យោងតាមការចុះផ្សាយរបស់ទីភ្នាក់ងារ ព័ត៌មានចិន China Daily នៅថ្ងៃទី២ ខែកញ្ញា ឆ្នាំ២០១៩ នេះ បានអោយដឹងថា៖ នាយករដ្ឋមន្រ្តី អ៊ីស្រាអែល លោក បេនចាមីនណេតាន់យ៉ាហ៊ូ បាននិយាយកាលពីថ្ងៃអាទិត្យថា៖ ប្រទេសរបស់លោកបានត្រៀមខ្លួនរួចជា ស្រេច ដើម្បីធ្វើការវាយប្រហារមួយផ្សេងទៀតនៅឯ ហេសបូឡា ប្រទេសលីបង់ បន្ទាប់ពីមានការវាយប្រហារបានផ្ទុះឡើងនៅតាមបណ្តោយព្រំដែនលីបង់។ លោកនាយករដ្ឋមន្រ្តីរូបនេះ បានព្រមានបែបនេះ ក្រោយពីក្រុមសកម្មប្រយុទ្ធ អ៊ីស្លាមហេសបូឡា បានបាញ់មីស៊ីល ទៅទីតាំងយោធាអ៊ីស្រាអែល ក្បែរសហគមន៍អាវីវីម ភាគខាងជើងកាលីឡេ របស់អ៊ីស្រាអែល ក្បែរព្រំដែនលីបង់។ អ្នកនាំពាក្យយោធាអ៊ីស្រាអែល លោក Jonathan Conricus បានប្រាប់អ្នកយកព័ត៌មានថា៖ មីស៊ីល ក្រុមសកម្មប្រយុទ្ធ អ៊ីស្លាម Hezbollah បានបាញ់និងវាយប្រហារទីបញ្ជាការកងវរសេនាតូចនិងរថយន្តសង្គ្រោះបន្ទាន់របស់យោធា។ លោក Conricus បាននិយាយថា៖ ជាការឆ្លើយតបកងទ័ពបានវាយប្រហារទៅលើក្រុមហេសបូឡា ដែលបានបាញ់មីស៊ីល ដោយគ្រាប់កាំភ្លើងធំប្រហែល ១០០ គ្រាប់ និងឧទ្ធម្ភាគចក្រវាយប្រហារ។ គួរបញ្ជាក់ផងដែរថា៖ អ៊ីស្រាអែល និងក្រុម សកម្មប្រយុទ្ធ អ៊ីស្លាម ហេសបូឡា ក៏ធ្លាប់បានប្រយុទ្ធគ្នាបង្ហូរឈាមផងដែរ នៅឆ្នាំ២០០៦ ប៉ុន្តែនៅពេលថ្មីៗនេះ ហេសបូឡា ហាក់ចង់បញ្ចេញសាច់ដុំ បន្ទាប់ពីមានការវាយប្រហារតាមអាកាសរបស់អ៊ីស្រាអែល នៅស៊ីរី និងលីបង់៕ បកប្រែដោយៈ.ស.ស.អ.ក ចេញផ្សាយដោយៈ គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
តាមរយៈការចង្អុលបង្ហាញផ្ទាល់របស់សម្តេចមហាបវរធិបតីហ៊ុន ម៉ាណែតនាយករដ្ឋមន្ត្រី ឯកឧត្តមបណ្ឌិត ប៉ាន់ខែម ប៊ុនថន ប្រើរយៈពេលវេលាចំនួន៣ម៉ោងប៉ុណ្ណោះ ដោះស្រាយវិវាទដីធ្លី១៨ឆ្នាំជូនប្រជាពលរដ្ឋបានបញ្ចប់ហើយនៅភូមិក្បាលស្ពាន១ សង្កាត់អូរជ្រៅ (ប៉ោយប៉ែតប៉ុស្តិ៍)
មន្ត្រី បន្តផ្តល់អត្តសញ្ញាណប័ណ្ណ ជិត ១ម៉ឺនសន្លឹក និងសេវាអត្តសញ្ញាណកម្ម ជាង ២ម៉ឺនសេវាទៀត ជូនប្រជាពលរដ្ឋ (ប៉ោយប៉ែតប៉ុស្តិ៍)
លោក គាត ហ៊ុល អភិបាលក្រុងប៉ោយប៉ែតនាំយកអំណោយនិងថវិកាផ្ដល់ជូនស្ត្រីម្នាក់ដែលមានជំងឺប្រចាំកាយ ជាជំងដឹមហារីក សុដន់ (ប៉ោយប៉ែតប៉ុស្តិ៍)
លោកវរសេនីយ៍ទោ ទេព រដ្ឋា នាំថវិកាចំនួន ១,៥០០,០០០រៀល របស់លោកឧត្តមសេនីយ៍ទោស្នងការប្រគល់ជូនគ្រួសារសពលោក អនុសេនីយ៍ត្រី ហូ ឧត្តម មន្រ្តីប៉ុស្តិ៍នគរបាលទានកាំដែលបានទទួលមរណៈភាព (ប៉ោយប៉ែតប៉ុស្តិ៍)
ខ្ចីម៉ូតូជិះមួយភ្លេតយកទៅលក់ដើរលេងស៊ីចាយអស់ ត្រូវម្ចាស់ប្តឹងសមត្ថកិច្ចចាប់ខ្នោះ.!!! (ប៉ោយប៉ែតប៉ុស្តិ៍)
វីដែអូ
ចំនួនអ្នកទស្សនា