ខេត្តឧត្ដរមានជ័យ៖ យោងតាមព័ត៌មានក្នុងស្រុកបានចុះផ្សាយព្រោងព្រាត បើរគិតរយៈពេលជិត១០ឆ្នាំមកហើយ រហូតមកដល់ថ្ងៃទី១៨ ខែវិច្ឆិកា ឆ្នាំ២០២០នេះ មិនដឹងថា ឯកឧត្ដមឧត្ដមសេនីយ៍ឯក កែវ ធី មេបញ្ជាការរងកងទ័ពជើងគោក និងជាមេបញ្ជាការកងពលធំអន្តរាគមន៍លេខ២ ដឹងហើយឬនៅមិនទាន់នោះទេ.? ចំពោះសកម្មភាពមន្ត្រីយោធាម្នាក់ឈ្មោះ អាំង មករា មានទីលំនៅភូមិអូរជញ្ជាន ឃុំអន្លង់វែង ស្រុកអន្លង់វែង ខេត្តឧត្ដរមានជ័យ បំរើការងារជាមន្រ្ដីយោធា នៅកងពលធំអន្តរាគមន៍លេខ២ ដែលត្រូវជាប្អូនបង្កើតឈ្មោះ អាំង ចូច ជានាយទាហ៊ាន បម្រើនៅកងពលធំលេខ២ ផងដែរ ដែលកំពុងបង្កអសន្តិសុខ កៀរគរពលករឆ្លងដែន និងប្រមូលទិញឈើប្រណិត នៅតាមខ្សែបន្ទាត់ព្រំដែនកម្ពុជាថៃ ក្នុងតំបន់គ្រប់គ្រងរបស់យោធាសិករងស្រុកអន្លង់វែង និងស្រុកត្រពាំងប្រាសាទ និងសង្កាត់អូរស្មាច់ ។ តាមប្រភពរាយការណ៍មកបានអោយដឹងថា៖លោក អាំង មករា បានប្រព្រឹត្តបទឧក្រឹដ្ឋកម្មឈើឆ្លងដែន ដោយមានការសហការជាមួយមេឈ្មួញស្ដ្រីជាជនជាតិវៀតណាម ឈ្មោះ ខ្វៀង ធីម៉ៃ ដោយមានទីតាំងកាត់ជ្រៀក នៅជាប់ផ្លូវក្រវ៉ាត់ព្រំដែន ក្នុងភូមិទំនប់លើ ឃុំត្រពាំងប្រិយ៍ ស្រុកអន្លង់វែង ខេត្តឧត្ដរមានជ័យ។ ប្រភពបានបន្តថា៖ លោក អាំង មករា មានងារជាមន្រ្ដីយោធា នៅកងពលធំអន្តរាគមន៍លេខ២ តែមិនដែលចូលបន្ទាយទេ គឺយកពេលមករកស៊ីបទល្មើសឈើឆ្លងដែន រកប្រាក់ចំណូលបន្ថែមលើមុខងារបច្ចុប្បន្ន (យោធា) ដែលជាមូលហេតុ បង្កអសន្តិសុខនៅតាមខ្សែបន្ទាត់ព្រំដែន និងមានពលករកាត់អាឈើជាច្រេីន ត្រូវបានយោធាថៃ ចាប់ខ្លួនយកទៅផ្ដន្ទាទោសតាមច្បាប់ផងដែរ។ ប្រភពលើកឡើងបន្ថែមទៀតថា៖ បើលោកឧត្ដមសេនីយ៍ឯក កែវ ធី នៅតែបន្តទុកឱកាស មិនមានវិធានការណាមួយទៅលើមន្រ្ដីក្រោមឱវាទឈ្មោះ អាំង មករា ទេនោះ មិនដឹងនៅថ្ងៃខាងមុខ មានពលករខ្មែរប៉ុន្មានរូបទៀត នឹងត្រូវរងគ្រោះនោះទេ?។ ជុំវិញករណីខាងលើ ក្រុមការងារយើង មិនទាន់បានស្វែងរកសុំការបំភ្លឺពីសាមុីពាក់ព័ន្ធនៅឡើយទេ ខណៈនេះក្រុមការងារយើង នឹងរង់ចាំធ្វើការបកស្រាយបំភ្លឺជូនវិញរៀងរាល់ម៉ោងធ៕
ព័ត៌មានគួរចាប់អារម្មណ៍
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
ករណីបង្ក្រាបក្លឹបថាំងហ៊ួយ KTV បញ្ជូនអ្នកលក់គ្រឿងញៀនតែ១៥នាក់ទេទៅតុលាការ! (គេហទំព័រ ប៉ោយប៉ែត ប៉ុស្តិ៍)
ឯកឧត្តមបណ្ឌិត ទូច វណ្ណៈ ដឹកនាំប្រតិភូសមាគមសម្ព័ន្ធសារព័ត៌មានឯករាជ្យ ចូលជួបសម្តែងការគួរសមឯកឧត្តម ប៉េង ពោធិ៍សា អភិបាលខេត្តស្វាយរៀង (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា សង្ឃឹមយ៉ាងមុតមាំថា បទវិន័យនគរបាលជាតិកម្ពុជាថ្មីនេះ នឹងធ្វើឱ្យកងកម្លាំងនគរបាលជាតិ ប្រកាន់ខ្ជាប់នូវវិន័យ មានឥរិយាបថថ្លៃថ្នូរ មានក្រមសីលធម៌វិជ្ជាជីវៈ ស័ក្តិសមជាអ្នកបម្រើនិងការពារប្រជាពលរដ្ខ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា