ក្រុងប៉ោយប៉ែត៖ មានករណីឆាបឆេះរថយន្តហាយឡិនឌ័ររ ០១គ្រឿង ពណ៍ ស ពាក់ស្លាកលេខ បន្ទាយមានជ័យ​ 2A-9567 ដោយសារបញ្ចូលហ្គាស បង្កការភ្ញាក់ផ្អើលទាំងក្បាលព្រលប់ នាវេលាម៉ោង​១៨នឹង៤០នាទី ថ្ងៃទី៣០ ខែតុលា ឆ្នាំ២០២០ នៅចំនុចមណ្ឌល៦ ភូមិប្រជាធម្មលិច​ សង្កាត់ផ្សារកណ្តាល​ ក្រុងប៉ោយប៉ែត ខេត្តបន្ទាយមានជ័យ ។ ប្រភពពីកន្លែងហេតុការណ៍​បានអោយដឹងថា៖មុនកើតហេតុ គេបានឃើញមានរថយន្តម៉ាកហាយឡេនឌឺ ពណ៍ ស ពាក់ស្លាកលេខ បន្ទាយមានជ័យ​ 2A-9567 អ្នកបេីកបរដោយឈ្មោះ​ សារ៉ាត់ កន្និកា​ ភេទ​ស្រី​ អាយុ​៣៨​ឆ្នាំ​ បានចូលមកបញ្ចូលហ្គាសក្នុងរថយន្តចំនួន​ ១៥​ គីឡូក្រាម​ នៅកន្លែងបញ្ចូលហ្គាស ដែលមានឈ្មោះ មុំ​ សុភក្រ័​ ភេទ​ប្រុស​ អាយុ​២១​ឆ្នាំ​ ត្រូវជាបងប្អូនជីដូនមួយ ពេលកំពុងបញ្ចូលហ្គាស​ ក៏បានផ្ទុះហ្គាសចេញពីក្នុងរថយន្ត បណ្តាលអោយភាយចំហាយហ្គាសចេញមកខាងក្រៅចំឆ្នាំងស៊ុបនៅក្បែរនោះ​ បណ្តាលអោយមានអគ្គីភ័យឆេះតែម្តង។ ភ្លាមៗនោះសមត្ថកិច្ចជំនាញនៃអធិការក្រុងប៉ោយប៉ែត បានដឹកនាំកម្លាំងដោយលោកវរសេនីយ៍ឯក ធិន សុិនដេត អធិការដ្ឋានក្រុងប៉ោយប៉ែត បានចុះជួយអន្តរាគមន៍នាំយករថយន្តពន្លត់អគ្គីភ័យចំនួន០១គ្រឿងនៃអធិការដ្ឋានក្រុង រួមនិងរថយន្តពន្លត់អគ្គីភ័យក្រុមហ៊ុនត្រូពីកាណាចំនួន ០២ គ្រឿង​ មកបាញ់ពន្លត់រថយន្តដែលកំពុងតែឆេះទាន់ពេលវេលា។ ផលប៉ះពាល់រួមមាន៖ ១-ឆេះរថយន្តម៉ាកហាយឡេនដឺ ពណ៍ ស ខាងលេីខូចខាតទាំងស្រុង។ ២-ឆេះខ្សែចរន្តអគ្គីសនី ដែលបន្តោងលើបង្គោលភ្លេីង។ ៣-គ្រឿងលក់ចាប់ហួយ ននិងគ្រឿងទេសមួយចំនួន។ ករណីនេះដែរបណ្តាលអោយមានអ្នករងរបួសប្រុសស្រី៣ នាក់ ក្នុងនោះមានក្មេងស្រី ២ នាក់ ត្រូវបានបញ្ជូនទៅព្យាលបាលនៅមន្ទីរពេទ្យខេត្តសៀមរាមមានឈ្មោះ៖ ទី១-សារ៉ាក​ កក្កដា​ ភេទ​ ប្រុស​ អាយុ​ ១៤​ ឆ្នាំ​ រងរបួសជេីងទាំងសងខាង។ ទី២-ហ៊ន់​ សុវណ្ណារី​ អាយុ​ ០​​​៥​ ឆ្នាំ​ រង​បួស​រលាកដៃជេីង​ និងផ្ទៃមុខ។ ទី៣-ហ៊ន់​ ដាណេ​ អាយុ​ ០៧​ ឆ្នាំ​ រងបួសរលាកដៃជេីងនិងផ្ទៃមុខ។ សូមបញ្ជាក់ថា៖ ករណីអគ្គីភ័យនេះបានរលត់ទាំងស្រុង​ នៅវេលា​ម៉ោង​១៩នឹង២០នាទីយប់ បន្ទាប់ពីមានកម្លាំងសមត្ថកិច្ចចម្រុះសហការជាមួយអាជ្ញាធរភូមិ និងប្រជាពលរដ្ឋ រួមនិងរថយន្តពន្លត់អគ្គីភ័យចំនួន០១រគ្រឿងរបស់អធិការដ្ធាននគរបាលក្រុងប៉ោយប៉ែត និងរថយន្តអគ្គីភ័យរបស់ក្រុមហ៊ុនត្រូពីកាណាចំនួន ០២ គ្រឿង​ ប្រើប្រាស់ទឹកអស់ចំនួន០៤ឡានផងដែរ៕ ដោយ: លោក ហ៊ីម ឯល គេហទំព័រ ប៉ោយប៉ែតប៉ុស្តិ៍ www.poipetpostnews.com