ប្រធានមន្ទីរ ដែនដីនគរូបនីយកម្មសំណង់និងសូរិយោដីខេត្តបន្ទាយមានជ័យ ថ្មី និងប្រកាស៍នៅសប្តាហ៍ក្រោយនេះ ជំនួសលោក ប្រាក់ ប៉ូលី...!!! សូមទស្សនា វីដេអូៈ
ក្រុងប៉ោយប៉ែត៖ យោងតាមប្រភពច្បាស់ការណ៍មួយ ចេញពីមន្ទីរសូរិយោដីខេត្តបន្ទាយមានជ័យ ដែលអត់លិឌ បានអោយសារព័ត៌មាន គេហទំព័រ ប៉ោយប៉ែតប៉ុស្តិ៍ ដឹងយ៉ាងច្បាស់ថា៖ "ប្រធានមន្ទីរសូរិយោដីថ្មី នឹងប្រកាស៍នៅសប្តាហ៍ក្រោយនេះ ជំនួសលោក ប្រាក់ ប៉ូលី" ប្រភពបន្តថា៖ ប្រហែលអោយលោក ប្រាក់ ប៉ូលី ដាក់ទៅក្រសួង អានការសែត លេងៗហើយមើលទៅ។
ហើយប្រភពច្បាស់ការណ៍ដដែលបានបញ្ជាក់ថា៖ ដោយយោងតាមសារឯកឧត្ត ជា សុផារ៉ា ចុះហត្ថលេខា អោយអ្នកថ្មី កាលពីថ្ងៃម្សិល មិញនេះ។ ប្រភពច្បាស់ការណ៍បានអោយដឹងទៀតថា៖ សំណង់មិនប្រក្រតី ត្រូវបានរកឃើញជាង ៧០០ករណី ដែលពាក់ព័ន្ធអំពើពុករលួយ ដែលអ្នកក្រុងប៉ោយប៉ែត មួយចំនួន ធ្វើសំណង់នោះ កំពុងស្រក់ទឹកភ្នែក ហើយក៏មិនមែនយំស្តាយលោក ប្រាក់ ប៉ូលី ទេ គឺយំស្តាយលុយ ដែលសំណង់មិនរួច ហើយប្លង់ដី ដែល លោក ប៉ូលី យករាប់ម៉ឺន មិនបានធ្វើអោយពួកគាត់រួចរាល់ទេ។
មិនតែប៉ុណ្ណោះ ប្រភពច្បាស់ការណ៍ចេញពីមន្ទីរសូរិយោដីក្រុង ដែលអត់លិឌ បានអោយដឹងទៀតថា៖ ដី១កន្លែងៗ លោក ប្រាក់ ប៉ូលីន កាត់ប្លង់ដី ឬ ផ្ទេរ ចាប់ពី ៥០០០$ ឡើងទៅ ដែលទារលុយត្រង់ៗ ដោយអោយឈ្មោះ វ៉ិច ជាមន្ត្រីសូរិយោដីក្រុង ជាអ្នកចុះទៅមើល ហើយជួយរៀបចំឯកសារ។ ដូចនេះហើយ ទាំងសំណង់ និង ប្លង់ដី ដែលនៅសល់ ដែលយកលុយគេហើយនោះ កំពុងតែប្រឹង ចុះហត្ថលេខា ទាំងយប់ទាំងថ្ងៃទៀតផង។
ប្រភពច្បាស់ការណ៍ដដែលបន្តថា៖ "សំណង់ដែលរកឃើញមិនប្រក្រតីជាង ៧០០ ករណីនោះ គេគិតមធ្យម" ថាបើ ១កន្លែងយក តែ ១ម៉ឺនដុល្លារ ចុះជាង ៧០០ ករណី នោះ ប៉ុន្មានលុយ$ទៅណ៎.!។ ប្រភពច្បាស់ការណ៍ដដែលបានទម្លាយទៀតថា៖ សំណង់នេះ គិតតែនៅក្នុងក្រុងប៉ោយប៉ែតទេ ចុះនៅកន្លែងផ្សេងៗសរុបនៅក្នុងទីរួមខេត្តបន្ទាយមានជ័យ តើប៉ុន្មានទៅ.!!!។
ពាក់ព័ន្ធទៅនិងរឿងខាងលើនេះ ពលរដ្ឋទូទាំងស្រុក/ខេត្តបន្ទាយមានជ័យ សូមសំណូមពរដល់ឯកឧត្ដម ជា សុផារ៉ា ដែលជាម៉ែ ជាឪ របស់កូនចៅ មេត្តាជួយមើលលោក ប្រាក់ ប៉ូលី ប្រធានសូរិយោដីប្រចាំខេត្ត និងលោកប្រាក់ ប៉ូលីន សូរិយោដីក្រុង ដែលកំពុងតែក្បត់ប្រជាពលរដ្ឋ ឃុបឃិតគ្នាជាប្រព័ន្ធ ផងទាន។ ជាពិសេស សូមសំណូមពរដល់ឯកឧត្ដម ឱម យិន ទៀង ប្រធានប្រយុទ្ធប្រឆាំងអំពើពុករលួយ សូមមេត្តាដាក់ការស៊ើបអង្កេតពីរឿងពុករលួយរបស់លោក ប្រាក់ ប៉ូលី និងប្រាក់ ប៉ូលីន ពីនាក់បងប្អូន អោយបានស៊ីជម្រៅក្នុងរឿងករណីខាងលើនេះផងទាន។
ជុំវិញករណីខាងលើនេះដែរ សារពត័មានយើងខ្ញុំ ចុះផ្សាយទៅនេះក្នុងនាមជាព្រាបនាំសារ ជាកញ្ចក់ឆ្លុះបញ្ចាំងពីសង្គមដើម្បីជូនដំណឹងដល់ថ្នាក់ដឹកនាំបានដឹង និងកែតម្រូវតែប៉ុណ្ណោះ ហើយសារព័ត៌មានយើងខ្ញុំចុះផ្សាយទៅនេះ រិះគន់ក្នុងនៃស្ថាបនា មិនបានបង្អាប់បង្អោន ឬជាន់ពន្លិចបុគ្គលណាមួយឡើយ ហើយអង្គភាពយើងខ្ញុំ ស្វាគមន៍សាមី រងចាំការបកស្រាយបំភ្លឺ ជុំវិញករណីខាងលើឡើងវិញ រៀងរាល់ម៉ោងធ្វើការផ្សាយ តាមរយៈលេខទូរស័ព្ទTell.092190098/ 0886606773.ការិយាល័យនិពន្ធ៕
ពីខ្ញុំ ជួង វណ្ណអាង ចាងហ្វាងការផ្សាយ
គេហទំព័រ ប៉ោយប៉ែតប៉ុស្តិ៍
www.poipetpostnew.com
