ក្រុងប៉ោយប៉ែត៖ ដោយយោងតាមគណនី fb ឈ្មោះ Chhaiky Pha បានបង្ហោះរូបភាព(រងរបួសដៃ) កាលពីថ្ងៃទី០២ ខែវិច្ឆិកា ឆ្នាំ២០២០ នៅវេលាម៉ោង១១និង៤៤នាទីយប់ បានសរសេរថា៖ បងប្អូនពេលជិះម៉ូតូត្រូវប្រុងប្រយ័ត្នផង ញុំត្រូវចោរឆក់កាបូប #ផ្លូវក្រោយនាគទិព្ធចោរច្រើនណាស់។ ក្រោយពេលកើតហេតុ នារីជនរងគ្រោះ បានទៅដាក់ពាក្យបណ្ដឹង នៅអធិការដ្ឋាននគរបាលក្រុងប៉ោយប៉ែត។ កម្លាំងជំនាញនៃអធិការដ្ឋាននគរបាលក្រុងប៉ោយប៉ែត បានទទួលពាក្យបណ្ដឹងពីនារីជនរងគ្រោះភ្លាម និងដោយបានបទបញ្ជា ពីលោកឧត្តមសេនីយ៍ត្រី សិទ្ធិ ឡោះ ស្នងការនគរបាលខេត្តបន្ទាយមានជ័យ និងលោកឧត្តមសេនីយ៍ត្រី នូ ជីវ័ន្ដ ស្នងការរងទទួលបន្ទុកផ្នែកព្រហ្មទណ្ឌខេត្ត លោកវរសេនីយ៍ឯក ធិន ស៊ិនដេត បានដឹងនាំកម្លាំង អធិការដ្ឋាននគរបាលក្រុងប៉ោយប៉ែត ចុះប្រតិបត្តិការស្រាវជ្រាវ ឈានដល់ការចាប់ខ្លួនជនដៃដល់ដែលជាមុខសញ្ញាជិះម៉ូតូ ឆក់កាបូប នោះ បានម្នាក់ ស្ថិតនៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ កាលពីវេលាម៉ោង០៣ជាង ថ្ងៃទី១០ ខែវិច្ឆិកា ឆ្នាំ២០២០ ម្សិលមិញនេះ។ នៅរសៀលថ្ងៃទី១១ ខែវិច្ឆិកា ឆ្នាំ២០២០នេះដែរ លោកឧត្តមសេនីយ៍ត្រី នូ ជីវ័ន្ដ ស្នងការរងខេត្ត និងលោកអធិការក្រុងប៉ោយប៉ែត បានធ្វើសន្និសីទសារព័ត៌មាន បង្ហាញមុខសញ្ញាជនដៃដល់់ម្នាក់ ដែលបានធ្វើសកម្មភាពជិះម៉ូតូ ឆក់កាបូប នារីម្នាក់ កាលពីពេលថ្មីៗកន្លងទៅនេះ នៅខាងក្រោយនាគទិព្វ នៅអធិការដ្ឋាននគរបាលក្រុងប៉ោយប៉ែត នៃស្នងការនគរបាលខេត្តបន្ទាយមានជ័យ។ លោកស្នងការរងបានបន្តអោយក្រុមអ្នកសារព័ត៌មានដឹងថា៖ លោកនិងចាត់កម្លាំងខាងលោកអធិការក្រុងបន្តបើកការស្រាវជ្រាវបន្ថែមទៀត ដើម្បីបន្តតាមចាប់ខ្លួន ដៃជើងគូកនដែលជាមុខសញ្ញា(ឆក់) យកមកផ្តន្ទាទោសតាមផ្លូវច្បាប់ ដើម្បីធានាបានភូមិឃុំមានសុវត្ថិភាព ដោយយោងតាមបទបញ្ជា និងយកចិត្តទុក្ខដាក់ ពីលោកស្នងការខេត្តបន្ទាយមានជ័យ...(រាយការណ៍ បឋម:)៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែត ប៉ុស្តិ៍ www.poipetpostnews.com