ខេត្តសៀមរាប៖ ព្រះចៅអធិការវត្តសុវណ្ណគន្ធារីរតនារាម ព្រះនាម ចន្ទ័ រ៉ា សូមអំពានាវដល់ សម្ដេច ទ្រង់ ឯកឧត្ដម លោកឧកញ៉ា លោកជំទាវ លោក លោកស្រី បងប្អូនសប្បុរសជនទាំងក្នុងប្រទេស និងក្រៅប្រទេស សូមមេត្តាជួយឧបត្ថម្ភថវិកា ឬ ស៊ីម៉ងត៍ ដែក ថ្ម ខ្សាច់ ឥដ្ឋ ក្តី តាមសទ្ធាជ្រះថ្លារៀងៗខ្លួន។ ដោយបច្ចុប្បន្ននេះ វត្តសុណ្ណគន្ធារីរតនារាម (ហៅវត្តអូររំចេក) ស្ថិតនៅតាមបណ្ដោយផ្លូវជាតិលេខ៦៧ ក្នុងភូមិអូររំចេក ឃំុស្រែណូយ ស្រុកវ៉ារិន ខេត្តសៀមរាប ទើបនិងកសាងថ្មីមកដល់បច្ចុប្បន្ននេះ ទើបតែបានរយ:ពេលជាងពីរឆ្នាំប៉ុណ្ណោះ ហើយសព្វថ្ងៃវត្តកំពុងខ្វះខាតថវិកាយ៉ាងច្រើនសម្រាប់កសាងក្នុងវត្តដូចមានដូចជា ៖ ព្រះវិហារ ,សាលាឆាន់, កុដ្ន, ក្លោងទ្វា, និងទីកន្លែងជាច្រើនទៀត នៅក្នុងបរិវេណវត្ត។ ព្រះចៅអធិការវត្តព្រះនាម ចន្ទ័ រ៉ា បានមានពុទ្ធដីកាថា៖ រាល់ថ្ងៃព្រះសង្ឃទាំងភិក្ខុ ទាំងសាមណេ ចេញនិមន្ដបិណ្ឌបាត្រតាមផ្លូវផងនិងតាមផ្ទះបងប្អូនប្រជាពលរដ្ឋផង ដើម្បីរកបច្ចយ័យកមកកសាងវត្តបន្តទៀត។ ព្រះចៅអធិការបានបញ្ជាក់ថា៖ សព្វថ្ងៃព្រះសង្ឃគង់នៅក្នុងវត្តមានចំនួន១២អង្គ និងខិតខំប្រឹងប្រែងតស៊ូក្នុងការកសាងវត្តបន្តអោយរួចជាស្ថាពរក្នុងថ្ងៃខែឆ្នាំណាមួយ។ ព្រះសង្ឃគង់នៅក្នុងវត្តទាំអស់ សូមអំពាវនាវហើយ សូមអំពាវនាវទៀត មានតែសម្ដេច ទ្រង់ ឯកឧត្ដម លោកឧកញ៉ា លោកជំទាវ លោក លោកស្រី បងប្អូនប្រជាពលរដ្ឋទាំងក្នុងស្រុកនិងក្រៅស្រុកទេ ដែលជួយកសាងវត្តសុណ្ណគន្ធារីរតនារាម (ហៅវត្តអូររំចេក)បានជាស្ថាពរ។ សូមសម្ដេច ទ្រង់ ឯកឧត្ដម លោកឧកញ៉ា លោកជំទាវ លោក លោកស្រី បងប្អូនប្រជាពលរដ្ឋ សមប្រកប និងពុទ្ធពរទាំងបួនប្រកា គឺ ៖ អាយុ វណ្ណ: សុខ: ពល: និងបដិភាន:កំបីឃ្លៀងឃ្លាតឡើយ ៕