ក្រុងប៉ោយប៉ែត៖ កាលពីព្រឹកមិញនេះ មានករណីហឹង្សា មួយបានកើតឡើង រវាងសមត្ថកិច្អន្តោប្រវេសន៍ម្នាក់ និង ពលរដ្ឋរត់ម៉ូតូឌុប ម្នាក់ត្រង់ចំណុចម្តុំដើមស្រល់ ខាងជើងកាស៊ីណូផ្កាយ៥ ស្ថិតនៅភូមិសាមគ្គីមានជ័យ សង្កាត់ និង ក្រុងប៉ោយប៉ែត ខេត្តបន្ទាយមានជ័យ នៅព្រឹកថ្ងៃទី២៨ ខែសីហា ឆ្នាំ២០១៩។ ប្រភពពីកន្លែងកើតហេតុបានអោយដឹងថា៖ មូលហេតុដំបូង ខាងសមត្ថកិច្ចអន្តោប្រវេសន៍កំពុងចុះចាប់ជនជាតិចិន ដែលធ្វើដំណើរឆ្លងកាត់ បរិវេណកាស៊ីណូ ភែរើមែកស៍ នៃទឹកដីកាស៊ីណូផ្កាយ៥ ដេីម្បីត្រួតពិនិត្យរកឯកសារជនអន្តោប្រវេសន៍ នៅពេលដែលសមត្ថកិច្ចជំនាញកំពុងចុះប្រតិបត្តិការ ដោយឃើញអ្នករត់ម៉ូតូឌុប ម្នាក់ បានដឹកភ្ញៀវជនជាតិចិន សមត្ថកិច្ចក៏ស្ទុះរត់ទៅឃាត់ អ្នករត់ម៉ូតូឌុប ដែលកំពុងបើកម៉ូតូក្នុងល្បឿនមធ្យម ក៏បង្កទៅបុកសមត្ថកិច្ចរងរបួសស្រាល ខណៈនោះដែលធ្វើអោយសមត្ថកិច្ចអន្តោប្រវេសន៍ម្នាក់រងរបួស ក៏ខឹងមួយឆាវ ទើបប្រើកាយវិការមិនសមរម្យទៅលើពលរដ្ឋដែលរត់ម៉ូតូឌុបនោះ "ដូចជា ទាត់មួកសុវត្តភាព និង ទាត់ម៉ូតូរបស់ពលរដ្ឋរត់ម៉ូតូឌុបដឹកភ្ញៀវចិនខាងលើ" ទើបធ្វើអោយពលរដ្ឋកំពុងធ្វើសារចរាចរណ៍ឆ្លងកាត់ទីនោះ ផ្អើលចោម រោមមើលឈូឆរ ភ្លូកទឹកភ្លូកដី នៅចំណុចកើតហេតុ។ ប្រភពពីកន្លែងកើតហេតុបានរិះគន់សមត្ថកិច្ចអន្តោប្រវេសន៍ថា៖ បើចុះប្រតិបត្តិការម្តេចមិនដាក់ បង់រ៉ាស់ ជាសញ្ញាអោយដឹងមុនផង កុំអាងតែខ្លួនជាសមត្ថកិច្ច មកឃាត់ម៉ូតូពលរដ្ឋផ្តេសផ្តាស ចឹងហើយទើបគ្រោះថ្នាក់។ ប្រភពបន្តថា៖ ចុះបើអ្នករត់ម៉ូតូឌុបគ្រោះថ្នាក់ដល់ អាយុជីវិតតើអ្នកណាជាអ្នកទទួលខុសត្រូវចំពោះរឿដែលបានកើតឡើង ហើយពេលនោះសមត្ថកិច្ច មិនធ្វើការសម្របសម្រួល បែជាហ៊ានប្រើហឹង្សាដាក់ប្រជាពរដ្ឋទៅវិញ ប្រភពដ៏ដែលបន្តថា៖ ខុស ឬ ត្រូវ ចាំបាច់អីប្រើហឹង្សាបែបនេះ និយាយគ្នាបានតើ។ ទោះបីជាយ៉ាងណាក្តី បើយោងតាមប្រភពពីប្រជាពលរដ្ឋដ៏ដែលបន្តថា៖ ពួកក្រុមម៉ូតូឌុបប៉ុន្មាននាក់ និង ជនរងគ្រោះ បានទៅដាក់ពាក្យបណ្តឹង នៅឯអធិការក្រុងប៉ោយប៉ែតហើយ៕ ដោយៈ លោក ស៊ុយ វុទ្ធី និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com