ខេត្តបន្ទាយមានជ័យ៖ ក្រុងប៉ោយប៉ែត នៅថ្ងៃទី០៩ ខែតុលា ឆ្នាំ២០២០ វេលាម៉ោង០៨និង០០នាទីព្រឹក លោកវរសេនីយ៍ត្រី រស់ ពិសិដ្ឋ នាយប៉ុស្តិ៍នគរបាលការពារព្រំដែនគោក បឹងសាគូ ដឹកនាំកម្លាំងចំនួន០៩នាក់ តំណាងដ៏ខ្ពង់ខ្ពស់ លោកមេបញ្ជាការរដ្ឋាននគរបានវរ:សេនាតូចលេខ ៩១១ និង មេបញ្ជាការរង បើកកិច្ចប្រជុំជួបសំណេះសំណាលពិភាក្សាគ្នា រវាងកម្លាំងជួរមុខ កម្ពុជា-ថៃ ដែលកម្លាំងជួរមុខទាហានឈុតខ្មៅថៃ ដឹកនាំដោយលោកវរសេនីយ៍ត្រី ឆាន វង្សវាយមេធី មេបញ្ជាការកងអនុសេនាធំលេខ ១២០៥ មានចំនួន០៩នាក់ ដើម្បីបង្កើនសហប្រតិបត្តិការល្អៗ និងបង្កើនភាពស្និទ្ធស្នាលគ្នា រវាងគូរភាគី ដែលជាប្រទេសជិតខាង បើកកិច្ចប្រជុំ នៅប៉ុស្តិ៍នគរបាលការពារព្រំដែនគោកបឹងសាគូ (ខាងទឹកកម្ពុជា)។ ក្នុងកិច្ចប្រជុំសហប្រតិបត្តិការ និង ពិភាក្សាគ្នា រវាងគូរភាគី កម្ពុជា-ថៃ នាព្រឹកនេះផងដែរ មាន ៥ ចំណុច រួមមានដូចខាងក្រោម៖ ទី១-សូមអោយមានការយល់យោគគ្នាទៅវិញទៅមក រវាងកងកម្លាំងជួរមុខកម្ពុជា និងកងកម្លាំងជួរមុខថៃ ដែលនៅឈរជើងតាមខ្សែបន្ទាត់ព្រំដែន។ ទី-បង្កើនភាពស្និតស្នាលគ្នាអោយបានល្អប្រសើរ។ ទី៣-រួមគ្នាបង្ការនិងការពារទប់ស្កាត់ការរីករាលជម្ងឺកូវីដ-១៩ នៅតាមព្រំដែនគឺខិតខំរួមគ្នា ទប់ស្កាត់ការឆ្លងដែនដោយខុសច្បាប់។ ទី៤-រួមគ្នាទប់ស្កាត់ បទល្មើសគ្រឿងញៀន។ ទី៥-រួមគ្នាទប់ស្កាត់ បទល្មើសចោរកម្ម ឆ្លងដែនគ្រប់ប្រភេទ ។ កិច្ចប្រជុំពិភាក្សាសហប្រតិបត្តិការ រវាងកម្លាំង ប៉ុស្តិ៍នគរបាលការពារព្រំដែនគោកបឹងសាគូ កម្ពុជា និង កម្លាំងទាហានឈុតខ្មៅថៃ ត្រូវបានសំណេះសំណាលចប់នៅវេលាម៉ោង០៩និង៣០នាទីព្រឹកថ្ងៃខែឆ្នាំដដែល៕ ដោយៈ គេហទំព័រ ប៉ោយប៉ែតប៉ុស្តិ៍ www.poipetpostnews.com