកិច្ចបានអោយដឹងថា៖ ជនរងគ្រោះជាគូសង្សារក៏បានមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលចតុមុខ ដើម្បីអោយសមត្ថកិច្ចកសាងសំណុំរឿង និងចាត់ការតាមនីតិវិធី ចំណែកជនដៃដល់ត្រូវបានសមត្ថកិច្ចឃាត់ខ្លួនទុកបណ្តោះអាសន្ន ដល្បីស្រាវជ្រាវបន្តតាមចាប់បក្សពួកទៀតយកមកកាត់ទោសតាមផ្លូវច្បាប់៕
ដោយៈ លោក ព្រីង សំឡត អ្នកយកព័ត៌មាន
គេហទំព័រ ប៉ោយប៉ែតប៉ុស្តិ៍
www.poipetpostnews.com
